Tân Úi-ûn

Tân Uí-ûn (Hàn-jī: 陳偉殷; 1985/7/21-) sī Tâi-uân Iá-kiû ūn-tōng-uân, tī Ko-hiông-tshī (高雄市) tshut-sì, Tâi-uân-lâng (台灣人). Kok-li̍p thé-io̍k tāi-ha̍k (國立體育大學) pit-gia̍p. I ê motto sī “Isshōkenmei (一生懸命, いっしょうけんめい)“. Tâi-uân muî-thé tiānn-tiānn kiò i "Ûn-a" (殷仔), in-uī "殷" tsit jī ê Huâ-gí huat-im kah Bân-lâm-gí ê "gín-á" (囡仔) tsin sio-siāng; līng-guā, i mā hōo lâng kiò-tsò "Tâi-uân ing-hiông" (台灣英雄, "殷" kah "英" tī Huâ-gí huat-im tsiânn sîng).

Tân Uí-ûn

Tân Uí-ûn khah-tsá tī NPB Tiong-ji̍t Dragon (中日ドラゴンズ) tsò tâu-tshiú, bái-tshiú, 2009 nî I sī NPB Tiong-iong liân-bîng ê hông-gū-lu̍t ông, I āu--lâi suá khì Bí-kok, tsit-má tsuán tī-leh MLB ê Baltimore Orioles. I sī uì Ji̍t-pún sîng-kong tsuán khì Bí-kok ê thâu tsi̍t uī Tâi-uân tâu-tshiú. 2012 nî, i sī Orioles tsuân tuī thê tio̍h siōng tsē sìng-lī ê tâu-tshiú (12 sìng), khiā tsāi sian-huat tâu-tshiú ê siú-pī uī-tì.

Kì-lo̍k

NPB

Nî- tōo	Kiû-thuân	Tshut- tiûnn	Sian-huat	Uân-tâu	Uân-hong	Bô pó-sàng tiûnn-sòo	Sìng	Pāi	Kiù-uān	Tiong-kè	Sìng- lu̍t	Tánn- kik- tsiá	Kio̍k- sòo	an-tánn	Homerun	Pó- sàng	thiau-kang pó-sàng	Tshiok- sin	Sanshin	Pō- tâu	huān- kui	Sit- hun	Tsū- tsik hun	hông- gū- lu̍t	WHIP
2005	Tiong-ji̍t Dragon	10	1	0	0	0	0	0	1	1	----	92	19.1	29	3	6	0	0	20	2	0	17	13	6.05	1.81
2008		39	14	1	1	0	7	6	0	12	.538	474	114.2	101	7	33	0	5	107	5	0	40	37	2.90	1.17
2009		24	23	5	4	2	8	4	0	0	.667	644	164.0	113	10	40	0	3	146	2	0	32	28	1.54	0.93
2010		29	27	3	2	0	13	10	0	1	.565	773	188.0	166	21	49	2	8	153	5	0	63	60	2.87	1.14
2011		25	24	4	1	2	8	10	0	0	.444	659	164.2	138	9	31	2	5	94	2	0	57	49	2.68	1.03
Lóng-tsóng		127	89	13	8	4	36	30	1	14	.545	2642	650.2	547	50	159	4	21	520	16	0	209	187	2.59	1.09

Su-hā Sing-ua̍h

Tân Uí-ûn, 2012/5/10.

• Tân Uí-ûn tī 2009 nî kiat-hun, in bóo Tshuà Ì-bûn (蔡意雯) sī siōng-pan tsia̍h-thâu-lōo ê.

Guā-pōo

• Tân Uí-ûn tī Facebook ê ia̍h-bīn.