Tō-lō͘-hoat (Ji̍t-pún)

Tō-lō͘-hoat (Ji̍t-pún-gí: どうろほう^{Dōro Hō}) sī Ji̍t-pún tō-lō͘ siong-koan ê hoat-lu̍t.

Hū-chek ê chèng-hú ki-kò͘ sī Kok-thó͘ Kau-thong Séng. Pún hoat kui-hoān-tio̍h Ji̍t-pún tō-lō͘ ê tēng-gī, chéng-pī chhiú-sio̍k, koán-lí hùi-iōng hū-tam chham hoa̍t-chek téng-téng koh-hāng tō-lō͘ siong-koan sū-hāng. Hiān-hêng ê Tō-lō͘-hoat tī 1952 nî^{Chiau-hô 27 nî}6--goe̍h chhe 10 kong-pò͘ (-lu̍t tē 180 hō). Hoat-lu̍t ê tùi-siōng sī ko-sok kiau-chhia kok-tō, it-poaⁿ kok-tō, tō͘-tō-hú-koān-tō kah chhī-teng-chhoan-tō, chóng-kiōng 4 lūi (pún hoat tē 3 tiâu).

Kū ê Tō-lō͘-hoat (kū-hoat, 1919 nî ^{Tāi-chèng 8 nî}hoat-lu̍t tē 58 hō) tēng-gī tō-lō͘ sī kok-iú kong-bu̍t. Hiān-hêng hoa̍t-chek kan-na ū kok-tō (ko-sok kiau-chhia kok-tō kah it-poaⁿ kok-tō) sī kok-iú kong-bu̍t, nā-sī tō͘-tō-hú-koān-tō kah chhī-teng-chhoan-tō hun-pia̍t sio̍k tō͘-tō-hú-koān kah chhī-teng-chhoan ê kong-bu̍t.

Siong-koan ê hoat-lēng ū Tō-lō͘ Kau-thong-hoat, Ko-sok Kiau-chhia Kok-tō-hoat, Tō-lō͘ Kò͘-chō-lēng, Chhia-lióng Hān-chè-lēng. 1958 nî í-chêng iah-koh-ū Ke-lō͘ Kò͘-chō-lēng ê chûn-chāi.

Kò͘-sêng

• Tē-1 chiong Chóng-chek
• Tē-2 chiong It-poaⁿ Kok-tō chi Ì-gī pēng-ki̍p Kî Lō͘-sòaⁿ Chí-tēng chham Jīn-tēng
  • Tē-5 tiâu (It-poaⁿ Kok-tō chi Ì-gī ki̍p Kî Lō͘-sòaⁿ Chí-tēng)
• Tē-3 chiong Tō-lō͘ chi Koán-lí
  • Tē-1 chiat Tō-lō͘ koán-lí-chiá
  • Tē-2 chiat Tō-lō͘ chi kò͘-chō
  • Tē-3 chiat Tō-lō͘ chi chiàm-iōng
  • Tē-4 chiat Tō-lō͘ chi pó-choân téng-téng
  • Tē-4 chiat chi 2 Tō-lō͘ chi li̍p-thé khu-e̍k
  • Tē-5 chiat Khoài-sok kong-lō͘ (Ji̍t-pún-gí: 自動車専用道路)
  • Tē-6 chiat Kha-ta̍h-chhia-tō téng-téng (Ji̍t-pún-gí: 自轉車専用道路)
• Tē-4 chiong Tō-lō͘ Siong-koan Hùi-iōng, Siu-ji̍p ki̍p Kî Hāu-iōng Hū-tam
• Tē-5 chiong Kàm-tok
• Tē-6 chiong Tō-lō͘ Sím-gī-hōe
• Tē-7 chiong Cha̍p-chek
• Tē-8 chiong Hoa̍t-chek

Gōa-pō͘ Liân-kiat

• Tō-lō͘-hoat tiâu-bûnArchived 2006-09-08 at the Wayback Machine.