Thó-lūn:Siōng-hái-chhī
上海市
siu-kái上海市，簡稱滬 ，別稱申，中國上大的城市，踮佇中國東部沿海，長江出海口的南勢，上海是中國政府中央直轄市，是現此時中國大陸經濟上蓋發達的所在。
|
| |
| 簡稱滬 別稱申 | |
| 行政層級 | 直轄 |
| 面積 - 總面積 - 占全國的比例(％) - 水域面積 (％) |
排第31位 6340.5平方公里 0.06 1.92 |
| 人口 - 總人口 (2003年尾) - 占全國的比例(％) - 人口密度 |
排第25位 1341.77萬 1.26 2,116／平方公里 |
| GDP - 總額 ( 2003年 ) - 占全國的比例(％) - 人平均GDP (2003 nî ) |
排第8 位 6250.81億箍人民幣 5.8 5642箍美金 |
| 市花 | 白玉蘭花 |
 | |
地理
siu-kái上海市的地理座標是北緯31°14′, 東經121°29′，拄好佇中國南北海岸線的半中點，伊的東爿倚東海，南是杭州灣，西爿和江蘇省，浙江省相接，北爿長江落海口。 全市總面積2,648.6平方公里，轄區內有一个中國第三大的島嶼，號做崇明岛，面積1041平方公里。 上海市的氣候屬於亞熱帶季風氣候，毋若燒烙，而且又閣澹濕，這搭四季明顯，出日的時間長，雨水嘛誠充足，春、秋兩季較短；冬、夏兩季較長， 雨水期主要集中佇春水飛雨 (春水簾雨/ 春雨)、芒種雨 (梅雨) 佮秋雨這三个時間段。
行政區域
siu-kái上海市攏總十八个市轄區，一个縣。
- 市轄區：黄浦、蘆灣、徐匯、長寧、靜安、普陀、閘北、虹口、楊浦、寶山、閔行、嘉定、金山、松江、青浦、奉賢、南匯、浦東。
- 崇明縣。
歷史
siu-kái上海是歷史文化名城，聽以講6,000外年前就有人類生活佇遮。 啊若真正有詳細歷史記載，是對唐朝開始，一直到甲第一次鴉片戰爭進前， 上海攏是屬於江蘇省的轄區範圍，這以後，上海成做清朝五口通商的其中一个港口，是外界出入中國內陸的重要通道，到甲20世紀日，三十年代的時陣，上海就已經成做遠東第一大的都市佮金融中心。
1949年以後，大多數的財團對上海搬去香港，雖罔是按呢，彼時的上海猶原是中國大陸的工業中心，文化大革命的時陣，上海是四人幫上重要的根據地。
20世紀80年代尾期，鄧小平上台，中國伐入改革開放的年代，此去，上海這个國家經濟中心，伊的地位不斷受著南方濟城市的挑戰，特別是五个經濟特區，不而過，90年代以後，上海的經濟發展誠緊，才閣確保著伊佇中國經濟、金融佮貿易這三个重要領域的中心地位，1993年浦東區的開發，閣較是加速城市發展的速度，目前的上海，每冬的人平均國內生產總值(GDP)保持著超過10%的速度佇咧增長。
經濟
siu-kái現此時，上海是中國大陸經濟上發達的城市，Chām-chí 2003年，上海市人平均國內生產毛額(GDP)將近5700箍美金 ，而且相連紲成十年平均經濟增長超過10%，目前上海市的經濟結構以第三產業 ( 服务業 )為主，其中上重要的產業包括金融業、房地產業、保險業佮運輸業，浦東新區是上海新的金融中心，全球五百強企業當中，有較加一半的企業佇遮設立分公司抑是辦事處。
上海的工業ôan-á誠發達，工業總產值占到全國的一成較加，上海的工業上蓋主要的是紡織、重工業、冶金、石油化工、機械佮電子工業。
上海市，農業的比例細，大約干焦占經濟總額的1.7%爾爾。
上海港是西太平洋地區上蓋繁忙的港口之一，港口的吞吐量量其約占全國總額的三分之一，目前當咧建設的大型深水港(名號做洋山港) ，每一年，設計的集裝箱吞吐量會當達到1,500萬標箱。
1999年佮2001年，上海捌成功舉辦過財富全球論壇佮亞太經合組織( APEC)這兩場盛會，將來，上海閣欲舉辦世界博覽會 ( 2010年)。