Pang-chān:臺灣兮經濟

臺灣兮經濟佇第二次世界大戰結束了後，以臺灣日本時代兮農業佮輕工業做基礎，沓沓發展起來以中小企業領導投資兮小型資本主義經濟體，中華民國政府主管投資大部份兮公營事業體以及濟濟國外投資所引導兮資本主義經濟體。

佇1951年至1988年，臺灣逐年兮平均經濟增長率達着9.57%，1988年至2008年是6.1%、2008年至2015年是2.8%。農業佇GDP中兮比重對1952年兮35%下降至5%。傳統勞動密集型工業已經沓沓由電子產業替代。臺灣兮電子工業對世界經濟喝水會堅凍，一定數量兮電腦抑電子零部件攏是佇臺灣生產兮。對外兮貿易是臺灣重要兮經濟命脈，佇過去美國和日本長期以來一直攏是臺灣兮前兩大貿易伙伴，佇2010年代共市場佮人才兮中心轉移去至中國，佇中國有五萬外个臺資企業，長期居留兮臺商佮眷屬有上百萬儂遐濟，但是2020開始，因為疫情佮政治兮無穩定，閣沓沓仔轉離開中國。另外有部份轉向歐羅巴和東南亞兮市場，其中泰國、印尼、菲立賓、馬來西亞佮越南這幾个國家是主要投資地。

佇2008年，綴臺灣第二擺政黨輪替，重新執政兮中國國民黨佇政策上轉和兩岸關係並加強和中國兮經貿交流關係，簽訂海峽兩岸經濟合作架構協議，根據臺灣財政部統計，對2000年以來對中國大陸貿易出口總額增加了大約25%，啊對美國佮日本兮出口總額減少了大約18%，中國大陸佮香港攏總佔臺灣貿易出口總額兮40%，佇2013年時啟動兩岸貨幣清算機制，金融業佇新臺票佮人民幣兮匯兌上，不再透過美金做為中間貨幣，臺灣對中國放貸總額達2.7兆新臺票，是高風險貸款，這顯示臺灣兮經貿已經相當倚靠中國，這嘛造成2016年民進黨上台以後中共會當挈經濟威脅臺灣。嘛因為民進黨兮政策佮國民黨無仝，佇𪜶執政兮幾年當中，嘛沓沓仔予臺灣兮經濟遠離中國，閣加上2020年兮疫情佮紲落來兮政治問題，已經無國民黨執政時期遐爾仔倚靠𪜶矣。