An-khoe-koān

An-khoe-koān (Hàn-jī: 安溪縣) sī Tiong-kok Hok-kiàn-séng Choân-chiu-chhī kóan-ha̍t ê chi̍t-ê koān, hông kiò chò thih-koan-im tê ê kò͘-hiong, . Kong-gôan 1985 nî, Tiong-kok Kok-bū-īⁿ phoe-chún ûi iân-hái tùi-gōa khai-hòng kōan. An-khoe ( An-khe ) tī " Bân-lâm kim-saⁿ-kak " ê tiong-sim tē-tài, kū-lī Ē-mn̂g 80 kong-lí, lī Chôan-chiu 50 kong-lí, lī Chiang-chiu 80 kong-lí. An-khoe chôan-kôan thó͘-tē bīn-chek 3057.28 km², jîn-kháu 106 bān lâng chó-iū, kóan-ha̍t 24-ê hiong-tìn.

O͘-liông-tê ê kò͘-hiong

An-khoe sī Tiong-kok o͘-liông-tê ê hoat-gôan-tē, tê-hio̍h ê sán-liōng Hok-kiàn chôan-séng pâi tē-it, phín-chit siōng pâi-chí, ē-tàng kóng sī : miâ-seng thàng Pak-kiaⁿ, chin-chiàⁿ chhut-miâ hái-lāi-gōa.

Chhit-thô ê hó só͘-chāi

An-khoe-koan le̍k-sú iu-kiú, jîn-kia̍t tē-lêng, bêng-sèng kó͘-chek móa sì-kè. Chôan-kōan lóng-chóng ū kōan-kip í-siōng ê bûn-bu̍t pó-hō· tan-ūi 50 gōa ê, siāng chhut-miâ ê An-khoe bûn biō (安溪文廟) kah Bân-lâm kó͘ sī-biō Chheng-chúi-giâm, múi-chi̍t-nî ê iû-kheh lóng-chóng chhiau-koè chiâⁿ-phah-bân lâng hiah-nih chōe. Hiān-chú-sî, gōa-kok seng-lí-lâng tâu-chu heng-kiàn ê " Chì-bân seng-thài lú-iû hn̂g " (志閩生態旅遊園), pau-koat " Soaⁿ-chôaⁿ tō͘-ká-chhun " (山泉度假村) kah " Un-chôaⁿ tō͘-ká-chhun " (溫泉度假村) chit-nn̄g-ê hó-sńg ê só͘-chāi. Lú-kheh tī chia, ē-tàng thé-hōe tio̍h " phiau-liû, iá-chiàn hūn-liān, peh chio̍h-piah " chit-khóan hó-sńg koh chhù-bī ê ūn-tòng.

Tú-miâ ê kiâu-hiong

An-khoe sī Hok-kiàn-séng chin chhut-miâ ê kiâu-hiong, hái-gōa hôa-kiâu hiong-chhin 80-gōa-bān lâng, in khiā-tī sè-kài 30-gōa-ê bô-siâng ê kok-ka kah tē-khu. An-khoe mā-sī Tâi-ôan Hàn-jîn chú-iàu ê chó͘-chek-tē, chha-put-to 200-gōa-bān Tâi-ôan-lâng chó͘-ke sī An-khoe, chit-ê só͘-jī liōng-ki-iok chiàm Tâi-ôan chóng jîn-khàu ê 10% . Kong-gôan 1994 nî kah 1997 nî, bat tī An-khoe-kōan sêng-kong kú-pān kòe 2-kài ê " Sè-kài An-khoe Hiong-chhin Tāi-hōe ".