Caribe Hái
(Tùi Caribbean Sea choán--lâi)
Caribe Hái sī tiàm-tī Tāi-se-iûⁿ piⁿ--a, Be̍k-se-ko Oan tang-lâm ê 1-ê jia̍t-tài chúi-thé. I ê bīn-chek pau-koah Caribe Tē-pang ê tōa pō·-hūn. Lâm-hōaⁿ óa Venezuela, Colombia, Panamá; sai-hōaⁿ oá Costa Rica, Nicaragua, Honduras, Guatemala, Belize, kap Be̍k-se-ko ê Yucatán pòan-tó; pak-hōaⁿ óa Tōa Antilles kûn-tó (Cuba, Hispaniola, Jamaica, Puerto Rico); tang-hōaⁿ óa Sió Antilles.
Carib-hái sī sè-kài siāng tōa ê 1-ê kiâm-chúi-hái. Bīn-chek iok-lio̍k ū 2,754,000 km². Siāng chhim ê tiám tī Cayman Hái-kau (Cuba kap Jamaica tiong-kan), chhim-tō· hái-poa̍t ē-kha 7,686 m.