Ha̍p-sêng seng-bu̍t-ha̍k

Ha̍p-sêng seng-bu̍t-ha̍k (合成生物學; Eng-gú: synthetic biology) sī chi̍t chióng kā seng-bu̍t kho-ha̍k èng-iōng tī ji̍t-siông seng-oa̍h ê sin ê hong-sek. Ha̍p-sêng seng-bu̍t-ha̍k m̄-nā kio̍k-hān tī seng-bu̍t-ha̍k tiong, i iā kiat-ha̍p chē-chē kî-thaⁿ léng-he̍k ê tì-sek kap ke-si, khan-liân ê léng-he̍k pau-hâm hē-thóng seng-bu̍t-ha̍k, ûi-thoân-chú kang-têng, ki-hāi kang-têng, tiān-ki kang-têng, chu-sìn lí-lūn, bu̍t-lí-ha̍k, nano-ki-su̍t kap tiān-náu bô͘-gí téng-téng. Bo̍k-chiân, ha̍p-sêng seng-bu̍t-ha̍k í-keng tī chē-chē hâng-gia̍p tiong pī èng-iōng, chhin-chhiūⁿ lông-gia̍p, lêng-goân, chè-chō-gia̍p kap i-ha̍k téng-téng.