Kàu-hông
Kàu-hông (教皇) ia̍h Kàu-chong (教宗), Latin-gí hō chòe papa, sī Lô-má Thian-chú-kàu ê léng-tō, mā-sī Vaticano ê gôan-siú. 2013 nî 3 goe̍h 13 khai-sí ê 266-tāi kàu-chong sī Franciscus, i ê chêng jīm sī 2005 nî 4 goe̍h 19 ji̍t chia̍p-ūi ê Benedictus 16-sè.
Miâ
siu-káiTang A-chiu thoân-thóng sī khah chia̍p ēng "Kàu-hông" (教皇) chit-ê Hàn-jī-sû, chhin-chhiūⁿ Oa̍t-lâm-gí ê Giáo hoàng, Ji̍t-pún-gí ê Kyōkō, Hân-kok-gí ê Gyohwang, Bân-tang-gí ê Gáu-huòng kap Hak-ka-gí ê Kau-fòng téng-téng. Tī Ji̍t-pún-ōe chá-kî koh ū "Hoat-ông" (法王 hôô) chit khoán kiò-hoat. Kīn-taⁿ Hôa-gí-kài it-poaⁿ kái ēng "Kàu-chong" (教宗 jiàozōng).