O͘-gû-lân
Ài-lân (愛蘭) kū-miâ O͘-gû-lân (烏牛欄), sī Tâi-oân Lâm-tâu-koān Po͘-lí-tìn lāi ê chng-siā, só͘-chāi tī Po͘-lí chhī-lāi ê sai-pêng.
| Ài-lân / O͘-gû-lân 愛蘭 / 烏牛欄 Auran |
|
 Ji̍t-pún sî-tāi ê O͘-gû-lân tiàu-kiô
|
|
_location_map.svg)  Ài-lân / O͘-gû-lân 愛蘭 / 烏牛欄 愛蘭 / 烏牛欄 tī Lâm-tâu-koān ê tāi-khài ūi-tì |
|
| Keng-hūi-tō͘: 23°58′33″N 120°56′25″E / 23.97583°N 120.94028°E | |
| Koān-chhī | |
|---|---|
| Hiong-tìn-chhī-khu | |
Le̍k-sú
siu-káiPún chng kiam sì-ûi tē-hng, sī 1920 nî só͘ siat ê Lêng-ko-kūn Po͘-lí-ke ē-té ê tōa-jī O͘-gû-lân, chiàu 1935 nî ê thóng-kè, ū pêng-siông chū-bîn 1553 lâng, lāi-bīn Pêⁿ-po͘-cho̍k chiàm 829-ê; Hok-kiàn-hē (tāi-iok tùi-tâng Hō-ló-lâng) chiàm 440; Kńg-tang-hē (tāi-iok tùi-tâng Kheh-lâng)[N 1] chiàm 219.[1]
"O͘-gû-lân" chit-ê chng-siā goân-té sī khiā tī kin-á-ji̍t Tâi-tiong-chhī Hong-goân-khu lāi ê Pazeh-cho̍k Auran (ia̍h ū siá Aoran) siā, in tùi goân chē-chí sóa kòe hiān-chāi Po͘-lí tē-hng liáu-āu tiō chiàu goân-miâ lâi hō. Tû-liáu Auran siā í-gōa, O͘-gû-lân Koân-phiâⁿ téng iáu ū Patakan kap Lalusai nn̄g siā.[2] "Auran" chiō sī "O͘-gû-lân" kiam āu-lâi "Ài-lân" hō-miâ ê lâi-goân.
Tâi-oân Tiúⁿ-ló-kàu-hōe ê Ài-lân Kàu-hōe, sī chāi-tē Pazeh lâng ûi chú ê kàu-hōe.[3]
1947 nî 3 goe̍h 16, Tiong-pō͘ chāi-tē ê Jī-chhit Pō͘-tūi, kap Tiong-hôa Bîn-kok phài--lâi ê 21 Su 16 Lú 436 Thoân pō͘-tūi khí O͘-gû-lân Chiàn-tò͘.
Chù-kái
siu-kái- ↑ Ji̍t-pún sî-tāi Tâi-oân ê jîn-kháu thóng-kè hun ê Hok-kiàn/Kńg-tang kap hiān-taⁿ thong-sio̍k ê Hō-ló/Kheh-ka ê hun-pia̍t beh kâng m̄-koh bô goân-choân sio ha̍h.
Chham-khó
siu-kái- ↑ 臺灣總督官房調查課 (1936). 昭和十年末 臺灣常住戶口統計. p. 186.
- ↑ 衛惠林 (1981). 埔里巴宰七社志. 中央研究院.
- ↑ 李靖唐 (2011). 埔里愛蘭長老教會的設立與發展 (sek-sū thesis). 中興大學 歷史學系所.
Liân-kiat
siu-kái- Google (2017-02-20). "烏牛欄" (Map). Google Maps. Google. 2017-02-20 khòaⁿ--ê.