Pah-oa̍t
(Tùi Pah-oa̍t-cho̍k choán--lâi)
Pah-oa̍t-cho̍k (Hàn-jī: 百越族; bûn-giân: Pek-oa̍t-cho̍k) sī Hôa-lâm Oa̍t-tē ê goân-chū-bîn. Pah-oa̍t-cho̍k sī chi̍t ê cho̍k-kûn ê thóng-chheng. Pah-oa̍t-cho̍k lāi koh ē-ēng sè-hun chò Kan-oa̍t, Iông-oa̍t, Tong-o͘, Bân-oa̍t kap Lâm-oa̍t kúi-nā-ê tōa chéng-cho̍k; lēng-gōa, Se-o͘, Lo̍k-oa̍t téng-téng lo̍h-bóe ián-piàn sêng hiān-tāi Tiong-kok kéng-lāi ê chi̍t-kóa siáu-sò͘ bîn-cho̍k, chhin-chhiūⁿ Chòng-cho̍k, Tāi-cho̍k kap Lê-cho̍k téng-téng. Tī Tiong-kok kéng-gōa iáu-koh-ū chē-chē ùi Pah-oa̍t-cho̍k ê hō͘-è, chhin-chhiūⁿ seng-oa̍h tī Oa̍t-lâm, Lao-kok, Thài-kok, Bián-tiān kap Ìn-tō͘ kéng-lāi ê Keng-cho̍k, Tày-cho̍k, Ló-cho̍k, Thài-cho̍k, Tān-cho̍k kap Ahom-lâng téng-téng.
