Sé-hîm
Sé-hîm (ha̍k-miâ: Procyon lotor) sī Pak Bí-chiu goân-seng ê Chia̍h-bah-ba̍k tōng-bu̍t. Tī chi̍t-koá kî-tha só͘-chāi, chhan-chhiūⁿ Ji̍t-pún, sé-hîm sī phó͘-phiàn ê goā-lâi chéng.
| Raccoon Sî-kan hoān-ûi: Blancan–Recent[1] | |
|---|---|
| |
| California sé-hîm (P. l. psora), tī California ê Lower Klamath Kok-li̍p Iá-seng Pó-hō͘-tē | |
Kho-ha̍k hun-lūi 
| |
| Kài: | Animalia |
| Mn̂g: | Chordata |
| Kong: | Mammalia |
| Bo̍k: | Carnivora |
| A-bo̍k: | Caniformia |
| Kho: | Procyonidae |
| Sio̍k: | Procyon |
| Chéng: | P. lotor
|
| Ha̍k-miâ | |
| Procyon lotor (Linnaeus, 1758) | |
| |
| Âng-sek chāi-lâi hoān-ûi, nâ-sek ín-ji̍p hoān-ûi | |
| Siâng-ì-miâ | |
|
Ursus lotor Linnaeus, 1758 | |
Hêng-thé kì-su̍t
siu-káiSé-hîm tùi thâu kòe āu-kha ê chhùn-chhioh sī 40 chì 70 kong-hun, bóe-á tn̂g-tō͘ ū 20 chì 40 kong-hun. Keng-kah-thâu koân-tō͘ ū 23 chì 30 kong-hun. Tōa-chāi liáu-āu ê sé-hîm thé-tāng chiàu kò͘-pia̍t seng-oa̍h khoân-kéng, ū chin tōa cheng-chha, tùi 2 kàu 14 kong-kin lóng ū khó-lêng, chóng nā tōa-pō͘-hūn sī 3.5 kàu 9 kong-kin. I-poaⁿ kang-ê sé-hîm pí bó--ê khah tāng cha-put-to 15% kàu 20%. Nā kôaⁿ-thiⁿ tú khai-sí ê sî-chūn, in ē-tàng chin-ka 2-pōe ê thé-tāng.
Sé-hîm ê gōa-khoán chú-iàu te̍k-sek sī in ba̍k-chiu sì-ûi ê o͘-sek khian-á, tī he o͘-sek khian-á gōa-kháu koh seⁿ pe̍h-sek ê mo͘, tiō ná-chhiūⁿ "chhat-á" om bīn ê khoán-iūⁿ.
Hêng-ûi
siu-káiSé-hîm ê siā-hōe hêng-ûi chiàu in sèng-pia̍t ū chha. Ū chhin-cho̍k koan-hē ê bó sé-hîm ē tòa tī kâng só͘-chāi, tī chhōe mi̍h chia̍h he̍k-chiá sī hioh-khùn ê sî-chūn ū-sî ē kìⁿ-bīn. Bô chhin-cho̍k koan-hē ê kang sé-hîm chi kan ū tì-tāi bô chin ba̍t ê kûn-thé seng-oa̍h, it-poaⁿ chi̍t tīn bô chhiau-kòe 4 chia̍h, hō͘ in thang tùi-khòng gōa-kháu ê kang sé-hîm tī kau-phòe sî-kî ê chhim-ji̍p. Kang sé-hîm tùi gín-á ū kong-kek-sèng, bó sé-hîm ē chhōa gín-á to̍k-li̍p seng-oa̍h it-ti̍t kàu gín-á khah tōa-hān ē-tàng pó-hō͘ ka-tī. Chham-khó í-siōng 3 khoán ê seng-oa̍h hong-sek, ha̍k-chiá Ulf Hohmann chheng in ê siā-hōe kò͘-chō sī "sam kai-ki̍p siā-hōe" (three class society).
Hun-lūi
siu-káiThong sè-kài ū 22 khoán sé-hîm á-chéng. Pau-koat í-hā:[3]
- P. l. lotor
- P. l. auspicatus
- P. l. elucus
- P. l. excelsus
- P. l. fuscipes
- P. l. gloveralleni
- P. l. grinnelli
- P. l. hernandezii
- P. l. hirtus
- P. l. incautus
- P. l. inesperatus
- P. l. insularis
- P. l. litoreus
- P. l. marinus
- P. l. maynardi
- P. l. megalodous
- P. l. pacificus
- P. l. pallidus
- P. l. psora
- P. l. pumilus
- P. l. simus
- P. l. vancouverensis
Chham-khó
siu-kái- ↑ "Fossilworks: Procyon lotor". goân-loē-iông tī 2019-02-09 hőng khó͘-pih. 2019-04-13 khòaⁿ--ê.
- ↑ Timm, R.; Cuarón, A.D.; Reid, F.; Helgen, K.; González-Maya, J.F. (2016). "Procyon lotor". IUCN Red List of Threatened Species. 2016: e.T41686A45216638. doi:10.2305/IUCN.UK.2016-1.RLTS.T41686A45216638.en. 24 November 2016 khòaⁿ--ê.
- ↑ Procyon lotor, Wilson & Reeder's Mammal Species of the World. 3rd Edition.