Sû-tián

Sû-tián ia̍h sû-su, mā kóng jī-tián, chū-tián, khah phó͘-thong ê chi̍t khoán sī kā it-tēng sò͘-liōng ê tan-jī (Eng-gí: word, ū it-tēng ì-sù ê gí-giân tan-ūi) siu-chi̍p liáu-āu pian--chhut-lâi ê chheh. Tī sû-tián lāi, ki-pún ê loē-iông sī kái-soeh ì-sù, kài-siāu ho͘-im. Mā ū chi̍t lūi sû-tián sī ēng chi̍t khoán giân-gí lâi kái-soeh lēng-goā chi̍t khoán giân-gí, he̍k-chiá hō͘-siōng kái-soeh.

Sû-tián

Iōng-gí

"Jī-tián" ū-sî sī choan-bûn piáu-sī siu-chi̍p Hàn-jī, chò kò-piat kái-soeh ê Hàn-jī jī-tián; nā chiàu chit khoán ì-sù, "sû-tián" tī chia khah sī kái-soeh tan-jī ê chheh. Hàn-jī jī-tián tang-tiong, ū chi̍t khoán kiò to-im jī-tián (多音字典), in choan-bûn tiâu-lia̍t chi̍t-ê Hàn-jī ê kok-chióng tha̍k-im.

Choan-bûn sû-tián

Ū chi̍t kóa sû-tián sī ūi tio̍h choan-bûn ê sû-gú sú-iōng lâi pian-siá, pau-koat:

• Kâng-gī-sû
• Ho͘-im
• Tē-miâ iah lâng-miâ
• Bûn-kù (pí-lūn sio̍k-gú) iah sêng-gú
• Chāi-tē khiuⁿ-kháu ê ēng-gí
• Bêng-giân
• Gí-goân

Lēng-gōa koh ū ūi choan-bûn chú-tê pí-lūn kho-ha̍k he̍k-chiá ki-su̍t téng-téng ha̍k-būn ēng-gí lâi pian-siá ê sû-tián, chi̍t khoán "sû-tián" ê keh-sek khah sêng pek-kho-choân-su, mā kiò chò pek-kho-sek sû-tián.

Siong-koan

• Pek-kho-choân-su