Tēⁿ Jî-gio̍k
Tēⁿ Jî-gio̍k（1922 nî 6 goe̍h 27 ji̍t – 2014 nî 12 goe̍h 11ji̍t），Tâi-oân Ki-tok Tiúⁿ-ló Kàu-hōe bo̍k-su、Tâi-lâm Sîn-ha̍k-īⁿkàu-siū、si-jîn、sî-sū phêng-lūn-ka、bú-gí ūn-tōng-chiá.〈Tâi-oân Chhùi-chhiⁿ〉chok-sû-chiá.
Tēⁿ Jî-gio̍k | |
|---|---|
| Kok-che̍k |
 Empire of Japan（1922 nî –1945 nî） Tiong-hoâ Bîn-kok（1945 nî –2014 nî） |
| Chhin-chiâⁿ | （Pē）Tēⁿ Tek（Bú）Âng Chàng（Hāu-siⁿ）Tēⁿ Hok-sìn(Lîm-lú)、Tēⁿ Ka-sìn |
Lio̍k-le̍k siu-kái
Tēⁿ Jî-gio̍k chhut-sì tī Ji̍t-pún sî-tāi ê Pîn-tong Tang-káng，Lāu-pē keng-êng chè-bí-chhiúⁿ. Tiong-ha̍k tha̍k Tâi-lâm Tiúⁿ-lo-kàu Tiong-ha̍k（Taⁿ Tióng-êng Tiong-ha̍k）āu-lâi choán kàu Ji̍t-pún Tông-chì-siā Tiong-ha̍k. Tī Tông-chì-siā Tāi-ha̍k Bûn-ha̍k-pō͘ giân-tha̍k Sîn-ha̍k，tùi Ki-tok-kàule̍k-sú kap Se-iûⁿ kīn-tāi-sú sán-seng chōe-chōe hèng-chhù. 1947 nî It goe̍h o̍h-chiâⁿ hôe Tâi, m̄-bat kìⁿ-kòe bīn êŃg Tiâu-ji̍t sian-siⁿ thiaⁿ-kóng ū liû-ha̍k Jit-pún ê ha̍k-chiá, tek-pia̍t ùi Ke-lâng Bé-thâu lâi ngiâ-chih i. In-ūi lî-ka í-keng kú--ah, i sin tńg Tang-káng thàm-chhin, put-liāu hŏng tāng-pīⁿ ê lāu-pē òe--tio̍h thian-chu, khiok iā in-ūi su-iàu chēng-ióng lâi tô-kòe Jī-jī-pat Sū-kiāⁿ ê kiap-lān.
1949 nî i siū kàu-hōe chhe-phài tī Ka-gī Pò͘-tē-tìn iân-hái khai-thok thoân-tō, kiam-jīm bú-hāu Tióng-êng-tiong-ha̍k kàu-su. 1955 nî kàu Chi-ka-ko McCormick Sîn-ha̍k-īⁿ giân-tha̍k Se̍k-sū ha̍k-ūi, āu-lâi koh chiân-óng Sūi-sū UNIGE Tāi-ha̍k Phó͘-sè-kàu-hōe gián-kiù-só͘ chìn-siu, hôe-kok liáu-āu siū-phèng tī Tâi-lâm Sîn-ha̍k-īⁿ. 1963 nî siū iau-chhiáⁿ tam-jīm Se-tek Bûn-hòa-pō͘ lâi-pin, chham-úgián-kiú Tek-kok ê siā-hōe kap kàu-hōe koan-hē. 1966 nî koh siū iau-chhiáⁿ tam-jīm Í-sek-lia̍t Chong-kàu-pō͘ lâi-pin. Tēⁿ Jî-gio̍k tī Tâi-lâm Sîn-ha̍k-īⁿ chhòng-siat Ki-tok-kàu Siā-hōe Hō͘-tâm hōe（Christian Academy, 1967）, lēng-gōa koh kú-pān Sìn-tô͘ Sū-kang pan、kang-gia̍p siā-hōe ho̍k-bū、Ka-têng Hia̍p-tâm-tiong-sim, tī Ko-hiông-chhī chhòng-siat Sìⁿ-miā-sòaⁿ téng-téng.
Chit-sî Kok-bîn-tóng chèng-koân khai-sí ap-pek Tiúⁿ-lo-kàu-hōe thòe-chhut Phó͘-sè-kàu-hōe Liân-bêng（World Council of Churches）, kàu-hōe khai-sí té-khòng. 1971 nî Tiong-hôa-bîn-kok sit-khì Liân-ha̍p-kok se̍k-ūi, Nixonchóng-thóng hóng-mn̄g Pak-kiaⁿ chìn-chêng, Tēⁿ chháu-gí té-kó tī tiúⁿ-lo-kàu-hōe hoat-piáu「Kok-sī Siaⁿ-bêng」chú-tiuⁿ Tâi-oân jîn-bîn tùi Tâi-oân chiân-tô͘ ū chū-koat-koân. Keh-tńg-nî Tēⁿ hù Tek-kok tī Universität Hamburg Sîn-ha̍k-īⁿ choh gián-kiú, 1975 nî tī Bí-kok chham-ka Tâi-oân-lâng Hā-lēng-hōe.
1977 nî Bí-kok soan-pò͘ chi̍t-ê Tiong-kok chèng-chhek, Tēⁿ koh-chài ūi Tiúⁿ-lo-kàu-hōe《Jîn-koân Soan-giân (1977 nî)》chháu-gí té-kó. In-ūi Tiúⁿ-lo-kàu-hōe kap lú Bí Tâi-oân-lâng ê phah-piàⁿ, Bí-kok kok-hōe chè-tēng thong-kòe「Tâi-oân Koan-hē Hoat」.
1979 nî Tiong Bí Kiàn-kau, in-èng sî-kio̍k ê piàn-hòa, sîn-ha̍k-īⁿ siat-li̍p hù-sio̍k「Ki-tok-kàu Siā-hōe Gián-kiù-só͘」, Tēⁿ tam-jīm só͘-tiúⁿ, siâng-sî tī Tiúⁿ-lo-kàu-hōe Sìn-gióng kap Kàu-chè Úi-oân-hōe chú-úi jīm-lāi khai-sí gián-gí Tiúⁿ-lo-kàu-hōe「Sìn-gióng Kò-pe̍h」. Nî-té sûi hoat-seng Ko-hiông Bí-lē-tó Sū-kiāⁿ, kàu-hōe iú-koan jîn-sū chōe ūi siū khan-liân. Keh-tńg-nî Lîm-the̍h Huih-àn hoat-seng, sì-goe̍h chóng-kàn-sū Ko Chùn-bêng bo̍k-su siū-lia̍h. Koh keh-tńg-nî Tân Bûn-sêng sū-kiāⁿ hoat-seng, Tēⁿ bo̍k-su téng kàu-hōe jîn-sū mō-tio̍h sìⁿ-miā gûi-hiám koan-hoâi ûi-cho̍k koàn-sio̍k.
1980 nit chiân-āu Tēⁿ bo̍k-su chhut-jīm「Kàu-hōe Kong-pò」siā-lūn chú-pit kap lí-sū-tiúⁿ.
1994 nî i tī Tâi-lâm Sîn-ha̍k-īⁿ khai-siat「Tâi-gí Bûn-hòa Kàu-sek」，thui-sak Tâi-oân Bú-gí bûn-hòa kiàn-siat. 2002 nî i chèng-sekjī-tō͘ thòe-hiu, chhut-pán《Ah-ūn Si-phian》kap《Tâi-oân Chhùi-chhiⁿ》- Ki-tok Sìn-gióng kap Tâi-oân Bîn-chú-ūn-tōng Si-koa nn̄g pún chheh. Iû-goân chú-chhî Tâi-oân chiàn-āu ui-koân-sî-kî ê bûn-hiàn chéng-lí, chek-ke̍k chham-ú Tâi-oân bú-gí kok-chióng ūn-tōng.
Iàu-sū Nî-pió siu-kái
| Nî-tāi | Nî-hòe | Kì-sū kap Tì-chok |
|---|---|---|
| 1922 | 1 hòe | Chhut-sì (Tāi-chèng 11 nî 6 goe̍h) tī Ko-hiông-chiu Tang-káng-koe (Chit-má ê Pîn-tong-koān Tang-káng-tìn) |
| 1939.02 | 17 hòe | tī Ji̍t-pún Kiaⁿ-to͘ Tông-chì-siā Tiong-o̍h kiû-ha̍k, ùi Tông-chì-siā hāu-hn̂g kàu-hōe 堀貞一 bo̍k-su niá sóe-lé ji̍p sèng-hōe |
| 1946.09 | 24 hòe | Kiaⁿ-to͘ Tông-chì-siā Tāi-ha̍k Bûn-ha̍k-pō͘ chhut-gia̍p |
| 1947.01 | 25 hòe | tńg Tâi-oân, tī chûn-téng khai-sí jīn-chin ha̍k-sip Tâi-gí Lô-má-jī（siū-kàu Iûⁿ Tang-kiat i-su） |
| 1948.02 | 26 hòe | Kap Lí Chhun-lêng tī Tang-káng kàu-hōe kiat-hun, hun-āu siⁿ-ióng nn̄g ê hāu-siⁿ. Tī Tâi-gí Pe̍h-ōe-jī hong-bīn, seng-gâi tiong siū i pang-chān chin chōe.
8 goe̍h ka-ji̍p Tâi-oân Ki-tok Tiúⁿ-lo-kàu-hōe |
| 1949 | 27 hòe | Pī chhe-phài tī Ka-gī-koān Pò͘-tē iân-hái khai-thok thoân-tō 12 nî ê kî-kan, tī「Kàu-hōe Chiu-boa̍t Ha̍k-hāu」, chú-iàu hiòng bī-sìn ka-têng ha̍k-tông kàu-ha̍k Pe̍h-ōe-jī.
Tī chit-ê kî-kan khai-sí Tâi-gí chhòng-chok：〈Gióng-bōng Siū-lân ê Chú〉、〈Chin-kng Chhàn-lān ê Kim-chhiⁿ〉kap〈Pe̍h ê seh lo̍h--lâi lo̍h--lâi〉téng bī kong-piáu bōe-chió si-koa kap chit-kóa gín-á hun-hióng. Tng-sî ê〈Siū-lân ê Chú〉kap〈Chhàn-lān Kim-chhiⁿ〉, tī 2002 nî chiah chèng-sek hoat-piáu. |
| 1961 | 39 hòe | Tī Tâi-lâm Sîn-ha̍k-īⁿ ha̍k-su̍t kùi-khan〈Sîn-ha̍k kap Kàu-hōe〉hoat-piáu chòe-āu ê Tâi-gí Pe̍h-ōe-jī sîn-ha̍k lūn-bûn：
“Kiám-thó Tâi-ôan Soan-kàu ê Ki-pún Lōe-iông” Chit-phiⁿ lūn-bûn sui-bóng í-keng óa 50 tang, i ê li̍p-lūn iû-goân kian-kò͘ chok kàu-hōe ê kéng-kò. |
| 1967 | 45 hòe | Hoat-piáu Tâi-gí si-chok〈Sè-kan ê Kng Tōe-chiū ê Iâm〉，iû Tâi-lâm Sîn-ha̍k-īⁿ lāu-su Lo̍k Î-tō bo̍k-su choh-khiok |
| 1969.12 | 47 hòe | Hoat-piáu Tâi-gí si-chok〈Lán Ài Chhut-thâu-thiⁿ〉. 「Chhut-thâu-thiⁿ」chit-ê sû tē-it-pái chhut-hiān tī Tâi-oân bîn-chú ūn-tōng ê si-koa |
| 1971 nî 12 goe̍h 29 ji̍t | 49 hòe | Tēⁿ Jî-gio̍k bo̍k-su iōng Eng-bûn chháu-gí té-kó (In-ūi tùi-hong sī Bí-kok chóng-thóng), iû Tâi-lâm Sîn-ha̍k-īⁿ káng-su Koeh Êng-bín bo̍k-su hoan-e̍k choh Tiong-bûn, Tâi-oân Ki-tok Tiúⁿ-lo-kàu-hōe Chóng-hōe Siông-tì Úi-oân-hōe hoat-piáu《Tâi-oân Ki-tok Tiúⁿ-lo-kàu-hōe Tùi「Kok-sī ê Seng-bêng kap Kiàn-gī」》 |
| 1972.05 | 50 hòe | Hoat-piáu Tâi-gí si-chok〈Kèng Bú Si〉 |
| 1975 nî 7 goe̍h 15 ji̍t | 53 hòe | Hoat-piáu tn̂g-phiⁿ Tâi-gí Sū-sū-si：
〈Liû-lōng Hái-gōa Tâi-oân-lâng ê Sim-siaⁿ Lamentation of the Taiwanese in Exile , New York〉 |
| 1977 nî 8 goe̍h 16 ji̍t | 55 hòe | Tēⁿ Jî-gio̍k bo̍k-su kā i só͘ chháu-gí ê〈Jîn-koân Soan-giân〉té-kó thê-kiong「Gí-kó sió-cho͘」, keng-kòe jia̍t-lia̍t thó-lūn siu-kái liáu-āu, iû Tâi-oân Ki-tok Tiúⁿ-lo-kàu-hōe Chóng-hōe Siông-tì Úi-oân-hōe hoat-piáu〈Tâi-oân Ki-tok Tiúⁿ-lo-kàu-hōe「Jîn-koân Soan-giân」〉, bûn-tiong kóng ”Chhiok-chhéng chèng-hú chhái-chhú iú-hāu ê chhò-si, hō͘ Tâi-oân chiâⁿ-chòe chi̍t-ê sin jî to̍k-li̍p ê kok-ka” |
| 1978 | 56 hòe | 《Tāi-Eng Pek-kho Tōa-sû-tián Nî-kàm 1977》:khan-chài Tâi-oân Ki-tok Tiúⁿ-lo-kàu-hōe hoat-piáu「Jîn-koân Soan-giân」 |
| 1978~85 | 56~63 hòe | Phò-thian-hong hō͘ Tiúⁿ-lo-kàu-hōe Chóng-hōe liân-sòa jīm-bēng 8 nî choh「Sìn-gióng kap Kàu-chè」(Faith And Order) úi-oân-hōe chú-jīm-úi-oân, pēng tī jīm-lāi chū-thâu-kàu-bóe it-koàn kian-chhî iōng bûn-ngá Tâi-gí Pe̍h-ōe-jī gí「Sìn-gióng-kò-pe̍h」ê goân-kó |
| 1979 | 57 hòe | 1)Hoat-piáu Tâi-gí si-chok〈Lán ê Hiong-thó͘〉
2)Iû Sin-ka-pho A-chiu Ki-tok-kàu hia̍p-gī-hōe chhut-pán<A-chiu Ki-tok-kàu>《Tâi-oân Ki-tok-kàu-sú》， “Christianity in Taiwan”in Christianity in Asia, Publ. by Christian Conference of Asia, Singapore, 1979. Hit-sî sui-jiân iáu-koh sī Chiūⁿ-keng-kok thóng-tī Tâi-oân, tī chheh tiong hiòng kok-chè chí-chhut：Chiúⁿ-ka chèng-koân bu̍t-siu Tâi-oân-lâng bú-gí sèng-keng ê tāi-chì |
| 1979~2002 | 57~80 hòe | Tâi-lâm Sîn-ha̍k-īⁿ Siā-hōe gián-kiù-só͘ só͘-tiúⁿ (Director, Christian Institute for Social Transformation, Tainan Theological College and Seminary), chú-iàu khé-bông kàu-hōe kap siā-hōe, jî-hô iōng Ki-tok-kàu sìn-bōng-ài li̍p-tiûⁿ, bīn-tùi khok-hêng gōa-lâi chèng-koân |
| 1985 | 63 hòe | 4 goe̍h, Tiúⁿ-lo-kàu-hōe Sìn-gióng kap Kàu-chè chú-úi līm-lāi, só͘ khí-kó ê「Sìn-gióng Kò-pe̍h」(Pe̍h-ōe-jī pán) siū Chóng-hōe chiap-la̍p
4 goe̍h, Tiúⁿ-lo-kàu-hōe Chóng-hōe tī Má-kai I-īⁿ Tâi-pak Chóng-īⁿ kì-liām：Tâi-oân soan-kàu 120 chiu-nî kap「Tâi-oân Kàu-hōe Kong-pò」chhòng-khan pah chiu-nî kám-un-lé-pài sî, siū thok iōng「Hok-im m̄-sī hoán-kiōng, hoán-kiōng m̄-sī hok-im; kàu-hōe m̄-sī tóng-gōa, tóng-gōa m̄-sī kàu-hōe」ūi tiōng-tê kéng-kò kàu-hōe 7 goe̍h, pī soán ûi「Sè-kài Ki-tok-kàu Tāi-chiòng Thoân-pò͘ ha̍k-hōe」tiong-iong úi-goân. Elected as member of the Central Committee of the World Association of Christain Comuunication. |
| 1987 | 65 hòe | Pī lia̍t-ji̍p Bí-kok Toān-kì Gián-kiù-só͘ só͘ pian ê「Sè-kài 5 chheng miâ Kia̍t-chhut Jîn-bu̍t」(Five Tousand Personalities of the World) |
| 1991.10 | 69 hòe | Ūi hoán-tùi Kok-bîn-tóng chèng-koân tī 「Siang-si̍p Choeh」bú-chong ia̍t-peng, hoat-piáu phêng-lūn「Hoān-nā kia̍h-to--ê, beh tùi to sí」, Chū-li̍p Boán-pò |
| 1993 | 71 hòe | Hoat-piáu Tâi-gí si-chok〈Tâi-oân Chhùi-chhiⁿ〉, āu-lâi iû Siau Thài-jiân kàu-siū pèng-ji̍p「1947 Sū-khiok」(Overture 1947) |
| 1994~2002 | 72~80 hòe | Tâi-lâm Sîn-ha̍k-īⁿ Tâi-gí Bûn-hòa-kàu-sek chú-jīm, khai-sí pôe-ióng Tâi-oân bú-gí Pe̍h-ōe-jī su-chu. Khai-khò 10 nî kan keng-kòe giâm-keh khó-chhì ki̍p-keh chiá tāi-iok 400 miâ, hiān-kim chin-chōe lâng tng-teh chham-ú bú-gí ūn-tōng |
| 1996 | 74 hòe | Hoat-piáu Tâi-gí Hàn-jī phêng-lūn「Tâi-oân o͘-tō tē-ūi kài koân, choh o͘-tō bōe-bái」, Bîn-chiòng Ji̍t-pò |
| 1998 | 76 hòe | 1)〈Tâi-oân Chhùi-chhiⁿ〉chham-ú 1998 nî kok-chè si-chok pí-sài (International Poetry Contest), pī soán-choh「Phêng-sím chhut-pán jîn sióng」(Editor’s Choice Award). I ê phêng-gí sī「Chit ê si ū sè-kài-koan.」 pēng tī 1998 nî Bí-kok Kok-ka Si-chok（The National Library of Poetry）siū tián-chông
2)Hoat-piáu Tâi-gí Pe̍h-ōe-jī Phêng-lūn〈kan-na Lô-má-jī chiah-ē-tit thang kiàn-li̍p Tâi-oân sin-bûn-hòa〉, 《Hiong-thó͘ Bûn-hòa》. Pîn-tong |
| 1999 | 77 hòe | Kàu-io̍k-pō͘「Kok-bîn-kàu-io̍k 9 nî it-koàn khò-têng」úi-oân-hōe gí-bûn-cho͘ sêng-oân |
| 2001.08 | 79 hòe | 「Siā-thoân-hoat-jîn Tâi-oân Lô-má-jī Hia̍p-hōe」tī Tām-chúi sêng-li̍p ê sî, siū-chhiáⁿ choh hia̍p-hōe tē 1 ê bêng-ū lí-sū-tiúⁿ |
| 2002.07
2002.09/12 2002/2006.09 |
80 hòe | Móa 80 hòe, 7 goe̍h té chèng-sek ùi Tâi-lâm Sîn-ha̍k-īⁿ Siā-hōe Gián-kiú-só͘ thòe-hiu, lî-khui ho̍k-bū 23 nî pòaⁿ ê Ki-tok-kàu Siā-hōe Gián-kiù-só͘、43 nî ê Tâi-lâm Sîn-ha̍k-īⁿ hāu-hn̂g、kap 54年 ê Tâi-oân Ki-tok Tiúⁿ-lo-kàu-hōe
《Tâi-oân Chhùi-chhiⁿ》- Ki-tok-kàu Sìn-gióng kap Tâi-oân Bîn-chú Ūn-tōng Si-koa tē 1 pán/ tē 2 pán, Tâi-pak Bāng-chhun-hong chhut-pán-siā 《Tâi-gí Ah-ūn Khé-èng Si-phian》 tē 1 pán, Tâi-oân Kàu-hōe Kong-pò-siā 《Sin-pán Tâi-gí Si-phian: Ah-ūn Khé-èng》 _____________ |
| 2004 | 82 hòe | Hoat-piáu Tâi-gí Hàn-lô lūn-bûn《Siōng-ū Tâi-oân ì-sek ê Tiúⁿ-lo-kàu-hōe chhut-tioh pháiⁿ kiáⁿ-sun?---í kî só͘ bīn-tùi ê gí-giân būn-tê ūi-lē, khut-chhut Tâi-oân-lâng nā-beh kiàn-kok, su-iàu pek-chhiat í bú-gí chòe ki-té, hêng-sêng chū-chun chū-chú ê kok-bîn sèng-keh》（Lūn-bûn-chi̍p：Sêng-tāi Tâi-bûn-hē）。
Kî li̍p-lūn beh thê-chhíⁿ tông-pau：í Tiúⁿ-lo-kàu-hōe tek-pia̍t sī i ê sîn-ha̍k kàu-io̍k ūi-lē, chha-put-to choân-thé Tâi-oân-lâng khiàm-khoeh bú-gí ì-sek, tī bû-ì-sek tiong ká-tēng tong-jiân í si̍t-bîn-tōe sî-tāi ê「kok-gí」su-khó su-siá, kan-tan chiap-sòa kiàn-li̍p kū si̍t-bîn-tōe bûn-hòa |
| 2007.07-2012.03 | 85~90 hòe | Ūi kì-liām〈Jîn-koân Soan-giân〉30 chiu-nî ê hêng-sū chi-it, siū Tiúⁿ-lo-kàu-hōe Chóng-hōe Siông-tè Úi-oân-hōe úi-thok：tam-jīm「Koân-ui-sî-tāi Kàu-hōe kap Siā-hōe Sú-liāu Chéng-lí Kang-chok Sió-cho͘」chú-chhî-jîn 4 nî pòaⁿ |
| 2008 | 86 hòe | Kok-su-koán chhut-pán《Tâi-gí-bûn ūn-tōng hóng-tâm kap sú-liāu lūi-pian》tē 2 tan-goân ì-kiàn léng-siù lia̍t-tī tē 1 ūi,〈Góa ū bú-gí, kò͘ góa chū-chú〉Tiuⁿ Ho̍h-chū i-su choan-hóng
Choan-hóng tiong thê-kàu「Góa it-seng ê goān-bōng iah ē-tàng kóng sī góa ê ûi-giân, chiū-sī：Ǹg-bāng ū-chi̍t-kang Tâi-oân-lâng ē-tàng iōng in bô-kâng ê cho̍k-kûn bú-gí su-khó, chhòng-chok chhut to̍k-it bûjī ê (unique), pēng siū Siōng-tè chiok-hok ê sè-kài-sèng Tâi-oân-kok bûn-hòa.」 |
| 2009 | 87 hòe | Siū Kàu-io̍k-pō͘ pan-chān「Thui-tián Pún-thó͘ Gí-giân Kòng-hiàn chióng」 |
| 2010 | 88 hòe | Tâi-lâm Sîn-ha̍k-īⁿ hāu-iú-hōe ūi i kí-pān「Tēⁿ Jî-gio̍k bo̍k-su Bí-siū Kám-un-lé-pài」. 《Tâi-oân Chhùi-chhiⁿ》- Ki-tok Sìn-gióng kap Tâi-oân Bîn-chú-ūn-tōng Si-koa tē 3 pán, Tâi-oân Kàu-hōe Kong-pò-siā |
| 2012 | 90 hòe | Tâi-lâm Sîn-ha̍k-īⁿ hāu-iú-hōe ūi i kí-pān「Êng-ū Tēⁿ Jî-gio̍k bo̍k-su 90 hòe siⁿ-ji̍t Kám-un Sîn-ha̍k kàu-io̍k ián-káng-hōe」í「Hôe-kui Li̍p-ha̍k Goân-tiám」ûi-tê ián-káng |
| 2013 | 91 | Chhut-pán《Tâi-gí Pe̍h-ōe-jī Sin Kàu-kho-su》(Kàu-hōe Kong-pò-siā).
Sêng-tāi Se̍k-sū-seng lūn-bûn tì-chok《Tīn Jyi-giokk Bo̍ksu ê Bûn-hòa Su-sióng》（Tēⁿ Jî-gio̍k bo̍k-su ê bûn-hòa su-sióng）, ùi gí-giân、bûn-jī、kok-ka kap chong-kàu téng bīn-hiòng, lâi têng-hiān Tēⁿ Jî-gio̍k tùi Tâi-oân gí-giân、Lô-má-jī ê chú-tiuⁿ í-kip kiàn-li̍p sin jî to̍k-li̍p ê Tâi-oân ê sióng-siōng |
| 2014.12.11 | 92 hòe | kòe-sin tī Tâi-lâm |
Chú-iàu Si-chok kap Tì-chok siu-kái
- "Oh! For Whom the Lord was Crucified?" (Taiwanese), 1950; in Taiwan Church News,(Tainan), Apr. 1, 1979.
- "Lán beh Chhut-thâu-thiⁿ 1969. in Taiwan Church News (Tainan), Dec. 11, 1977.
- "Liû-lōng Hái-gōa Tâi-ôan-lâng ê Sim-siaⁿ," New York, 1975; Tainan, 2nd, ed., 1992.
- "Lán ê Hiong-thó͘ ”and "Introducing 'Our Homeland', " in CTC Bulletin (Singapore: CCA), November, 1979.
- "Light of the World, Salt of the Earth"「Sè-kan ê Kng Tōe-chiūⁿ ê Iâm」1968, New Songs of Asian Cities. Tainan: CCA-URM Committee, 1972; and in Neue Cantate Domino, Geneva： WCC, 1974; "Das Licht der Welt, das Salz der Erde," (German Translation) in Das Wort der Welt, Jan. 1975; Hymns from the Four Winds, 1983.
- "Your Kingdom Come"「Goan Lí ê Kok Lîm-kàu」Composed by J„ Lyim, 1968, Main Theme Hymn, Melbourne International Missionary Conference, 1980. International Review of Mission, (Geneva), Oct. 1980; Composed by Î-tō Lõh in Hymns from the Four Winds. 1983 nî tē 30 kài Tiúⁿ-lo-kàu-hōe Chóng-hōe chū-té-koa.
- "Living in Christ with People"「Tī Ki-tok kap Bîn-chiòng Khiā-khí」Composed by Taihei Satoh, CCA Assembly Main Theme Hymn, Bangalore, 1981."Power of the Holy Spirit,"「Sèng-sîn ê Khùi-la̍t」 Composed by Raymond Adams, 1983, in Asian Songs of Worship, Manila, 1988.
- "Risen Jesus - the Life of World"「Koh-oa̍h Ia-so͘ Sè-kài Oa̍h-miā」Composed by Thài-jyian Siau, 1983.
- "Iû-chú Hôe-hiong Composed by Thài-jyian Siau, 1989.
- "Tâi-ôan Chhùi-chhiⁿ " (Taiwan the Green),「Tâi-oân Chhùi-chhiⁿ,」1993, CIST-TTCS, Tainan; The Commons Daily, Kohyiong, 1994. Ji̍p-soán「Sè-kài Si-chok Pí-sài」(International Poetry Contest), 1998.
- 《Tâi-gí Si-phian：Ah-ūn Khé-èng》, Kàu-hōe Kong-pò-siā (Tâi-oân-lâng kiàn-li̍p ka-kī, chhî-iú lí-sióng kok-ka kok-bîn hong-keh, múi-ji̍t pit-su chi tì-hūi bí-niû),2002
- 《Tâi-oân Chhùi-chhiⁿ》, Bāng-chhun-hong Chhut-pán-siā (Chiúⁿ-ka ui-koân-sî-tāi "Ki-tok-kàu Sìn-gióng kap Tâi-oân Bîn-chú-ūn-tōng Si-koa" Chóng-chéng-lí),2002.07,2002.12, 2010.06
- 〈Siōng-ū Tâi-oân ì-sek ê Tiúⁿ-lo-kàu-hōe Chhut-tioh Pháiⁿ Kiáⁿ-sun？〉,Tâi-oân Lô-má-jī Kok-chè Gián-thó-hōe, 2004