Thó-lūn:Hu̍t-kàu
Hō-ló Pu̍t-kàu bāng-ia̍h
siu-kái請問線頂敢有閩南語的佛教資源？
- Chhiáⁿ khoàⁿ [1]. A-giâu 05:20, 13 Saⁿ-goe̍h 2006 (UTC)
- Bān-hu̍t-hōe (ka-kī hoat-bêng ê pheng-im). A-giâu 05:39, 13 Saⁿ-goe̍h 2006 (UTC)
Spam protection
siu-káiWikipedia ê nńg-thé jīn-ûi www.putixin.com (Hu̍t-kàu Phó·-thê-sim) sī "spam link", só·-í góa chiām-sî kā the̍h tiāu. A-giâu 05:27, 13 Saⁿ-goe̍h 2006 (UTC)
佛教
siu-kái佛教，世界三大宗教之一（另外兩个是基督教佮伊斯蘭教），西元前六世紀的時代，釋迦牟尼佇古印度創建了佛教，叫做佛陀，按傳播線路，會當共佛教分做南傳佛教佮北傳佛教，啊若按照教義的精差來講，閣會使分做小乘佛教佮大乘佛教，現此時，佛教主要是流行佇中國、韓國、日本遮的東亞地區佮一寡仔東南亞的國家（譬如講泰國）。
佛教的歷史
siu-kái會用的參考佛教歷史
釋迦牟尼過身了後，佛教佇當時的印度得著真緊發展，到甲孔雀王朝阿育王的時代，佛教已經成做印度的國教，非常的隆盛，敬奉佛祖的佛塔嘛開始大量咧建造，對西元前150年開始建造的阿旃陀石窟，一直到甲西元七世紀才做煞。
隨著形勢咧發展，佛教嘛不斷咧修正佮豐富釋迦牟尼的學說，到尾仔分化做十八部（有人講二十部)，西元一世紀的時，產生大乘佛教。
按孔雀王朝開始，佛教就分兩个無仝的方向向外國傳播，南傳佛教（小乘佛教）主要傳湠到泰國、緬甸、柬埔寨佮斯里蘭卡遮的所在，北傳佛教（大乘佛教）閣再分做兩个派別，一派經由Keshen Mil湠去到新疆，而且佇漢代的時陣傳入中國，形成漢傳佛教，後來閣再傳入去朝鮮、日本佮越南，另外閣一派主要佇西藏地區湠根，人叫做藏傳佛教，嘛就是”喇嘛教”。
基本教義
siu-kái拜佛的人認為世間充滿痛苦，萬物攏嘛毋是固定不變的，這號做”無常”，佛教的基本教義是"四諦"，就是"苦、集、滅、道"。
"苦諦"是佛教的起點，認為人生有七項苦："生、老、病、死、分離、怨恨、求人（求不得）"，只欲來到遮，就必定愛受痛苦的折磨。
"集諦”解說產生痛苦的根源，認為講，是人就有欲望，就會產生後果，啊後果就是痛苦的根源，這就是"因果"學說。
"滅諦"說明了按怎來消除痛苦，認為關鍵是愛消除欲望。
"道諦"共人講明修道的路途佮方法，講愛通過"八正道"的修行才會當達到"不生、不滅、絕對的恬靜佮永遠超脫"的境界。
佛教教導人愛"忍氣求生、任勞任怨"，愛有"自我犧牲"的精神，佛教提倡眾生平等，認為任何人只欲相信佛就會當得著解脫。
釋迦牟尼捌試過幾偌款的步數，想欲替人得著解脫，到尾仔，伊佇一欉菩堤樹跤想七暝七日，總算覺悟，伊悟出一條理論：人定著愛經過修行才會當消除煩惱佮稀微，達到完全解脫的境界，了後就得著大智慧，了切生死，按呢自然就會遠離苦楚。
佛教各教派佇發展當中攏總形成各自的特色佮教義。
小乘佛教堅持佛教上早時的教義，認為釋迦牟尼是上代先徹底覺悟的人，毋是神明，只是已經完全解脫的偉人，啊普通人若欲跟隨佛的教導，必須先愛出家做和尚做一站時間，最後徹底解脫成做阿羅漢，小乘佛教崇拜寺廟的秩序，講寺廟象徵著世間的佛塔，也就是"曼陀羅"。
大乘佛教認為人人攏會當成佛，人經過修行攏會當去到西方極樂世界，就是成做佛，大乘佛教崇拜佛像，認為無一定愛出家，只欲心內有佛，總有一工仝款嘛會成做佛。
佛教的影響
siu-kái佛教對亞洲國家的影響上蓋深，佛教已經成做信教國家人民的人生觀念，毋過佇印度，佛教文化確是愈來愈敗害，現此時佛徒佇印度只有0.6%的人口，而且真分散。
佛教隆盛的國家佮地區，怹的民族文化佮藝術攏總受著佛教思想足大的影響。
佛經
siu-kái參考佛經列單
佛經包含佛教一切學說，佛經的全集號做大藏經。