Thó-lūn:Tâi-oân-ōe

2010年台澎金馬照行政區做界線紀錄，佇厝內講的話有包括河佬話的人口比例（含講濟種的，比論河佬話兼華語）。

臺灣話（白話字：Tâi-uân-oē）抑是講做臺語（白話字：Tâi-gí），上少有兩種意思：

• 臺灣的河佬話（這是上普遍的定義），是對中國福建泉州、漳州傳到臺灣一種話
• 臺灣所有「在地」的語言（臺灣的語言）。一般來講，無包括華語。

「臺灣話」抑是「臺語」的意義無固定，蹛佇台灣頂頭的客家人、原住民、甚至是外省人，若欲共家己的母語辭典號做「臺語辭典」，嘛會使當做是怹的自由，無人會當擋怹欲按怎自稱家己的話，欲用毋用是家己的選擇。

名稱

臺灣話主要有幾个意義相仝名稱：

• 台語：目前上濟台灣人所使用的名詞。無論是生活當中的口語，抑是文章內面，攏以這為主要的用語。連橫佇1929年11月24日的《臺灣民報》頂頭著發表「臺語整理之頭緒」一文，閣佇1933年完成了著名的《臺灣語典》。中華民國政府早期嘛是用「台語」一詞，譬如講台灣省國語推行委員會佇1955年出版的《臺語方音符號》，佮國防部佇1958年出版的《注音臺語會話》，攏總以「台語」來稱呼。以後因為政治的因素，改叫「閩南語」。

• 臺灣話：臺灣使用這个語言者的普遍叫法；佇日語就叫做「臺灣語」，較常出現佇日本時代的資料。目前則多簡稱「台語」，「台語」嘛出現佇清朝佮日本時代的資料。

• 福佬話、河洛話、河佬話：客家人早期叫閩南人做「ho̍k-ló」，叫閩南語做「ho̍k-ló話」。到日本時代，有部份的學者因為傳說講閩南人的祖先是對古早中原的河洛地方來的，所以採用「河洛話」（ho-lok）來代替。毋過愛注意的是：「福佬」、「河洛」雖然「ho̍k-ló」、「ho-lok」的語音相近，佇這馬的標準漢語的讀音不相仝，相關的語源佮變調的方法愛閣再研究。這个名表示閩南人佮別的漢族人有相仝的起源。也有學者指出河洛語或福佬語不具台灣代表性。河洛語或福佬語均源自Hoklo一詞。依據美國傳教士Kennelly於一九0八年編譯的《中國坤輿詳誌》記載，Hoklo一詞為廣東本地人對潮州地區的潮州人的稱呼。Hoklo後來被寫成「學老」、「福狫」、「河洛」、「鶴佬」或「福佬」等不同漢字。因此不論Hoklo被寫成何字，都有學者或團體認為該詞都不足以代表台灣人的母語。

• 鶴佬話：是部分學者（譬如洪惟仁）提出的，怹認爲方言比較中「ho-lo」音應該是「hoh-lo」，是對應到古早形容百越的「貉」佮蠻族的「獠」。毋過這漢字較粗魯，洪惟仁照廣東人所用的「鶴佬」來表示。

• 臺灣閩南語：別種的叫法。中華民國教育部國語推行委員會佮全國語文競賽攏咧用，別的相近的閣有臺閩語、福臺語。誠濟臺灣本土社團對「閩南語」這種叫法不滿，怹講「閩」這个字有歧視的意思，嘛反對用中國的「閩南」地名。照東漢許慎的《說文解字》佮清朝段玉裁的《說文解字注》的講法，「閩」這字是蛇種、野蠻民族的意思，是對中國福建南部的先住民佮怹的後代的歧視。近年來，台灣語言的學者蔣為文幾个人提出以「咱人話」(Lán-lâng-ōe)代替閩南語。他指出，台語一詞佇台灣使用，毋過泛稱世界上咧講、所謂的「閩南語」的時陣，就用較中性的「咱人話」。
• 福建話：佇東南亞的華人時常叫台灣人講的臺灣話為福建話，尤其是對福建出去的移民。

臺灣河佬話

河佬話是臺灣60%人口的母語，河佬話是福建話的一支，現代語言學共叫做「閩南語」，河佬話定定予人當做漢語家族的一个方言。毋過，嘛會使共當做漢藏語系的一个語言，欲分啥物是語言，啥物是方言，這無一个普世的標準，欲共河佬話當做是語言也是方言一般來講 .....

參考

• 白話字
• 台羅