Thó-lūn:Tēⁿ Sêng-kong
Í-hā chit toāⁿ phêng-kè m̄ sī î-it ê koan-tiám:
- Tīⁿ Sêng-kong sī Bêng-tiâu bo̍at-nî Hok-kiàn Chôan-chiu Lâm-oaⁿ-gōaiⁿ ê lâng. I koáⁿ-cháu hit-tong-sî pà-chiàm Tâi-ôan ê âng-mô·-hoan Hô-lân chhim-lo̍k-chiá, pēng-chhiáⁿ khai-hoat Tâi-ôan, chiong sian-chìn ê Hàn-cho̍k bûn-bêng ín-ji̍p Tâi-oân. it-ti̍t kàu-kah kin-á-ji̍t, Tīⁿ Sêng-kong iu-goân sī toā-to-sò· Tiong-kok-lâng sim-tiong ê bîn-cho̍k eng-hiông.
A-giâu 12:19, 30 Jul 2004 (UTC)
鄭成功
siu-kái
- 漢字文章已經徙去鄭成功矣
鄭成功（1624年–1662年)，原名號做鄭森，後來明朝唐王隆武皇帝賜予伊姓「朱」，名號做「成功」，所以人嘛稱呼伊「國姓爺」，鄭成功是明朝最後一个主張反清復明的官員，伊趕走彼當時佔領臺灣的「紅毛番」（荷蘭人），到今，佇福建、臺灣的民間猶原流傳著真濟有關鄭成功的歷史古蹟佮神奇的傳說，鄭成功過身了後，伊的跟隨者將伊葬佇臺灣鹿耳門港的附近，鄭成功在生的時陣，紅毛番嘛攏共伊叫做「國姓爺」。
鄭成功的一世人
siu-kái鄭成功怹老爸鄭芝龍，歸順清朝進前是海賊的頭人，母親是日本人，名號做「田川松」，鄭成功出世佇日本靠海的城市 Hirato (平戶)，七歲以前，鄭成功一直和怹老母蹛佇 Hirato，了後倒轉到福建省晉江縣安平鎮（現在安海）生活了十外年，鄭成功自細漢飽讀經書，伊深深了解著東方的傳統禮數佮民族意識。
起義
siu-kái唐王隆武皇帝不幸被害，明朝落敗，鄭芝龍認為明朝氣數已盡，姑不而將孤一个去向清朝投降，也著是佇這个時陣，清兵侵門踏戶，毋但搶劫鄭家，又閣侮辱鄭成功怹老母，鄭母不甘遭受蹧躂，煞來吊脰自殺，公元1645年，「國恨家仇」逼使鄭成功起來造反，起義的所在是小金門，起義的口號是「忠孝伯招討大將軍罪臣朱成功」，此去十六年，鄭成功倚靠金門佮廈門做為根據地，完全控制治轄權，鄭成功和番仔人做生理，募集資金，招兵買馬，伊閣派出親信，佇大陸開商行，收集清朝的情報，期間鄭成功捌起義過幾仔擺，有時嘛揣藉口，佮清朝假議和，爭取時間成養兵馬。
公元1659年，鄭成功出兵攻打南京失敗，兩年後，根據地徙過去臺灣。
東都臺灣
siu-kái公元1661年，鄭成功出兵拍臺灣，將臺灣過名叫「東都」，目的是希望會當迎接南明永曆皇帝桂王來臺灣，也就是佇這个時陣，清朝順治皇帝頒布遷界命令，時間維持二十年遐爾久，按呢鄭成功嘛斷絕了經濟支援，不得已開始開墾佮建設臺灣這塊土地，公元1662年鄭成功怹老爸鄭芝龍佇北京hông斬首，閣無偌久了後，鄭成功拍敗紅毛番仔荷蘭人，共怹趕出臺灣，啊毋過無偌久了後傳來南明永曆皇帝去蘇州賣鴨卵的消息，這一切攏增加鄭成功無限的憂愁佮鬱卒，仝年的五月，鄭成功chì-chàn袂牢，破病過身，享年三十九歲。
鄭成功死了後，伊的後生鄭經繼續踮臺灣經營統治，不而過成效有限，公元1683年，鄭克塽向清朝投降，公元1684年，臺灣府正式納入中國的版圖，隸屬於福建省，下面設治臺灣縣、鳳山縣佮諸羅縣。
評價
siu-kái鄭成功是明朝末年福建泉州南安縣的人，伊趕走彼當時霸佔臺灣的紅毛番荷蘭侵略者，並且開發臺灣，將先進的漢族文明引入臺灣，一直到甲今仔日，鄭成功猶原是大多數中國人心中的民族英雄。
不而過佇臺灣佮當今的國際社會，嘛有真濟學者認為鄭成功是外來者，支持這種觀點的人認為佇咧鄭成功來到臺灣進前，臺灣這个所在並無漢人佮漢文化，嘛毋捌佇明朝進前接受過中國任何一个朝代的統治佮管轄，怹講漢人佮紅毛人來到臺灣以前，臺灣是原住民的所在，所以嘛無算是中國的領土。
有關的傳說
siu-kái參考
siu-kái- 東寧王朝
- p8-45, 《發現臺灣》上冊，天下雜誌，天下雜誌編輯，ISBN 957-9079-16-1