Tn̂g-sūi-bo̍k
?Tn̂g-sūi-bo̍k | ||||||||||||||
---|---|---|---|---|---|---|---|---|---|---|---|---|---|---|
Tn̂g-sūi-bo̍k | ||||||||||||||
Seng-bu̍t-ha̍k hun-lūi | ||||||||||||||
| ||||||||||||||
Ha̍k-miâ | ||||||||||||||
Stachytarpheta jamaicensis L. |
Tn̂g-sūi-bo̍k (Hàn-jī:長穗木, ha̍k-miâ: Stachytarpheta jamaicensis) sī to-nî-seng siông-le̍k pòaⁿ-koàn-bo̍k. Kah-ì kui-kang ū ji̍t-thâu pha̍k ê khoân-kéng. Kun-té seⁿ tī jia̍t-tāi Bí-chiu. Taⁿ tī Tâi-oân kui-hòa, hun-pò· tī pêⁿ-tē, kap kē-hái-po̍at soaⁿ-khu, seⁿ tī lō·-kîⁿ, pha-hng-tē; kui-tang lóng-ē khui-hoe.
Hêng-thāi siu-kái
Keng sì-kak-hêng, kim-ku̍t.
Hio̍h-á tùi-seng, ke-nn̄g-hêng, he̍k tn̂g-tu-îⁿ-hêng, kì-á-khí-iân.
Hoe-koan 5 li̍h, chí-nâ-sek, ti̍t-kèng ū 10 mm; sūi-chōng-hoa-sū téng-seng.
Kóe-chí sī so̍k-kó (蒴果) tn̂g-tu-îⁿ-hêng, bih tī sio̍k-chûn hoa-go̍k (宿存花萼) lāi-té.