Wikipedia:Tong-nî ê kin-á-ji̍t/6 goe̍h 7 ji̍t

421 nî: Lô-má Hông-tè Theodosius 2-sè hām Aelia Eudocia (siōng) kiat-hun, lo̍h-bóe i pang-chān Hi-lia̍p ê ī-kàu-tô͘ kap Iû-thài-lâng pái-thoat pek-hāi.
1099 nî: Tē-it-chhù Si̍p-jī-kun tī Iâ-lō͘-sat-léng khai-sí tùi Fatimah Ông-kok chìn-hêng chi̍t-tiûⁿ 5-kò-goe̍h ê pau-ûi-chiàn.
1776 nî: Virginia Si̍t-bîn-tē ê chèng-tī-ka Richard Henry Lee tī Tē-jī-chhù Tāi-lio̍k Hōe-gī tiong thê-chhut Lee Koat-gī, chú-tiuⁿ Cha̍p-saⁿ Si̍t-bîn-tē ùi Tāi-Eng Tè-kok to̍k-li̍p.
1938 nî: Tiong-Ji̍t Chiàn-cheng: Tiong-kok Kok-bîn Chèng-hú chhui-húi N̂g-hô ê poh-hōaⁿ lâi chó͘-tòng Ji̍t-pún kun-tūi ê khoài-sok chhim-chiàm, chō-sêng N̂g-hô pang-hōaⁿ sū-kiāⁿ, thâi-sí chí-chió 400,000-lâng.