Chúi-ke

?Chúi-ke
White's Tree Frog (Litoria caerulea)
Hoà-chio̍h hoān-ûi
Triassic - Recent
Seng-bu̍t-ha̍k hun-lūi
Kài: Animalia Mn̂g: Chordata Kong: Amphibia Bo̍k: Anura Merrem, 1820
a-ba̍k
Archaeobatrachia Mesobatrachia Neobatrachia -
Chúi-ke ê hun-pò͘ (o͘-sek)

Chúi-ke ia̍h súi-ke sī lióng-chhe-lūi lāi-té hō chò Anura (Hi-lia̍p-gí bô boé-liu ê ì-sù) ê 1 ê kong. Toā-chiah liáu-aū aū-kha tn̂g-tn̂g, sin-khu té-kó͘, chéng-thaû-á liân-phoê, ba̍k-chiu phok-phok, bô boé-liu. Toā-hūn koè poàⁿ-chúi (semi-aquatic) ê seng-oa̍h, m̄-koh tī lio̍k-tē gaû pê gaû thiàu. Tiāⁿ kā nn̄g seⁿ tiàm chúi-kheⁿ, chúi-tî (pond), ia̍h ô͘ (lake) --nih; iù-thâng (larva) hō chò tō͘-koai (tadpole), ū chhi (gill), tī chúi--nih hoat-io̍k. Toā-chiah liáu sī chia̍h-bah tōng-bu̍t (carnivore), sù-siông chia̍h chat-kha tōng-bu̍t, khoân-chat tōng-bu̍t (annelid), ham pak-kha tōng-bu̍t (Gastropoda). Tī seⁿ-thoàⁿ kùi-chiat (Estrous cycle) ê kiò-siaⁿ put-chí-á hiáng.