Lâm-oaⁿ-chhī
Lâm-oaⁿ-chhī (Hàn-jī: 南安市), tòa leh Tiong-kok Hok-kiàn-séng tang-lâm iân-hái, Chìn-kang ê tiong-iû, sī Choân-chiu-chhī ē-kha ê chi̍t-ê kōan-kip-chhī.
Tē-lí
siu-káiLâm-oaⁿ-chhī ê cho̍at-tùi tē-lí ūi-tì sī: tang-keng 118°8′~ 118°36′, pak-úi 24°34′~ 25°18′. Tang-pō͘ chhām Chôan-chiu-siâⁿ saⁿ-óa, sai-pō͘ hām An-khoe-kōan sio-liâm, pak-pêng kiau Éng-chhun-kōan, Sian-iû-kōan kap chòe-chi̍t-ē; sai-lâm-pêng sī Ē-mn̂g ê Tâng-oaⁿ-khu, chiàⁿ-lâm sī Siâng-an-khu kah Kim-mn̂g.
Lâm-oaⁿ-chhī sio̍k-î lâm-a-jia̍t-tài hái-iû-hêng kùi-hong khì-hāu, chi̍t-nî sù-kùi, khì-hāu ūn-sûn, hō͘-chúi chhiong-chiok. Múi nî pêng-kun kàng-hō·-liōng ta̍t-kàu 1550 kong-lî.
Hêng-chèng khu-ōa
siu-káiLâm-oaⁿ-chhī ê chóng bīn-chek 2032 km², lóng-chóng kóan-ha̍t 23-ê hiuⁿ-tìn kah 3-ê koe-tō pān-sū-chhù ( kán-chheng "koe-tō-pān" ).
Jîn-kháu
siu-káiLâm-oaⁿ-chhī chóng jîn-kháu chhiau-kè 150 bān ( 2002 nî ).
Le̍k-sú
siu-káiLâm-oaⁿ chit-tah khai-hoat khah chá, liōng-kî-iok tī se-gôan 260 nî ê sî-chūn kiàn kōan. 1993 nî 5--ge̍h, kóe-chòe kōan-kip-chhī.
Keng-chè
siu-káiChòe-kūn chit kúi-nî-lâi, Lâm-oaⁿ-chhī ê chong-ha̍p keng-chè si̍t-le̍k put-tōan leh thê-kôan, tī "chôan-kok keng-chè 100 kiông kōan-chhī" tang-tiong pâi-miâ khah óa thâu-chêng, che í-gōa, iū-koh liân-sòa kúi-nā-nî ji̍p-sóan "Hok-kiàn 10 kiông" hâng-lia̍t. Kun-kù thóng-kè, kàu-kah 2000 nî, Lâm-oaⁿ-chhī ê GDP chóng sán-ti̍t í-keng chhiau-kè 184 ek kho· ( Jîn-bîn-pē ), kang-gia̍p kah lông-gia̍p chóng sán-ti̍t beh kàu 320 ek kho·, chôan-chhī châi-chèng siu-ji̍p ta̍t-kàu 7.5 ek kho͘.
Le̍k-sú jîn-bu̍t
siu-káiLâm-oaⁿ chit-ê só͘-chāi, chêng-kàu-taⁿ chhut bōe-chió gâu-lâng, pâi-chí lâng. Pí-lūn kóng:
- Tīⁿ Sêng-kong
- Au-Iông Chiam (歐陽詹): Tông-tiâu ê si-jîn
- So͘ Siōng (蘇頌): Sòng-tāi kho-ha̍k-ka
- Lí Chì (李贄): Bêng-tāi ha̍k-chiá
- Au-Iông Chhim (歐陽深): Bêng-tāi bú-chiòng
- Lí Kong-chiân
Lú-iû-khu
siu-kái- Koaⁿ-kiô Chhoà--sī Ko·-chhù (官橋蔡氏古民居)
- Tīⁿ Sêng-kong Bōng-hn̂g
Hái-gōa hiong-chhin
siu-káiLâm-oaⁿ sī tù-miâ ê kiâu-hiong, Tâi-ôan-lâng ê chó͘-ke chit-it. Hôa-kiâu, Káng-Ò hiong-chhin chóng--ê beh óa 150 bān lâng. Hôa-kiâu hun-sòaⁿ tī Tang-lâm-a, Ji̍t-pún, Bí-kok, Canada, Ò-chiu kah Se-Au.
Gōa-pō͘ liân-kiat
siu-kái- Chôan-chiu Lú-iû Sìn-sek-bāng Archived 2005-02-14 at the Wayback Machine.