Pang-chān:Án-chóaⁿ siá

Hō· beh siá Holopedia/Wikipedia ê lâng ê kiàn-gī

• Ta̍k-kang siá 1 phiⁿ sin ê bûn-chiuⁿ
• Ta̍k-kang hoan-e̍k 1 hāng Sin-bûn sū-kiāⁿ

1. Seng siá ê bûn-chiuⁿ, siōng-hó sī kap
   • sè-kài ta̍k-ê kok-ka,
   • ta̍k-ê gú-giân,
   • chèng-tī/hoat-lu̍t hē-thóng, kap
   • ta̍k-ê chong-kàu

   ū koan-hē ê; in-ūi chiah ê chu-liāu sī Hō-ló-oē siōng khiàm--ê.

2. Koh-lâi ài siá--ê, sī kho-ha̍k ê mi̍h.
3. Siōng-bóe chiah lâi siá bûn-ha̍k. Che m̄-sī kóng bûn-ha̍k bô tiōng-iàu, m̄-koh í-keng ū chiok-chōe bûn-ha̍k ê mi̍h thang tha̍k, m̄-koh nā liân Éire sī sím-mih, lán lóng m̄-chai, sī beh án-chóaⁿ kóng James Joyce? M̄-chai Lâm Hui ê chōng-hóng, beh án-chóaⁿ siāu-kài Coetzee?

Si̍t-chāi, ài siá-siaⁿh tō siá siaⁿh. Siōng tiōng-iàu--ê, sī ài siá!

Kám ū siá-chok ê kui-hoān?

• Ū: Wikipedia:Siá-chok ê Kui-hoān

Chām-gōa liân-kiat

• Holopedia.org: Tiāⁿ-tiāⁿ tú-tio̍h ê būn-tê
• Pe̍h-ōe-jī chóan-oāⁿ thêng-sek