Thó-lūn:Pêⁿ-po͘-cho̍k

平埔族

1897年翕的，臺北圭母卒社的平埔族人

早期臺灣的原住民族分佈

平埔族是徛佇臺灣平洋區域的原住民族，"平埔"就是平洋的意思，有人就簡省共平埔族講做平埔，總是平埔族窮實是指無仝文化、無仝語言、無仝部落認同的幾若陣族群，所以嘛有人主張著號做平埔族群較對同。

佇差不多400冬前漢人才拄遷徙來臺灣開荒佮徛起進前，臺灣西爿的平洋，早就有誠濟平埔族佇遐，對基隆一直到恆春攏有平埔族徛起，甚至包括後山的宜蘭嘛有蛤仔難平埔族。

平埔族這个名，已經有逐个慣勢的範圍佇咧，親像阿美族雖罔大部份嘛徛佇平洋，毋過就無算佇平埔內底。

平埔族佮漢人的語言和文化攏各樣，若照語言、社會、文化佮體質來看，(人因)和高山原住民仝款，佇人類學攏屬佇南島語族。