Su-lī-a

Su-lī-a A-la-pek Kiōng-hô-kok
الجمهورية العربية السورية
Kî-á Bûn-chiong
Chū-jiân tē-lí (si̍t-chè khòng-chè tē-khu)
Su-lī-a ê só͘-chāi.
Siú-to͘	Damascus
Bīn-chek Kok-thó͘ bīn-chek: 185,180 km² pâi sè-kài tē-89 miâ
Jîn-bîn seng-oa̍h
Jîn-kháu Chóng jîn-kháu: 17,064,854 lâng 2014 nî phó͘-chhâ, pâi sè-kài tē 54 miâ Jîn-kháu bi̍t-tō͘: 118.3 lâng/km2 2014 nî , pâi sè-kài tē 101 miâ
Chèng-tī bûn-hoà
Léng-tō-jîn chóng-thóng: Bashar al-Assad chóng-lí: Imad Khamis

Su-lī-a, chèng-sek hō-miâ Su-lī-a A-la-pek Kiōng-hô-kok (A-la-pek-gí: الجمهوريّة العربيّة السّوريّة), Sai-lâm-a ê kok-ka. Su-lī-a ê hái-hoāⁿ oá Tē-tiong-hái.

Bo̍k-lo̍k

Ki-pún-chu-liāu

• Koaⁿ-hong gí-giân: A-la-pek-gí
• Siú-to͘: Damascus
• Chóng-thóng: Bashar al-Assad
• Chhōa-thâu ê pō͘-tiúⁿ: Muhammad Naji al-Otari
• Bīn-chek: 185,180 km²
• Jîn-kháu:
  • 17,585,540
  • Bi̍t-tō͘: 93/km²
• Keh-piah-kok: Lī-pa-lùn, Í-sek-lia̍t, Iok-tàn, Iraq kap Thó͘-ní-kî.

Tē-hō-miâ

Su-lī-a chit-ê hō-miâ khah ti̍t-chiap ê lâi-goân sī Hi-lia̍p-gí ê Suría (Συρία). Herodotos kā chit jī ēng lâi piáu-sī Cappadocia. Goân Hi-lia̍p ēng-hoat lāi-bīn, Su-lī-a kap Assyria (Ασσυρία) sī kâng ì-sù--ê, m̄ koh Lô-má Tè-kok kā nn̄g jī siat hō͘ nn̄g ūi bô-kâng ê tē-hng hō-miâ.

Le̍k-sú

Tī Chêng 10,000 nî chó-iū ê sî, Su-lī-a sī khó-kó͘-ha̍k siōng só͘ hō--ê Chiân-hûi-khì Sin-chio̍h-khì A (Pre-Pottery Neolithic A; PPNA) bûn-hòa ê tiong-sim chi it, in sī sè-kài siōng só͘ chai-iáⁿ siāng chá chhut-hiān lông-gia̍p ê bûn-hòa. Sòa--lo̍h-lâi koh sī PPNB bûn-hòa sî-kî, tong-sî Mureybet bûn-hòa í-keng ū sì-hong khoán ê chhù.

Siāng chá ū kì-lio̍k tī Su-lī-a tē-khu ê goân-seⁿ bûn-bêng sī tāi-iok Chêng 3500 nî kiàn-li̍p ê Ebla Ông-kok, só͘-chāi óa tī kin-á-ji̍t pak-pō͘ ê Idlib.