Tōa-tiū-tiâⁿ
Toā-tiū-tiâⁿ (Hàn: 大稻埕; Eng: Twatutia) sī Tâi-pak-chhī Tāi-tông-khu se-lâm-pō͘ ê chi̍t ê thoân-thóng tē-hō-miâ, mā hō-chò Tiū-kang (稻江) kap Tiū-tin (稻津)[chù 1]. In-ūi chia khah-chá ū tōa phìⁿ pha̍k tiū-á ê khang-tē (稻埕[chù 2]), só͘-í chiah hō-chò Tōa-tiū-tiâⁿ. 1851 nî, Lîm Lâm-tiân (林藍田) ūi-tio̍h beh cháu-phiah hái-chha̍t, ùi Ke-lâng chhian-sóa kàu Tōa-tiū-tiâⁿ chò seng-lí, khai-siat tiàm-thâu, khai-sí tī Tōa-tiū-tiâⁿ chit kak-sì chìn-hêng siong-gia̍p oa̍h-tāng. 1853 nî, Sam-ip-lâng kap Tâng-oaⁿ-lâng ūi-tio̍h Báng-kah po͘-thâu ê khòng-chè khoân-lī, hoat-seng liáu chhia-piàⁿ sū-kiāⁿ; Ē-kau ê Tâng-oaⁿ-lâng bô-la̍t tí-khòng, chhōa Hâ-hái Siâⁿ-hông sóa lâi kàu Tōa-tiū-tiâⁿ; lo̍h-bóe tī Tōa-tiū-tiâⁿ piⁿ-á ê Tām-chúi-hô po͘-thâu kau-e̍k chiah ta̍uh-ta̍uh-á heng-ōng khí-lâi. 1860 nî, Tām-chúi khui káng liáu-āu, Tōa-tiū-tiâⁿ chiâⁿ-chò tōa Tâi-pak siāng hoân-hôa ê bu̍t-chu chi̍p-sàn tiong-sim, í tê-hio̍h kap pò͘-liāu bō͘-e̍k ûi-chú. Tōa-tiū-tiâⁿ ê tē-hio̍h bō͘-e̍k tī iûⁿ-hâng tòa-niá hā, m̄-nā chhī-tiûⁿ khok-tāi, mā chō-chiū tōa châi-hù kap hoân-êng. Kàu Ji̍t-pún sî-tāi liáu-āu, Ji̍t-siong tí-chè iûⁿ-hâng sè-le̍k, choán chò Ji̍t-pún kap Tang-lâm-a ê seng-lí. Chiàn-āu, Tōa-tiū-tiâⁿ in-ūi Tām-chúi-hô khó-ta ta̍uh-ta̍uh-á tio̍h sit-khì hô-káng ê kong-lîng; lî-tshiánn Tâi-uân sóo sing-sán ê tê-bí piànn bē-iânn Sik-lân âng-tê ê kìng-tsing, jî-lâi bān-bān-á tshìn-tshī lo̍h-khì. Āu-lâi teh Tâi-pak tshī-khu tio̍h tsi̍t pōo tsi̍t pōo ê hiòng tang-pîng tshī-khu lâi huat-tián; jîn-kháu mā tāi-liōng suá-tshut. Tuā-tiū-tiânn bô tánn-kín suà tsiânn-tsò Tâi-pak-tshī guā-uî ê ló-kū tshī-khu.
| Tuā-tiū-tiânn (Tōa-tiū-tiâⁿ) |
|
| — Tâi-pak-tshī ê thuân-thóng tē-miâ — | |
 Tuā-tiū-tiânn ló-ke ê kíng-kuan.
|
|
| Kok-ka |  Tiong-hoâ Bîn-kok (Tâi-oân)
|
|---|---|
| Kuān-tshī | Tâi-pak-tshī |
| Khu | Tāi-tông-khu |
Tsù-sikSiu-kái
Ên-sin ua̍t-to̍kSiu-kái
- Campbell, William (August 1896). "The island of Formosa: Its past and future". Scottish Geographical Magazine. 12 (8): 385–399. doi:10.1080/00369229608732903.
- Davidson, James W. (1903). The Island of Formosa, Past and Present : history, people, resources, and commercial prospects : tea, camphor, sugar, gold, coal, sulphur, economical plants, and other productions. London and New York: Macmillan & co. OL 6931635M.
- Lee, Daw-Ming (2013). Historical Dictionary of Taiwan Cinema. Lanham, Md.: Scarecrow Press. ISBN 9780810879225.
Guā-pōo liân-kiatSiu-kái
- 大稻埕碼頭-臺北旅遊網Ia̍h-bīn tshûn tóng pī-hūn (Hàn-gí)
- 大稻埕碼頭-交通部觀光局Ia̍h-bīn tshûn tóng pī-hūn (Hàn-gí)