Pang-chān:澎湖縣

區別：澎湖廳是日本統治時代个行政區。

澎湖縣
—  縣  —
旗仔 印仔
个位置
經緯度: 23°35′N 119°35′E
國家	中華民國
政府
- 縣長	陳光復
面積
- 攏總	141.052 km2
人口 (2014)
- 攏總	101,758儂
- 密度	721.4/km2
網站	www.penghu.gov.tw

澎湖縣是臺灣个一个縣，踮佇臺灣島西爿个海裡，倚烏水溝。

地理

澎湖佇臺灣海峽个東南方。北迴歸線（the Tropic of Cancer）23.27度經過虎井島个南爿。所有个島嶼分散佇北緯（north latitude）23.12度 ~ 23.47度佮東經（east longitude）119.19度 ~ 119.43度中間个海面。澎湖離東爿蓋近个陸地有24海里，離西爿蓋近个陸地有70海里。

澎湖群島

澎湖攏共有90幾个 島嶼。有一寡無儂蹛个島嶼嘛有共伊號名。馬公本島分出馬公市佮湖西鄉兩个行政區。中屯是一个島，伊一頭造橋接湖西鄉，另外一頭造橋接屬白沙鄉个白沙島。白沙鄉个通樑造大橋透西嶼（西嶼鄉）。馬公本島南爿个兩个島嶼：桶盤嶼佮虎井佇行政區是劃予馬公市。閣落南猶有望安佮七美（舊名叫大嶼）兩个鄉。一市五鄉。

氣候

澎湖所有个島嶼攏平坦坦，無懸山，低低捅出海面。無啥乜通遮閘。冬天東北風直灌，蹛鹹水煙、有鹹份个海風，佮樹叢、花草、農作物个成長生存、住民个生活、生活方式攏有足密切个關係。澎湖佇清明到 中秋即段時間有一年中蓋好个天氣。

徛厝

自古以來澎湖傳統个徛厝無草厝佮竹管厝，有粗勇个塗墼厝、硓𥑮厝、石頭厝。這和氣候佮環境所提會著个材料有足大个關係。

農作物

住民佇陸地主要種番薯、蘆黍、塗豆。通常蘆黍佮塗豆是種佇仝一區園-nih，一欄蘆黍一欄塗豆接咧種。今年即區園若是墊番薯，明年即區園著會換種蘆黍佮塗豆，避免園塗去予伊㾪去（無夠肥）。其他農作物，所在嘛有小kah種𣍐 (bē)完全無就著。毋過，澎湖个米攏是外來个。

生活

澎湖儂佇陸地會做山穡。滿滿是个海坪是另外一个日常生活，活動个空間。有當時仔佇海坪下海所得並𣍐 (bē)輸做山穡。若是海墘有一个港，深度閣有到，有蓄船，猶會當出海（船倚个港有水隨時攏會當駛船，囥佇海坪个船著愛等水淹船浮起來才會當出入）行船討海掠魚。澎湖在地儂若無別項謀生趁食个透露，大大細細攏會當按呢，無lâu-sì著上山種作，有lâu-sì著落海來過日子。

儂真濟。食，用毋站節。較濟个海坪、海產……。海產是自然生湠，抑是儂工溶瘍。嘛𣍐 (bē)赴通予人來大量踳踏、打盆，真緊會焦去。澎湖有無仝風土人情、人文景觀、大自然……，通予人領悟、欣賞。是規年通天無閒𩑾 (chhih)𩑾个儂休假歇睏、調節生活步調、轉換陰症个好所在。

行政單位

市

• 馬公市

鄉

• 望安鄉
• 七美鄉
• 湖西區
• 白沙鄉
• 西嶼鄉