Pang-chān:臺灣省

本文章是關係中華民國兮臺灣省。揣中華人民共和國虛設兮仝名兮省，看臺灣省（中華人民共和國）

臺灣省兮範圍（紅）

臺灣省是中華民國設兮省級行政單位。

清國佇1887年成立這省（清國共號做「福建臺灣省」），省會原本欲起佇彰化兮橋仔頭，毋過1892年著暫停無閣起矣，1894年共省會徙去臺北。1895年予大日本帝國廢掉，進前屬福建省管轄，日本戰敗了後，閣一擺由中華民國建省，省會佇臺北。1956年，因為驚中共轟炸臺北予臺灣兮政府𣍐 (bē)使振動，隨共省會徙去南投縣兮中興新村。

中華人民共和國講伊家己對臺灣有主權，有設仝名兮省，毋過無實際統治。

最後一任省主席是吳澤成，伊兮任期佇2018年結束，對彼个時陣開始，臺灣著無省主席這个職位矣。

歷史

1994年頭一擺舉辦省長選舉；宋楚瑜當選，1997年「虛級化」，改由行政院指派省主席。2018年臺灣省政府合併入去行政院內底。

地理

請參考臺灣這篇。

行政

這省有11个縣，3个省轄市，縣兮層次設14个縣轄市，臺北市、新北市、桃園市、臺中市、臺南市、高雄市是中央政府兮直轄市，金門縣、連江縣（馬祖）屬於中華民國兮福建省。

參考資料

• 臺語常用詞正音 - 地名讀音.
• 臺灣鐵路站名
• 台語音による地名

外部連結

• 中華民國兮臺灣省網站