Pang-chān:高雄市
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
- 「高雄」轉過遮，其他意思請看高雄（區別頁）。
| 高雄市 | |||
| — 直轄市 — | |||
| 高雄市 | |||
|
|
|||
|
|||
| 外號：打狗、港都 | |||
.svg) |
|||
| 經緯度: 22°38′N 120°16′E / 22.633°N 120.267°E | |||
| 國家 |  中華民國
| ||
|---|---|---|---|
| 政府 | |||
| - 市長 | 陳其邁 | ||
| 面積 | |||
| - 攏總 | 2,946.2671 km2 | ||
| 人口 | |||
| - 攏總 | 2,772,349儂 | ||
| - 密度 | 940.97/km2 | ||
| 時區 | UTC+08:00 (UTC) | ||
| 網站 | www.kcg.gov.tw | ||
高雄市（Ko-hiông-chhī）一般叫高雄，較早予做打狗（Táⁿ-káu），是臺灣第三大的城市，所在佇臺灣南部，西爿面對南海佮臺灣海峽。
高雄是中華民國6个直轄市之一，人口277萬左右，面積有2946平方公里，人口密度每平方公里940人左右。
地號名 siu-kái
高雄舊名「打狗」。有真濟有關地名由來的傳說；毋過根據伊能嘉矩的研究，打狗是漢人對Takau的翻譯；Tankau是本地徛佇一个地區馬卡達族的話，是講一款竹仔林，嘛是當地部落的名，荷蘭人有講「Taccoriang」抑是「Tankoya」。除了打狗，有時嘛講「打鼓」，是文雅的寫法。若西洋的寫法，閣有Takow，Takaw，Tancoya抑是Taccauia等等。
後來日本統治的時陣，依據「打狗」的發音，用日本漢字改寫做「高雄」，日語讀做「Taka-o」（たかお），1921年正式實施。中華民國接管臺灣了後繼續使用「高雄」的漢字，毋過改用華語發音，讀做「Gāoxióng」威妥瑪拼音拼做「Kao¹-hsiung²」，是現世國際上一般咧用的名。
其他在地的語言內面，布農族語、卡那卡那富語拉阿魯哇族攏講Takau[1]。
歷史 siu-kái
高雄現時所知影的史前遺跡內面，年代上早大約是4700到5200年前。這个地區是大坌坑文化、牛稠子文化、大湖文化佮蔦松文化的分佈範圍。
15世紀了後高雄開始有歷史記載，早期是馬卡道族生活的所在，嘛是海賊活動的據點。1624年荷蘭東印度公司開始佇高雄海墘做貿易，漢人佇這个時期嘛開始大量移民。
1661年鄭成功佔領現時的臺灣西南部，而且佇高雄地區設立軍屯，駐軍兼開墾。1683年清朝拍敗鄭王朝，開始統治臺灣，高雄地區屬鳳山縣管理。1863年，打狗港正式向 西洋開放，開設海關、電報局。
1895年了後，臺灣開始受日本來統治，佇一个時期，毋kj語蚵大規模的都市計畫佮建設，包含發展現代工業佮開闢高雄港等等，而且縱貫鐵路開始運作。到1930年代，高雄已經是臺灣第二大的港口。高雄市嘛成臺灣做臺灣第二大的城市。毋過佇第二次世界大戰的時陣，高雄受著嚴重的破壞。
1945年開始是中華民國時期。佇1947年的228事件中，高雄頭一个受鎮壓。佇1950年代，高雄港開始擴充，工業嘛開始復興。1960年代開設高雄加工區。1970年代，新的重工業，包含中國鋼鐵等等開設，而且開通第二港口。
地理 siu-kái
高雄市東北部是玉山山脈佮中央山龍，另外嘛有阿里山山龍的南爿部分。佇市的東爿閣有鳳山丘陵。佇倚海佮市內，有壽山佮半爿山。
高雄市東面有高屏溪，佮屏東縣相隔，北面有二仁溪，佮臺南市相隔。其中高屏溪主要有楠梓仙溪佮老濃溪。其他閣有阿公店溪、典寶溪、後硬溪，愛河佮前鎮河等等。
行政區 siu-kái
交通 siu-kái
高雄市是臺灣南部上重要的交通中心，抑是東南亞地區重要的交通樞紐之一，高雄市的交通運輸網路呈現「海、陸、空」三的方位發展。
對內，交通網路方面，都會區內較齊全，尤其是市區內面的交通網路是極完全。高雄市的公共運輸主要是鐵路列車、公車、客運、計程車、渡船佮環港觀光等等所組成，其中，軌道運輸是高雄市的主要公共交通運輸工具，包括火車、高速鐵路佮捷運。
除了高雄捷運主要行佇市區內面，嘛有臺鐵縱貫線佮臺灣高速鐵路行過高雄市來設站。而且嘛有濟濟國道佮省道通往全臺各地之外。
國際對外交通的部分，海運佮空運分別有高雄港佮高雄國際機場做主要的據點。
軌道交通 siu-kái
臺灣鐵路管理局 siu-kái
臺鐵目前佇高雄市的路線有客運對主的縱貫線、屏東線，閣有貨運對主的高雄臨港線。
縱貫線佮屏東線佇本市總共有設立18个車頭。其中，高雄車頭是特等站，是大眾運輸的盤車樞紐，而且嘛是縱貫線佮屏東線的交界站；新左營車頭佮岡山車頭是一等站（一等站）。
高雄市區鐵路地下化工程已經佇2009年6月26日全面動工起造，2018年10月14日正式通車。
臺灣高速鐵路 siu-kái
高鐵左營站，臺鐵新左營站佮高雄捷運紅線的鐵路車站是一个三鐵共構車站，目前是高鐵路線的南端終點站。未來計畫欲共高鐵路線繼續延伸到屏東縣。
高雄捷運 siu-kái
高雄輕鐵 siu-kái
教育 siu-kái
姊妹城市 siu-kái
參考資料 siu-kái
- ↑ 原住民族語言線上詞典. 原住民族委員會.
| ||||||||||||||||||||||||||||||||||
| ||||||||||||||||||||||||||||
.svg)