Chhim-chùn-chhī
Chhim-chùn-chhī (Hàn-jī: 深圳市; Hàn-gú pheng-im: Shēnzhèn Shì), kán-chheng "Phêng" (鵬), Kńg-tang-séng séng-ti̍t-ha̍t-chhī, Tiong-kok 5-ê hú-séng-kip kè-ōe tan-lia̍t chhī chit-it, Tiong-kok siāng-kài hoat-ta̍t ê keng-chè te̍k-khu tī chit-tah.
| Chhim-chùn-chhī | |
| — Hù-séng-kip siâⁿ-chhī — | |
| 深圳市 | |
 Chhim-chùn-chhī
|
|
 |
|
  Chhim-chùn-chhī |
|
| Keng-hūi-tō͘: 22°33′N 114°06′E / 22.550°N 114.100°E | |
| Kok-ka |  Tiong-kok
|
|---|---|
| Séng | Kńg-tang |
| Chèng-hú só͘-chāi | Lô-ô͘-khu |
| Bīn-chek | |
| - Lóng-chóng | 2,050 km2 |
| Jîn-kháu (2016) | |
| - Lóng-chóng | 11,908,400 lâng |
| Sî-khu | Tiong-kok Piau-chún Sî-khu (UTC+8) |
| Bāng-chām | www.sz.gov.cn |
Tē-lí ūi-tì
siu-káiChhim-chùn tiàm leh Kńg-tang-séng lâm-pō͘ ê hái-piⁿ-á, tē-lí chō-piau sī tang-keng 113°46′~ 114°37′，pak-úi 22°27′~ 22°52′. Chhim-chùn-chhī hiòng lâm pêng sī Hiang-káng, khó pak hām Tang-kóan-chhī, Hūi-chiu-chhī sio-liân, tang-pō͘ sī Tāi-a-oan kah Tāi-phêng-oan.
Hêng-chèng khu-e̍k
siu-káiChhim-chùn ê ha̍t-khu lāi lóng-chóng 8 ê khu, 30 ê ke-tō pān-sū-chhù, 18 ê tìn, 372 ê ku-bîn úi-ôan-hōe.
8 ê khu sī:
- Lô-ô͘-khu (羅湖區)
- Iâm-tiân-khu (鹽田區)
- Hok-tiân-khu (福田區)
- Lâm-san-khu (南山區)
- Pó-an-khu (寶安區)
- Liông-kong-khu (龍崗區)
- Phêng-san-khu (坪山區)
- Liông-hoâ-khu (龍華區)
Che í-gōa, iáu-koh-ū 2-ê sin-khu:
- Kong-bêng Sin-khu (光明新區)
- Tāi-phêng Sin-khu (大鵬新區)
Le̍k-sú
siu-káiÉng-kòe, Chhim-chùn chí-put-kò sī pó-an-kōan lāi-té 1-ê kài iap-phiah ê sió hiuⁿ-tìn. I sī lâm Tiong-kok ê mn̂g-chhùi-kháu, chhut-ji̍p Hiong-káng lóng ài keng-kòe chia. 20 sè-kí 80 nî-tāi chho·-kî, Chhim-chùn iáu-koh kah Tiong-kok lāi-tē kî-thaⁿ só·-chāi sio-siâng, chiâⁿ kan-kia̍t, chiâⁿ sán-chhiah. Put-jî-kò kòe bô kúi nî, Chhim-chùn to̍h chiâⁿ-chò Tiong-kok kái-kek khai-hòng ê tē-it khu chhì-giām-chhân, Tēng Siáu-pêng tī chia kiàn-li̍p keng-chè te̍k-khu, si̍t-hêng te̍k-sû ê keng-chè chèng-chhek, gôan-té ê sió hiuⁿ-tìn chi̍t-ba̍k-nih pìⁿ-chiâⁿ tē-kip-chhī. chhú-khì, Chhim-chùn ê keng-chè kah bûn-hòa kiàn-siat ti̍t-tio̍h hui-sok ê hoat-tián, siâⁿ-chhī ê kui-bô· mā pí khah-chá khok-tōa kúi-lo̍h pōe, kàu-kah 1990 nî ê sî-chūn, to̍h í-keng chiâⁿ-chòe chôan-kok siāng-kài hoat-ta̍t, siāng-kài hiān-tāi-hòa ê siâⁿ-chhī.
Lú-iû
siu-káiChhim-chùn ê siâⁿ-chhī kiàn-siat tī Tiong-kok lâi kóng, ôan-á sǹg kóng pâi ē-tio̍h khau. In-ūi tē-lí óa-kīn Hiong-káng kah Ò-mn̂g, Chhim-chùn mā chiâⁿ-chò chē chē kok-lāi-gōa ê iû-kheh chia̍p-chia̍p kiâⁿ-ta̍h ê só·-chāi, koh-chāi ka-siōng chit-tah siau-hùi ài pí Hiong-káng khah sio̍k chin chē, to̍h kēng-ka ē-tàng tài-tōng chāi-tē tē-saⁿ sán-gia̍p ê hoat-tián, tōa tōa thê-seng tio̍h siâⁿ-chhī kok-chè-hòa ê thêng-tō·.
Bo̍k-chiân, Chhim-chùn-chhī í-keng khai-hoat ê lú-iû tiám, tòng-chhú khah kôan—ê ū:
- Hái-siōng Chhân-hn̂g (海上田園)
- Hoan-lo̍k-kok (歡樂谷)
- Sè-kài Chi-thang(世界之窗)
- Bîn-cho̍k Bûn-hòa-chhun (民族文化村)
- Kím-siù Tiong-hôa (錦繡中華)
- Chheng-chheng Sè-kài (青青世界)
Kau-thong
siu-káiChhim-chùn-chhī tē-hā thih-lō· (chia̍t-ūn) it-kî kang-thêng, 2004 nî 12 ge̍h 28 ôan-sêng, sūn-lī thong-chhia.
Chhim-chùn Pó-an Kok-chè Ki-tiûⁿ ( ki-tiûⁿ tāi-má: SZX ), tiàm tī Pó-an-khu.
Kok-chè kau-óng
siu-káiKàu-kah chit-mái, Chhim-chùn í-keng hām 8 ê kok-chè siâⁿ-chhī kiat-chò iú-hó siâⁿ-chhī:
- 1986 nî 3 go̍eh 11 hō, Bí-kok ê Houston
- 1991 nî 11 go̍eh 12 hō, Italy ê Brescia
- 1992 nî 6 go̍eh 22 hō, Ò-tāi-lī-a ê Brisbane
- 1993 nî 7 go̍eh 30 hō, Poland ê Poznan
- 1994 nî 10 go̍eh 28 hō Hoat-kok....
- 1995 nî 3 go̍eh 5 hō, Jamaica ê siù-to· Kingston-chhī
- 1996 nî 6 go̍eh 7 hō, Togo ê Lome
- 1997 nî, Tek-kok ê Nuremberg
Kàu-io̍k
siu-káiGōa-pō͘ liân-chiap
siu-kái- Chhim-chùn ê le̍k-sú Archived 2004-10-10 at the Wayback Machine.
- Chhim-chhùn Chèng-hú bāng-chām