Kǹg-thih

Kǹg, kǹg-thih, ia̍h thih-kǹg, sī thih saⁿ-lām chió-liōng ê thòaⁿ-sò͘ liān-chè--chhut-lâi ê ha̍p-kim. Chiàu su-iàu mán-gàn (Mn), khu-ló͘-mih (Cr), wolfram (W) chham vanadium (V) téng goân-sò mā ū chò kǹg-thih ê gôan-liāu. Liān-chè kǹg-thih ê kòe-têng hō chò liān-kǹg, sǹg sī chè-chō-gia̍p chi khoán.

Kǹg-thih.

Kǹg-pán, chi̍t-khóan kǹg-thih sán-phín.

Tēng-gī

Fe-C ha̍p-kim ê chōng-thài piàn-hòa.

Tī kim-sio̍k-ha̍k ê tēng-gī lāi-bīn, "kǹg" sī thòaⁿ (C) hâm-liōng 0.0218% kàu 2.14% (chit-liōng ê %) chi-kan ê Fe-C jī-gôan ha̍p-kim. Nā-sī chhiau-kòe 2.14% hō-chòe chù-thih (鑄鐵); bōe-móa 0.0218% ê hō-chòe thih.

Gôan-lí

Thòaⁿ gôan-chú ē kau-chham ji̍p-khì thih ē kim-sio̍k chiⁿ-thé lāi-bīn, kái-piàn thih gôan-chú ê pâi-lia̍t hong-sek. Liān-chè un-tō͘ ê ko-te piàn-hòa, chham thòaⁿ ê pi-lē, ē éng-hióng kǹg-thih ê sèng-chit.

Le̍k-sú

Kó͘-chá sî-tāi chiō ū kǹg-thih, tī Tang-hui ū hoat-kiàn Chêng 1400 nî ê kǹg.. Tī Kó͘ Lô-má chham Tiong-kok ê Chiàn-kok Sî-tāi mā-ū. Tī Ìn-tō͘ , tāi-iok Chêng 300 nî chiō ū, jî-chhiáⁿ chè-chō ki-su̍t tī 5-sè-kí thôan-kàu Tiong-kok.

Sán-gia̍p

Kǹg-thih sī chin-chōe sán-gia̍p ê gôan-liāu, ē éng-hióng kui-ê keng-chè ê hoat-tián, in-chhú, kǹg-thih ê chè-chō sī tiōng-iàu ê keng-chè chí-piau. Kun-kù 2006 nî ê chu-liāu, thong-sè-kài kǹg-thih sán-liōng siāng-chē ê kok-ka sī Tiong-kok, koh-lâi sī Ji̍t-pún. Sán-liōng tē-it ê kong-si sī ArcelorMittal.

Hun-lūi

Sêng-hun hun-lūi

• Thòaⁿ-kǹg
  • Kē-thòaⁿ-kǹg
  • Tiong-thòaⁿ-kǹg
  • Ko-thòaⁿ-kǹg

• Ha̍p-kim-kǹg
  • Kē-ha̍p-kim-kǹg
  • Tiong-ha̍p-kim-kǹg
  • Ko-ha̍p-kim-kǹg

Hêng-chōng hun-lūi

• Khúi-tiâu (軌條)
• Hêng-kǹg (形鋼)
• Pāng-kǹg (棒鋼)
• Sòaⁿ-châi (線材)
• Kāu-iong-pán (厚中板)
• Po̍h-pán (薄板)
• Kǹg-kóng (鋼管)

Ia̍h khòaⁿ-māi

• Stainless kǹg