Chhim-chùn-chhī

Chhim-chùn-chhī (Hàn-jī: 深圳市; Hàn-gú pheng-im: Shēnzhèn Shì), kán-chheng "Phêng" (鵬), Kńg-tang-séng séng-ti̍t-ha̍t-chhī, Tiong-kok 5-ê hú-séng-kip kè-ōe tan-lia̍t chhī chit-it, Tiong-kok siāng-kài hoat-ta̍t ê keng-chè te̍k-khu tī chit-tah.

Chhim-chùn-chhī
—  Hù-séng-kip siâⁿ-chhī  —
深圳市
Chhim-chùn-chhī
Chhim-chùn-chhī tī Kńg-tang-séng ê ūi-tì ê uī-tì Chhim-chùn-chhī tī Kńg-tang-séng ê ūi-tì
Chhim-chùn-chhī
Keng-hūi-tō͘: 22°33′N 114°06′E
Kok-ka	Tiong-kok
Séng	Kńg-tang
Chèng-hú só͘-chāi	Lô-ô͘-khu
Bīn-chek
- Lóng-chóng	2,050 km2
Jîn-kháu (2016)
- Lóng-chóng	11,908,400 lâng
Sî-khu	Tiong-kok Piau-chún Sî-khu (UTC+8)
Bāng-chām	www.sz.gov.cn

Tē-lí ūi-tì

Chhim-chùn tiàm leh Kńg-tang-séng lâm-pō͘ ê hái-piⁿ-á, tē-lí chō-piau sī tang-keng 113°46′~ 114°37′，pak-úi 22°27′~ 22°52′. Chhim-chùn-chhī hiòng lâm pêng sī Hiang-káng, khó pak hām Tang-kóan-chhī, Hūi-chiu-chhī sio-liân, tang-pō͘ sī Tāi-a-oan kah Tāi-phêng-oan.

Hêng-chèng khu-e̍k

Chhim-chùn ê ha̍t-khu lāi lóng-chóng 8 ê khu, 30 ê ke-tō pān-sū-chhù, 18 ê tìn, 372 ê ku-bîn úi-ôan-hōe.

8 ê khu sī:

• Lô-ô͘-khu (羅湖區)
• Iâm-tiân-khu (鹽田區)
• Hok-tiân-khu (福田區)
• Lâm-san-khu (南山區)
• Pó-an-khu (寶安區)
• Liông-kong-khu (龍崗區)
• Phêng-san-khu (坪山區)
• Liông-hoâ-khu (龍華區)

Che í-gōa, iáu-koh-ū 2-ê sin-khu:

• Kong-bêng Sin-khu (光明新區)
• Tāi-phêng Sin-khu (大鵬新區)

Le̍k-sú

Éng-kòe, Chhim-chùn chí-put-kò sī pó-an-kōan lāi-té 1-ê kài iap-phiah ê sió hiuⁿ-tìn. I sī lâm Tiong-kok ê mn̂g-chhùi-kháu, chhut-ji̍p Hiong-káng lóng ài keng-kòe chia. 20 sè-kí 80 nî-tāi chho·-kî, Chhim-chùn iáu-koh kah Tiong-kok lāi-tē kî-thaⁿ só·-chāi sio-siâng, chiâⁿ kan-kia̍t, chiâⁿ sán-chhiah. Put-jî-kò kòe bô kúi nî, Chhim-chùn to̍h chiâⁿ-chò Tiong-kok kái-kek khai-hòng ê tē-it khu chhì-giām-chhân, Tēng Siáu-pêng tī chia kiàn-li̍p keng-chè te̍k-khu, si̍t-hêng te̍k-sû ê keng-chè chèng-chhek, gôan-té ê sió hiuⁿ-tìn chi̍t-ba̍k-nih pìⁿ-chiâⁿ tē-kip-chhī. chhú-khì, Chhim-chùn ê keng-chè kah bûn-hòa kiàn-siat ti̍t-tio̍h hui-sok ê hoat-tián, siâⁿ-chhī ê kui-bô· mā pí khah-chá khok-tōa kúi-lo̍h pōe, kàu-kah 1990 nî ê sî-chūn, to̍h í-keng chiâⁿ-chòe chôan-kok siāng-kài hoat-ta̍t, siāng-kài hiān-tāi-hòa ê siâⁿ-chhī.

Lú-iû

Chhim-chùn ê siâⁿ-chhī kiàn-siat tī Tiong-kok lâi kóng, ôan-á sǹg kóng pâi ē-tio̍h khau. In-ūi tē-lí óa-kīn Hiong-káng kah Ò-mn̂g, Chhim-chùn mā chiâⁿ-chò chē chē kok-lāi-gōa ê iû-kheh chia̍p-chia̍p kiâⁿ-ta̍h ê só·-chāi, koh-chāi ka-siōng chit-tah siau-hùi ài pí Hiong-káng khah sio̍k chin chē, to̍h kēng-ka ē-tàng tài-tōng chāi-tē tē-saⁿ sán-gia̍p ê hoat-tián, tōa tōa thê-seng tio̍h siâⁿ-chhī kok-chè-hòa ê thêng-tō·.

Bo̍k-chiân, Chhim-chùn-chhī í-keng khai-hoat ê lú-iû tiám, tòng-chhú khah kôan—ê ū:

• Hái-siōng Chhân-hn̂g (海上田園)
• Hoan-lo̍k-kok (歡樂谷)
• Sè-kài Chi-thang(世界之窗)
• Bîn-cho̍k Bûn-hòa-chhun (民族文化村)
• Kím-siù Tiong-hôa (錦繡中華)
• Chheng-chheng Sè-kài (青青世界)

Kau-thong

Chhim-chùn-chhī tē-hā thih-lō· (chia̍t-ūn) it-kî kang-thêng, 2004 nî 12 ge̍h 28 ôan-sêng, sūn-lī thong-chhia.

Chhim-chùn Pó-an Kok-chè Ki-tiûⁿ ( ki-tiûⁿ tāi-má: SZX ), tiàm tī Pó-an-khu.

Kok-chè kau-óng

Kàu-kah chit-mái, Chhim-chùn í-keng hām 8 ê kok-chè siâⁿ-chhī kiat-chò iú-hó siâⁿ-chhī:

• 1986 nî 3 go̍eh 11 hō, Bí-kok ê Houston
• 1991 nî 11 go̍eh 12 hō, Italy ê Brescia
• 1992 nî 6 go̍eh 22 hō, Ò-tāi-lī-a ê Brisbane
• 1993 nî 7 go̍eh 30 hō, Poland ê Poznan
• 1994 nî 10 go̍eh 28 hō Hoat-kok....
• 1995 nî 3 go̍eh 5 hō, Jamaica ê siù-to· Kingston-chhī
• 1996 nî 6 go̍eh 7 hō, Togo ê Lome
• 1997 nî, Tek-kok ê Nuremberg

Kàu-io̍k

• Chhim-chùn Tāi-ha̍k

Gōa-pō͘ liân-chiap

• Chhim-chùn ê le̍k-sú Archived 2004-10-10 at the Wayback Machine.
• Chhim-chhùn Chèng-hú bāng-chām