Kho̍k-hî

?Kho̍k-hî

Bí-chiu kho̍k-hî (Alligator mississippiensis), Nile kho̍k-hî (Crocodylus niloticus), Ìn-tō͘ gharial (Gavialis gangeticus)

Hoà-chio̍h hoān-ûi

Cretaceous - Recent

Seng-bu̍t-ha̍k hun-lūi

Kài:	Animalia
Mn̂g:	Chordata
Kong:	Sauropsida
Bo̍k:	Crocodilia Owen, 1842

Kho

Kho̍k-hî iā go̍k-hî sī Crocodilia ba̍k ê toā-hêng pâ-thiông. In hun-pò͘ tī jia̍t-tài chì a-jia̍t-tài ê kok-chióng sip-tē, chhiūⁿ hô, ô͘, hái-hoāⁿ téng-téng, taⁿ ū 23 chióng chéng.

Kho̍k-hî sī poàⁿ-théng (semi-erect), poàⁿ-phak (semi-sprawled) ê thé-thài. In ê kha phēng toā-hūn kî-thaⁿ ê pâ-thiông khah tú-tú tī sin-khu ē-pêng (hiān-tāi ê pâ-thiông tang-tiong kan-taⁿ kim-chîⁿ-ku khah théng). Che tì-tio̍h chi̍t-koá chéng ū tiàm lio̍k-tē thiàu-chông (gallop) ê châi-tiāu. Ū 1 chióng Ò-chiu kho̍k-hî sok-tō͘ 16 km/h khah ke.

Kho̍k-hî chhan-chhiūⁿ chhī-leng tōng-bu̍t, sim-chōng pun 2 pâng 2 sek, cheng-chha pá sng-sò͘ kap khiàm sng-sò͘ ê hoeh ē-sái-tit keng-koè sim-sek tiong-kan ê phāng thàu-lām chò-hoé; kî-thaⁿ ê pâ-thiông toā-hūn bô 2 pâng 2 sek.

In kap chiáu siāng chhin, lóng sī Archosauria î-it ê hiō-tāi.