Utah
Utah sī Bí-kok ê chi̍t-ê chiu. Siú-hú kap siāng toā ê siâⁿ-chhī sī Salt Lake City.
| Utah Chiu State of Utah | |||||
|---|---|---|---|---|---|
| |||||
| Chhiok-hō: Beehive State | |||||
| Piau-gí: Industry (hoan-e̍k: "Sán-gia̍p") | |||||
 | |||||
| Koan-hong gí-giân | Eng-gí | ||||
| Chū-bîn chheng-ho͘ | Utahn ia̍h Utahan[1] | ||||
| Siú-hú | Salt Lake City | ||||
| Siāng-tōa siâⁿ-chhī | siú-hú | ||||
| Siāng-tōa to͘-hōe | Salt Lake City | ||||
| Bīn-chek | Pâi-miâ tē-13 | ||||
| • Ha̍p-kè |
84,899 sq mi (219,653 km2) | ||||
| • Tang-sai khoah | 270 lí (435 km) | ||||
| • Lâm-pak khoah | 350 lí (560 km) | ||||
| • % chúi-bīn | 3.25 | ||||
| • Hūi-tō͘ | 37° N to 42° N | ||||
| • Keng-tō͘ | 109° 3′ W to 114° 3′ W | ||||
| Jîn-kháu | Pâi-miâ 31st | ||||
| • Ha̍p-kè | 3,051,217 (2016 nî ko͘-sǹg)[2] | ||||
| • Bi̍t-tō͘ |
37.15/sq mi (14.34/km2) Pâi-miâ tē-41 | ||||
| • Hō͘-kháu siu-ji̍p tiong-ta̍t | $66,258[3] (tē-11) | ||||
| Koân-tō͘ | |||||
| • Ko-tiám |
Kings Peak[4][5][6] 13,518 ft (4,120.3 m) | ||||
| • Pêng-kin | 6,100 ft (1,860 m) | ||||
| • Kē-tiám |
Arizona pian-kài ê Beaver Dam Wash[5][6][7] 2,180 ft (664.4 m) | ||||
| Siat chiu chìn-chêng | Utah Léng-thó͘ | ||||
| Sin chiu seng-li̍p | 1896 nî 1 goe̍h 4 ji̍t (tē-45) | ||||
| Chiu-tiúⁿ | Gary Herbert (R) | ||||
| Hù-chiu-tiúⁿ | Spencer J. Cox (R) | ||||
| Li̍p-hoat | Chiu Li̍p-hoat-hōe | ||||
| • Siōng-gī-īⁿ | Chham-gī-īⁿ | ||||
| • Hā-gī-īⁿ | Chiòng-gī-īⁿ | ||||
| Chham-gī-goân |
Orrin Hatch (R) Mike Lee (R) | ||||
| Chiòng-gī-īⁿ tāi-piáu |
| ||||
| Sî-khu | Mountain: UTC −7/−6 | ||||
| ISO 3166 | US-UT | ||||
| Kán-siá | UT, | ||||
| Bāng-chām |
utah | ||||
Tē-hō-miâ
siu-kái"Utah" sī tùi Ute pō͘-cho̍k ê miâ hō--lâi, chiàu in chāi-tē ì-sù sī "soaⁿ lāi ê lâng".
Tē-lí
siu-káiUtah ê tē-hêng, tùi ū soa-lūn ê soa-bo̍k, kàu chiam-hio̍h chhiū-nâ lóng ū, in-ūi i ê só͘-chāi tī saⁿ khoán tōa tē-lí hun-khu, ia̍h tio̍h sī Rocky Soaⁿ-me̍h, Great Basin, kap Colorado Ko-goân ê kau-chia̍p.
Le̍k-sú
siu-káiChiàu khó-kó͘ gián-kiù 10,000 kàu 12,000 nî í-chêng Utah chit ūi chio̍h ū lâng khiā-khí. Tī in hoat-tián ê sî-kî, chhiau-tōa-hêng ê tōng-bu̍t phì-jû kó͘-chhiūⁿ chiām-chiām siau-sit. Kàu tāi-io̍k chêng 8000 nî, chá-kî chū-bîn hong lēng-gōa chit kûn khó͘-chá soa-bo̍k lâng (Desert Archaic people) chhú-tāi, chia-lâng āu-lâi koh tī 3,500 nî í-chêng tōa-liōng kiám-chió.
Fremont bûn-hòa tī tāi-khài 600 kàu 1300 nî kî-kan chhut-hiān tī Utah sai-pêng kiam pak-pêng kap pō͘-hūn ê Nevada, Idaho, Colorado. I khó-lêng kap chìn-chèng ê khó͘-chá soa-bo̍k lâng ū koān-hē. Fremont ê hū-kīn koh tòa kó͘-tāi ê Puebloan bûn-hòa, in seng-oa̍h ê só͘-chāi sī kin-á-ji̍t Four Corners.
Tāi-iok tī 1200 nî, koh ū chi̍t tīn kóng Shoshone gí-giân ê lâng lâi kàu pún-tē. Pau-koat Shoshone, Gosiutes, Utes, Paiutes téng-téng, in sī tī Utah lāi bô-kâng só͘-chāi khiā-khí. Tû-liâu chia 4-cho̍k, tī Au-chiu-lâng lâi kàu sî, koh ū Navajo mā tī chit ūi.
Se-pan-gâ-lâng siū Francisco Vásquez de Coronado niá-chhōa, tī 1540 nî lâi kàu Utah lâm-pō͘ thhàm-lō͘, in hit-chūn sī siūⁿ beh chhōe thoân-soat lāi ê n̂g-kim-siâⁿ Cíbola. Āu-lâi, koh ū sîn-hū chhōa tūi ê chi̍t kài Dominguez-Escalante Oán-cheng (Dominguez-Escalante Expedition), in tī 1776 nî tùi Santa Fe chhut-hoat, siūⁿ beh khai-hoat tio̍h hiòng Calofornia ê lō͘.
Se-pan-gâ it-ti̍t bô tùi Utah chiàm-niá thóng-tī. Kàu 1821 nî, Mexico tùi Se-pan-gâ to̍k-li̍p, Utah chia soah piàn hit-chūn Alta California chi̍t hūn.
1844 nî, chia̍p soah kòe-sin ê Joseph Smith, Brigham Young chiâⁿ chò hit-tong-sî tī Ilinois chiu Nauvoo Āu-kî Sèng-tô͘ Kàu-hōe thâu-lâng. In-ūi kap chāi-tē kî-tha jîn-bûn ê chhiong-tu̍t sin koân, Young tī 1845 nî 10 goe̍h koat-tēng chiap-siū Illinois chiu chèng-hú ê pān-hoat, lî khui hiòng pat ūi hoat-tián.
Young kap in thâu chi̍t tīn Mormon tī 1847 nî 7 goe̍h 24 chó-iū lâi kàu Salt Lake Soaⁿ-kok, soah--lo̍h-lâi 20-gōa tang, koh lâi liáu chhiau-kòe 7-bān ê khui-khún-chiá, hiòng Utah hoat-tián. Āu-lâi hō͘ Salt Lake City piàn hit-chūn Mormon tī se-pō͘ ê tiong-sim.
1848 nî, kun-kù Guadalupe Hidalgo tiâu-iok, Utah tùi Mexico ê léng-thó͘ choán chò Bí-kok só͘ niá.
Pún-lâi khui-khún-chiá siūⁿ beh kiàn-li̍p chi̍t-ê Deseret Chiu, m̄ koh āu-lâi tī 1850 nî sêng-li̍p liáu khah sió ê Utah Léng-thó͘ (Utah Territory), lāi-té pau-koat kin-á-ji̍t ê Nevada, Utah, kap pō͘-hūn ê Wyoming chham Colorado. Siú-hú siat tī Fillmore, koh tī 1856 nî sóa khí Salt Lake City.
1857 nî, Mormon kap Bí-kok chham Utah chèng-hú hoat-seng Utah Chiàn-cheng, chō sêng chi̍t kóa hui-Mormon bîn-chiòng sí-bông. Kâng nî koh hoat-seng chi̍t tīn Baker–Fancher î-bîn hóe-chhia beh khì California keng-kòe Utah sî, hō͘ léng-thó͘ kun-tūi kong-ke̍k, chi̍t kàn sū-kiāⁿ kiò Mountain Meadows Chhám-àn.
1865 nî khai-sí ê Black Hawk Chiàn-cheng, sī goân-chū-bîn kap Bí-kok chèng-hú kiam Mormon ê chhiong-tu̍t. Ute-cho̍k chhōa-thâu ê Antonga Black Hawk tī 1870 nî chiàn-sí.
Tē-it Khào-tāi-lio̍k Thih-lō͘ (First Transcontinental Railroad) ùi 1869 nî chùn-kang, thong lâi kàu Utah ê Promontory Summit.
Utah ê Mormon kàu-hōe tī 1890 nî kìm-chí it-hu-to-chhe, che mā sī Utah siū chiap-siū sêng-li̍p chò Bí-kok chi̍t chiu ê tiâu-kiāⁿ chi it. Sin-ê Utah chiu tī 1896 nî 1 goe̍h 4 ji̍t sêng-li̍p.
20 sè-kí chá-kî, Utah khai-siat pau-koat Bryce Canyon kap Zion chāi-lāi ê kok-ka kong-hn̂g. 1950 nî-tāi kòe-āu, sin-ê chiu-chè ko-sok-tō-lō͘ hē-thóng thong lâi pún chiu.
Keng-chè
siu-kái
Utah tī 2014 nî ê GDP sī 141,410 pa̍h-bān bí-kim.[8] Chiàu 2015 nî ê chu-liāu, pún chiu siāng-chē lâng chò ê khang-khòe sī sió-bē bō͘-e̍k (retail trade) sán-gia̍p.[9]
Tùi 19 sè-kí khai-sí, khòng-gia̍p chio̍h-sī Utah ê chú-iàu sán-gia̍p chit it, chiu lāi Bingham Canyon Khòng-tiûⁿ sī thong sè-kài siāng tōa ê khai-hòng-sek khòng-khu. Utah chhut-sán ê khòng-bu̍t pau-koat tâng, kim, gîn téng-téng. Lēng-gōa tong-tē mā khai-chhái mûi-thòaⁿ, chio̍h-iû kap thian-jiân-khì
Chham-khó
siu-kái- ↑ "Utah", Merriam-Webster.com (Online Dictionary pán.), Merriam-Webster, Goân-pún bāng-ia̍h pó-chûn tī November 4, 2014
- ↑ "Table 1. Annual Estimates of the Resident Population for the United States, Regions, States, and Puerto Rico: April 1, 2010 to July 1, 2016" (CSV). U.S. Census Bureau. December 20, 2016. December 20, 2016 khòaⁿ--ê.
- ↑ "Median Annual Household Income". The Henry J. Kaiser Family Foundation. December 9, 2016 khòaⁿ--ê.
- ↑ "Kings Peak Target". NGS data sheet. U.S. National Geodetic Survey. October 24, 2011 khòaⁿ--ê.
- ↑ 5.0 5.1 "Elevations and Distances in the United States". United States Geological Survey. 2001. goân-loē-iông tī November 9, 2013 hőng khó͘-pih. October 24, 2011 khòaⁿ--ê.
- ↑ 6.0 6.1 Elevation adjusted to North American Vertical Datum of 1988.
- ↑ Arave, Lynn (August 31, 2006). "Utah's basement—Beaver Dam Wash is state's lowest elevation". Deseret Morning News. Goân-pún bāng-ia̍h Pó-chûn tī January 22, 2015.
- ↑ Total Gross Domestic Product by State for Utah, FRED.
- ↑ "Major industries with highest employment, by state, 1990-2015". Bureau of Labor Statistics. U.S. Bureau of Labor Statistics. 2016-08-05. 2017-01-23 khòaⁿ--ê.