Holopedia
Holopedia (Holopedia ← Hi-lia̍p-gú ὅλος “lóng-chóng/ka-nn̂g” + παίδεια “kàu-io̍k”; tha̍k Ho̍h-ló-phí-dī-ià) sī Ho̍h-ló-oē (Bân-lâm-gú) pán ê Wikipedia. Holopedia iōng Pe̍h-ōe-jī chit-thò bûn-jī hē-thóng lâi siá Ho̍h-ló-ōe. Holopedia kàu taⁿ ū 433,422 phiⁿ ê bûn-chiuⁿ.
| Holopedia Wikipedia Bân-lâm-gú | |
|---|---|
 | |
 2012 nî ê thâu-ia̍h | |
| URL | zh-min-nan.wikipedia.org |
| Kháu-hō | Chū-iû ê Pek-kho-choân-su |
| Siong-gia̍p? | m̄-sī |
| Lūi-hêng | bāng-lō͘ pek-kho-choân-su |
| Chù-chheh | soán-te̍k-sèng |
| Gí-giân | Bân-lâm-gí |
| Iōng-hō͘ | 64,981 ūi |
| Ióng-iú-chiá | Wikimedia Ki-kim-hōe |
| Khai-ki-chiá |
Jimmy Wales, Larry Sanger Tè Khái-sū, Tân Pe̍k-tiong |
| Khí-chō | 2004 nî 5 goe̍h |
Pán-pún
siu-kái
Holopedia ē-sái pun chò nn̄g ê bô kāng sî-tāi ê pán-pún. Tī 2004 nî 5 goe̍h chìn-chêng ê pán-pún khǹg tī holopedia.net (“kū Holopedia”). Gō͘-goe̍h-té khai-sí hām Wikipedia ha̍p-chok chi̍t ê sin pán-pún.
Holopedia.net sī goân-pán, kap Wikipedia iōng kāng chi̍t thò nńg-thé (MediaWiki), m̄-koh hām Wikipedia bô cho͘-chit koan-hē. Tân Pek-tiong sī holopedia.net ê hoat-khí-jîn kiam hêng-chèng jîn-gôan. Ka-ji̍p Wikipedia liáu-āu, kū Holopedia tō bô koh-chài iōng. Bûn-chiuⁿ lóng-chóng ū 138 phiⁿ.
Ka-ji̍p Wikipedia
siu-káiTân Pe̍k-tiong tī 2004 nî 5 goe̍h hiòng Wikipedia siā-khu thê-chhut Ho̍h-ló-oē Wikipedia ê sin-chhéng-àn, kúi kang liáu-āu khai-sí ūn-chok. Ka-ji̍p Wikipedia ê sî, hi-bāng iōng RFC 3066 phiau-chún ê zh-min-nan chò gí-giân tāi-hō kiam bāng-lō͘ chū-chí ê thâu-chêng koeh. M̄-koh chi̍t-khai-sí ū siong-koan ê ki-su̍t jîn-gôan ū bô-kāng-ê khòaⁿ-hoat. In koat-tēng iōng zh-cfr chit-ê bô phiau-chún ê tāi-bé. Che sī ISO 639 ê zh tàu SIL ê Bân-lâm-gí pian-bé, cfr). Āu--lâi kái iōng minnan, chòe-āu chiah koh kái chò zh-min-nan.
In-ūi ki-su̍t būn-tê ê koan-hē, kū Holopedia iû-goân ū chiâⁿ-pah-phiⁿ bûn-chiuⁿ iáu-bōe sóa lâi tī Wikipedia.
Cheng-gī
siu-káiHolopedia ka-ji̍p Wikipedia liáu-āu, bat ū Wikipedia-lâng giâu-gî i chûn-chāi ê thò-tòng-sèng kap siá-chok ê hong-sek. Giâu-gî ê lâng chú-iàu lâi chū Hôa-bûn-pán ê Wikipedia, chóng-sī oân-ná ū chi̍t-nn̄g-ê-á kî-thaⁿ jîn-sū kong-khai tî-gî. In ê lūn-tiám pau-koah:
- Ho̍h-ló-oē iōng La-teng-jī siá ū chèng-tī tōng-ki (chhiáⁿ chham-khó “thoat-Hàn”);
- Iōng Hàn-jī siá, lâng chiah khòaⁿ ū;
- Ē-hiáu la-teng-jī ê lâng siuⁿ chió, siá--chhut-lâi ê bûn-chiuⁿ tiāⁿ-tio̍h ū phian-chha;
- Ē-hiáu tha̍k-siá Ho̍h-ló-oē-bûn ê lâng siuⁿ chió, siá--chhut-lâi ê bûn-chiuⁿ tiāⁿ-tio̍h ū phian-chha;
- Bân-lâm-gí chí-sī chi̍t ê hong-giân, bô èng-kai ū pek-kho-choân-su; èng-kai tâu-ji̍p Hôa-bûn siá-chok chiah-sī chiàⁿ-lō͘.
Le̍k-sú
siu-kái2003 nî
siu-kái
- 2003 nî 4 go̍eh 15: Tè Khái-sū thê-chhut Holopedia ê siūⁿ-hoat.
- 2003 nî 7 go̍eh: Tân Pe̍k-tiong tī http://holopedia.net/ (bo̍k-chêng bô-hāu) tàu MediaWiki, khai-sí khai-hòng hō͘ lâng pian-chi̍p.
2004 nî
siu-kái- 2004 nî 1 goe̍h: Khai-sí iōng sin-ê Holopedia ang-á-phiau.
- 2004 nî 5 goe̍h: Tân Pe̍k-tiong hiòng Wikipedia siā-khu thê-chhut ka-ji̍p Wikipedia ê sin-chhéng-àn, kúi kang liáu-āu khai-sí ūn-chok. Bāng-chām ê hù-he̍k-miâ (sub-domain) pún-té sī zh-cfr (ISO 639-1 + Ethnologue tāi-bé), āu--lâi kái minnan, lō͘-bóe chiah kò͘-tēng iōng zh-min-nan (RFC 3066). Hit-sî holopedia.net ū 138 phiⁿ bûn-chiuⁿ.
- 2004 nî 10 goe̍h 29: Tē 500 phiⁿ bûn-chiuⁿ chhut-sì: Tâi-oân Ko-sok Thih-lō͘.
2005 nî
siu-kái- 2005 nî 6 goe̍h 30: Tē 1000 phiⁿ bûn-chiuⁿ siá hu̍t-chú iông-ha̍p.
- 2005 nî 7 goe̍h: Toytoy's proposed policy for wiki closure (Eng-bûn ûi-chú) chit hūn thê-àn kiông-lia̍t iau-kiû Wikipedia chhú-siau sió-hêng ê gí-giân pán-pún, te̍k-pia̍t sī Holopedia, kiat-kó hō͘ siā-khu hó͘ⁿ-koat. Chù-chheh ê iōng-chiá chhiau-kòe 100 lâng.
2006 nî
siu-kái- 2006 nî 3 goe̍h 21: Tâi-oân Liân-ha̍p-pò pò-tō Holopedia. [1]
- 2006 nî 5 goe̍h 20: Chù-chheh ê iōng-chiá chhiau-kòe 200 lâng.
- 2006 nî 10 goe̍h 11: Tē 2000 phiⁿ bûn-chiuⁿ siá koeh-niau.
2008 nî
siu-kái- 2008 nî 2 goe̍h 18: Chù-chheh ê iōng-chiá kàu 400 lâng.
- 2008 nî 3 goe̍h 27: Tē 3000 phiⁿ bûn-chiuⁿ siá Leonhard Euler.
- 2008 nî 11 goe̍h 19: Tē 4000 phiⁿ bûn-chiuⁿ siá séng.
2009 nî
siu-kái- 2009 nî 4 goe̍h 29: Tē 5000 phiⁿ bûn-chiuⁿ siá Kang-gia̍p Kek-bēng.
- 2009 nî 9 goe̍h 11: Tē 6000 phiⁿ bûn-chiuⁿ siá tāu-kho.
2010 nî
siu-kái - 2010 nî 6 goe̍h 21: Tē 7000 phiⁿ bûn-chiuⁿ siá Caroline Lucas.
2011 nî
siu-kái- 2011 nî 2 goe̍h 15: Tē 8000 phiⁿ bûn-chiuⁿ siá Ngô͘ Sēng.
- 2011 nî 7 goe̍h 23: Tē 9000 phiⁿ bûn-chiuⁿ siá Oslo.
2012 nî
siu-kái- 2012 nî 11 goe̍h chhe 4: Tē 1 0000 phiⁿ bûn-chiuⁿ siá Daniel Cohn-Bendit.
2015 nî
siu-kái- 2015 nî 7 goe̍h 22: Tē 2 0000 phiⁿ bûn-chiuⁿ siá Miranda Otto.
- 2015 nî 10 goe̍h chhe 10: Tē 5 0000 phiⁿ bûn-chiuⁿ siá Truttemer-le-Petit.
- 2015 nî 12 goe̍h 21: Tē 10 0000 phiⁿ bûn-chiuⁿ siá Horyniec-Zdrój (gmina).
2016 nî
siu-kái- 2016 nî 6 goe̍h 17: Tē 15 0000 phiⁿ bûn-chiuⁿ siá Avazan.
- 2016 nî 9 goe̍h 22: Tē 20 0000 phiⁿ bûn-chiuⁿ siá Ramni Gaber (Studeničani).
2020 nî
siu-kái- 2020 nî 2 goe̍h 13: Tē 25 0000 phiⁿ bûn-chiuⁿ siá Rogulichny.
- 2020 nî 3 goe̍h 10: Tē 30 0000 phiⁿ bûn-chiuⁿ siá Seyfabad (Jiroft).
- 2020 nî 3 goe̍h 28: Tē 35 0000 phiⁿ bûn-chiuⁿ siá Styporc, chhiau-oa̍t Thó͘-ní-kî-gí pán-pún, chiâⁿ-chò tē 30 tōa Wikipedia.
- 2020 nî 4 goe̍h 14: Tē 40 0000 phiⁿ bûn-chiuⁿ siá Osenets.
Gōa-pō͘ liân-kiat
siu-kái
- Kū Holopedia (archive.org ê khó͘-phih)