2006 nî 10 goe̍h

10 goe̍h 16

• Bí-kok kap Lō͘-se-a ê kho-ha̍k-ka chhoē tio̍h siāng tāng ê hoà-ha̍k goân-sò͘ Uuo, goân-chú-hoan 118. 2002 nî bat ū ké-paû ê hoat-hiān, chit pái ū keng-koè khah giân-keh ê khak-jīn. (Reuters)

10 goe̍h 13

2006 nî ê Nobel Hô-pêng Chióng pan hō͘ Bangladesh ê Muhammad Yunus kap i hoat-khí ê Grameen Gîn-hâng, in-ūi "in chhut-la̍t ùi ē-kha-chân khí-chō keng-chè kap siā-hoē khai-hoat". (Nobel Ki-kim-hoē)

10 goe̍h 9

Google kong-si tng teh hām soàⁿ-téng iáⁿ-phìⁿ bāng-chām YouTube tâm bé-siu, khó-lêng ē ēng kè-ta̍t 16.5-ek bí-kim ê Google kó͘-phiò kā YouTube bé--lo̍h-lâi. Nā kóng-liáu hó-sè, hoān-sè kin-á-ji̍t tō ē kò͘-pe̍h. (WSJ)

10 goe̍h 5

• Thian-bûn-ha̍k-ka hoat-hiān 1 khoán sin ê thài-iông-hē-goā he̍k-chheⁿ (extrasolar planet) hō chò ke̍k-té-chiu-kî he̍k-chheⁿ (ultra-short-period planet). (BBC)

10 goe̍h 4

2006 nî ê Nobel Hoà-ha̍k Chióng pan hō͘ Bí-kok Stanford Tāi-ha̍k ê Roger D. Kornberg. I gián-kiù chin-he̍k sè-pau tī hun-chú chân-chhù ê choán-lio̍k (transcription) thêng-sū. (Nobel Ki-kim-hoē)

10 goe̍h 3

2006 nî ê Nobel Bu̍t-lí-ha̍k Chióng pan hō͘ Bí-kok ê John C. Mather kap George F. Smoot. In "hoat-hiān ú-tiū bî-pho poē-kéng hok-siā (cosmic microwave background radiation) ê o͘-thé (black body) hêng-sek kap i ê anisotropy". (Nobel Ki-kim-hoē)

10 goe̍h 2

2006 nî ê Nobel Seng-lí-ha̍k I-ha̍k Chióng pan hō͘ Andrew Z. Fire kap Craig C. Mello 2 lâng. In "hoat-hiān RNA kan-jiáu (interference): siang-tiâu RNA [ē-tàng] kā gene (ki-in) kuiⁿ-tiāu". (Nobel Ki-kim-hoē)