2005 nî 11 goe̍h

2005 nî
1 goe̍h · 2 goe̍h · 3 goe̍h · 4 goe̍h · 5 goe̍h · 6 goe̍h · 7 goe̍h · 8 goe̍h · 9 goe̍h · 10 goe̍h · 11 goe̍h · 12 goe̍h

11 goe̍h 30

Europa Thài-khong Chóng-sú soan-pò͘ leh se̍h Hoé-chheⁿ ê Hoé-chheⁿ Te̍k-sài (Mars Express) ēng MARSIS radar hoat-hiān 1 ê chheⁿ-chio̍h-kheⁿ (impact basin), tâi tī thô͘-kha 1 km chhim ê só͘-chāi, lāi-té koh ū kiat-peng ê chúi, hoān-sè ē ū bî-seng-bu̍t. (BBC)

JAXA soan-pò͘ Hayabusa thài-khong-chûn sêng-kong peh chiūⁿ 25143 Itokawa--a, koh siu-chi̍p tio̍h i piáu-bīn thô͘-soa ê kiàn-pún, 2007 nî ê sî ē kā chah tńg-lâi kaù Tē-kiû. Che sī jîn-lūi tē 1 pái the̍h tio̍h sió-he̍k-chheⁿ ê kiàn-pún, thang ēng i lâi liáu-kái siōng khí-seng ê Thài-iông-hē. (BBC)

Liân-ha̍p Ông-kok ū 1-ê Andrew Stimpson 2002 nî kiám-cha tio̍h HIV pēⁿ-to̍k, m̄-koh kaù kah 2003 nî 10--goe̍h soah ka-tī hó-lī-lī. Kho-ha̍k-ka ǹg-bāng i goān-ì ke chò chhì-giām, thang pang-chān in liáu-kái choáⁿ-iūⁿ i-ê bián-e̍k hē-thóng ū chit-ê châi-tiāu. (BBC)

Khó-kó͘-ha̍k-ka Ron E. Tappy tī Israel ê Tel Zayit chhoē tio̍h 1 tè kong-goân-chêng 10 sè-kí ê chio̍h-thaû, téng-koân ū 2 choā Phoenician iah sī Hebrew ê jī-bó. Jîn-lūi ê bûn-bêng (literacy) hoān-sè phēng hiān-chú-sî chai--ê koh-khah chá khai-sí. (IHT AP)

Europa Thài-khong Chóng-sú (European Space Agency) 3:33 GMT tī Kazakhstan ê Baikonur Cosmodrome hoat-siā Kim-chheⁿ Te̍k-sài (Venus Express) thài-khong-chûn, ǹg-bāng ùi Kim-chheⁿ siu-chi̍p ê chu-liāu ē-tit pang-chān tùi Tē-kiû bī-lâi ê liáu-kái. (BBC)

Thian-hô (Milky Way) tiong-sim ê Sagittarius A (Lâng-bé-chō A) ē hòng-siā ho̍k-cha̍p bô-soàⁿ-tiān, chín chèng-si̍t sī 1 ê chhiau-toā o͘-khang (supermassive black hole). (CNN)