Lé-pài (sî-kan)
Lé-pài sī chi̍t khoán sî-kan tan-ūi, tī hiān-tāi thong-iōng ê sǹg-hoat lāi-bīn, chi̍t lé-pài sī 7 kang ê ì-sù. Lâng nā kóng "lé-pài", ū-sî sī jīn-hô liân-sio̍k ê 7 kang; mā ū-sî sī kong-iōng ê sin-le̍k téng-bīn chiàu pâi ê lé-pài chiû-kî.
 | |
|
Pài-it Pài-jī Pài-saⁿ Pài-sì Pài-gō͘ Pài-la̍k Lé-pài-ji̍t |
Gí-goân
siu-kái"Lé-pài" chit-ê tan-gí, sī tùi Ki-tok-kàu "chò lé-pài" ê kui-lu̍t só͘ hō--lâi. Tû-liáu "lé-pài" í-goā, "chiu" (周, 週) kap "seng-kî" (星期) mā sī kâng-khoán ì-sù.
7 kang ê miâ
siu-káiChi̍t lé-pài ê 7 kang sī lé-pài-it, lé-pài-jī, lé-pài-saⁿ, lé-pài-sì, lé-pài-gō͘, lé-pài-lak, kap lé-pài-ji̍t. Thong-sio̍k it-poaⁿ tiâⁿ kóng pài-it, pài-jī kàu pài-lak; nā lé-pài-ji̍t it-poaⁿ tio̍h ka-ta kóng "lé-pài".
Tī Ji̍t-pún-oē kap Hân-kok-oē, sī ēng "chhit-iāu" (七曜), ia̍h tio̍h sī Ji̍t, Goe̍h, Hoé, Chúi, Bo̍k, Kim, Thó͘ chò 7 kang ê miâ; chhan-chhiūⁿ pài-ji̍t kiò "ji̍t-iāu-ji̍t" (日曜日), pài-it tio̍h hō "goe̍h-iāu-ji̍t" (月曜日). Chá-kî Tiong-kok mā ēng koè chit khoán hō-miâ.
Tī Oa̍t-lâm-oē, lé-pài-ji̍t sī kóng Chủ nhật, sī "chú ji̍t" ê í-sù; nā pài-it sī kóng Thứ Hai, sī "tē jī" ê ì-sù, āu-piah sòa teh sǹg.
Chit khoán ê "Chú Ji̍t" (主日) hō-miâ, oa-ná sī chi̍t kóa Ki-tok-tô͘ tùi lé-pài-ji̍t ê kiò-hoat.