Sin-pak-chhī
| 這篇文章有漢字兮版本。 參考這篇文章兮漢字版本。 |
Sin-pak-chhī (Hàn-jī: 新北市; Kheh-ka-gí: xinˊ bedˋ (Sì-koān); sinˋ bed (Hái-lio̍k)) sī Tâi-oân pak-pō͘ ê chi̍t ê ti̍t-hat-chhī, sī La̍k-to͘ chi it, 2010 nî kái-chè í-chêng sī Tâi-pak-koān (臺北縣). Sin-pak-chhī ūi-tī Tâi-pak-chhī gōa-ûi, tang-pak oá Ke-lâng-chhī, sai-lâm óa Thô-hn̂g-chhī, tang-lâm óa Gî-lân-koān. Sin-pak-chhī ê jîn-kháu beh-óa 400 bān lâng (2022 nî 12 goe̍h), sī Tâi-oân jîn-kháu siōng chē ê hêng-chèng-khu.
| Sin-pak-chhī | |||
| — Ti̍t-hat-chhī — | |||
| 新北市 | |||
|
|
|||
|
|||
 |
|||
| Keng-hūi-tō͘: 25°00′40″N 121°26′45″E / 25.01111°N 121.44583°E | |||
| Kok-ka |  Tiong-hoâ Bîn-kok
| ||
|---|---|---|---|
| Chèng-hú | |||
| - Chhī-tiúⁿ | Hâu Iú-gî | ||
| Bīn-chek | |||
| - Lóng-chóng | 2,052.57 km2 | ||
| Jîn-kháu (2024 nî 11 goe̍h) | |||
| - Lóng-chóng | 4,047,112 lâng | ||
| - Bi̍t-tō͘ | 1,971.73/km2 | ||
| Bāng-chām | www.ntpc.gov.tw | ||
Miâ-chheng
siu-káiTâi-pak tē-khu kó͘-chá sî-tāi ê miâ pau-koat Ke-lâng (雞籠), Tām-chúi (淡水). It-ti̍t káu Chheng Kong-sū goân nî chiah khai-sí hőng kiò-chò "Tâi-pak"
2007 nî Tâi-pak-koān chiâⁿ-chò chún-ti̍t-hat-chhī liáu-āu, tō chiok chek-ke̍k leh cheng-chhú seng-keh ti̍t-hat-chhī; sī-kóng í-keng ū chi̍t ê Tâi-pak-chhī, só͘-í Tâi-pak-koān nā seng-keh tō bô-hoat-tō͘ kè-sio̍k koh kiò-chò “Tâi-pak”. Tâi-pak-koān Chèng-hú chŏaⁿ hiòng gōa-kài teng-kiû kái-chè liáu-āu ê sin chhī-miâ, koh kí-pān bāng-lō͘ tâu-phiò. Hit-chūn gí-tēng ê chhī-miâ ū Sin-pak-chhī (新北市), Heng-pak-chhī (興北市), Khoân-pak-chhī (環北市), Pak-koān-chhī (北縣市), Pak-tâi-chhī (北臺市), Tōa-hô-chhī (大河市), Tōa-ta̍k-pak-chhī (大臺北市), Pan-kiô-chhī (板橋市), Tâi-tāi-chhī (臺大市), Tâi-oân-chhī (臺灣市), Hù-lē-chhī (富禮市) téng-téng,[1] kàu-bóe-á “Sin-pak-chhī” tit-phiò siōng koân. 2009 nî 4 goe̍h, Tâi-pak-koān Chèng-hú hiòng Tiong-hôa Bîn-kok Lāi-chèng-pō͘ thê-pò seng-keh ûi ti̍t-hat-chhī, khak-tēng kā “Sin-pak-chhī” tòng-chò sī seng-keh liáu-āu ê chhī-miâ, ū “Tâi-pak/Pak-pō͘ sin-siat siâⁿ-chhī” ê ì-sù.[2]
Le̍k-sú
siu-káiTē-lí
siu-káiŪi-tì
siu-káiSin-pak-chhī sī Tâi-oân-tó ê pak-thâu, saⁿ bīn khoân hái, tang-pêng tùi Sam-tiau-kak kàu Phīⁿ-thâu-kak chi-kan ê hái-he̍k sǹg-sī Thài-pêng-iûⁿ, pak-pêng tùi Phīⁿ-thâu-kak khí-thâu kàu Hù-kùi-kak só͘ óa ·ê sī Thài-pêng-iûⁿ ê Tang Tiong-kok Hái, sai-pêng sī Tâi-oân Hái-kiap. Thó͘-tē bīn-chek 2,052.57 pêng-hong kong-lí, chiàm Tâi-oân bīn-chek ê 5.67%, hái-hōaⁿ 120 gōa kong-lí.[3]
Tē-lí Kek-tiám
siu-kái- Siōng tang: Kòng-liâu-khu Sam-tiau-kak, 25°00′40″N 122°00′25″E, mā sī choân Tâi-oân siōng tang-pêng.
- Siōng pak: Chio̍h-mn̂g-khu Hù-kùi-kak, 25°17′59″N 121°32′13″E , mā sī choân Tâi-oân siōng pak-pêng.
- Siōng sai: Nâ-kháu-khu Sió-lâm-oan, 25°6′35″N 121°16′58″E.
- Siōng lâm: U-lai-khu B'bu Kuluw, 24°40′24″N 121°29′33″E.
Tē-hêng
siu-káiKéng-lāi tē-hêng hong-hù. Chóng-thé lâi khòaⁿ, soaⁿ-tē, lūn-á khah chē, pêⁿ-iûⁿ, phûn-tē khah chió.
Tang-lâm kui tōa phìⁿ ê soaⁿ lóng sio̍k-tī Soat-soaⁿ Soaⁿ-me̍h, hái-poa̍t 300 kàu 2000 kong-chhioh, siōng koân ·ê sī 2130 kong-chhioh ê Taman soaⁿ. Pak-pêng Tōa-tūn Hóe-soaⁿ Kûn kap Koan-im-soaⁿ lóng sī hóe-soaⁿ. Nâ-kháu Tâi-tē sī sai-pêng ê chi̍t ê koân-phiâⁿ, kah sai-lâm-pêng ê Thô-hn̂g Tâi-tē Kûn liân chò-hóe.
Tâi-pak phûn-tē sī taⁿ Tām-chúi-hô ê chhiong-chek pêng-goân, sì-kho͘-ûi ū Nâ-kháu Tâi-tē, Koan-im-soaⁿ, Tōa-tūn Hóe-soaⁿ Kûn, Soat-soaⁿ Soaⁿ-me̍h.
Chúi-bûn
siu-káiTû-khì Pak hái-hōaⁿ ê sè tiâu khe kap tang-lâm soaⁿ-tē Lân-iâng-khe chúi-hē lia̍h-gōa, kui-ê Sin-pak-chhī lóng sī Tām-chúi-hô chúi-hē, khe-kháu tī Tām-chúi-khu kap Pa-lí-khu kau-kài.
Khì-hāu
siu-káiSin-pak-chhī ūi-tī Hù-jia̍t-tài kùi-hong khì-hāu khu. Iû-kî kôaⁿ-thiⁿ siū-tio̍h tang-pak kùi-hong éng-hióng, Kàng-hō͘ hong-phài iū-koh pêng-kin. Pêng-khe-khu ê Hóe-sio-liâu sī choân Tâi-oân siōng kāu hō͘ ê só͘-chāi.
Hêng-chèng khu
siu-kái- Chìn-chêng sī chhī:
- Chìn-chêng sī tìn:
Kau-thong
siu-káiTâi-oân Ko-thih
siu-káiTâi-oân Ko-thih tī Sin-pak-chhī kéng-lāi ū siat Pang-kiô Chhia-thâu chi̍t chām, kap Tâi-thih, chia̍t-ūn kiōng-kò͘.
Tâi-thih
siu-káiTâi-thih tī Sin-pak-chhī lāi-té ê chú-iàu lō͘-sòaⁿ ū Chhiòng-koàn-sòaⁿ kap Gî-lân Sòaⁿ, koh ū chi-sòaⁿ Pêng-khe Sòaⁿ kap Chhim-ò Sòaⁿ.
Chia̍t-ūn
siu-káiBo̍k-chêng Sin-pak-chhī êng-ūn-tiong ê chia̍t-ūn lō͘-sòaⁿ ū 7 tiâu:
- Tâi-pak Chia̍t-ūn:
Tām-chúi Sìn-gī Sòaⁿ, 
Pang-lâm Soàⁿ, 
Siông-san Sin-tiàm Sòaⁿ (pau-koat 
Sió-phek-thâm Chi-sòaⁿ), 
Tiong-hô Sin-lô͘ Sòaⁿ, 
Bān-tāi Tiong-hô Chhiū-nâ Sòaⁿ (heng-kiàn-tiong), 
Khoân-chōng-sòaⁿ. - Sin-pak Chia̍t-ūn:
Tām-hái Khin-thih, 
Àm-kheⁿ Khin-thih, 
Sam-eng Sòaⁿ (heng-kiàn-tiong). - Thô-hn̂g Chia̍t-ūn:
Ki-tiûⁿ Sòaⁿ.
Ho̍k-bū ê hoān-ûi pat-koat Pang-kiô-khu, Sin-chng-khu, Tiong-hô-khu, Éng-hô-khu, Sin-tiàm-khu, Tām-chúi-khu, Thô͘-siâⁿ-khu, Sam-tiông-khu, Lô͘-chiu-khu, Thài-san-khu, Nâ-kháu-khu. Thong-óng Sam-kiap-khu kap Eng-ko-khu ê chia̍t-ūn koh leh khí.
Sin-pak Chia̍t-ūn Kong-si tī 2018 nî sêng-li̍p, sī Tâi-oân tē 4 keng chia̍t-ūn kong-si.
Chú-iàu tō-lō͘
siu-káiSin-pak-chhī lāi ū 3 tiâu ko-sok kong-lō͘, koh ū 20 ê kau-liû-tō kap toan-tiám.
Ko-sok kong-lō͘
siu-kái
|
|
Khoài-sok-kong-lō͘ |
Séng-tō
|
Chhī-tō |
Kàu-io̍k
siu-káiSin-pak-chhī ê kàu-io̍k chú-koán ki-koan sī Sin-pak-chhī Kàu-io̍k-kio̍k. Kin-kì Bîn-kok 109 nî (2020 nî) Sin-pak-chhī Kàu-io̍k Thóng-kè Nî-pò, 109 ha̍k-nî-tō͘ Sin-pak-chhī kong-su-li̍p kok-bîn sió-ha̍k (pau-koat hù-siat sió-ha̍k) ū 215 keng, kî-tiong kong-li̍p 210 keng, su-li̍p 5 keng. Sió-ha̍k-seng jîn-sò͘ 199,521 lâng. Kong-su-li̍p kok-bîn tiong-ha̍k lóng-chóng ū 99 keng, kî-tiong kong-li̍p kok-bîn tiong-ha̍k 61 keng, kong-li̍p ko-kip tiong-ha̍k hù-siat kok-tiong-pō͘ 18 keng, su-li̍p ko-kip tiong-ha̍k hù-siat kok-tiong-pō͘ 19 keng, kok-li̍p ·ê 1 keng.[4]
Tāi-choan-īⁿ-hāu
siu-káiSin-pak-chhī lāi ū 22 keng tāi-choan-īⁿ-hāu.[5]
- Kok-li̍p tāi-ha̍k
- Su-li̍p tāi-ha̍k
- Chong-kàu gián-siu ha̍k-īⁿ
- Su-li̍p Ki-chit
- Lê-bêng Ki-su̍t Ha̍k-īⁿ
- Keng-sin Kiàn-khong Koán-lí Choan-kho Ha̍k-hāu
- Séng-ngô͘ Kho-ki Tāi-ha̍k
- Hôa-hē Kho-ki Tāi-ha̍k
- Tì-lí Kho-ki Tāi-ha̍k
- Hông-kok Tek-lîm Kho-ki Tāi-ha̍k
- Tâi-pak Hái-iûⁿ Kho-ki Tāi-ha̍k
- A-tang Kho-ki Tāi-ha̍k
- Bêng-chì Kho-ki Tāi-ha̍k
- St. John's Kho-ki Tāi-ha̍k
- Kéng-bûn Kho-ki Tāi-ha̍k
- Tang-lâm Kho-ki Tāi-ha̍k
- Khong-tiong tāi-ha̍k
Ko-kip Tiong-ha̍k
siu-káiI-liâu
siu-káiChham-khó bûn-hiàn
siu-kái- ↑ Tâi-pak-koān kái-chè kè-ōe. (ia̍h-bīn chûn-tóng pī-hūn) Hêng-chèng-īⁿ Kong-pò. Tē 015 Koàn Tē 170 Kî (2009/09/04)
- ↑ 北縣升格改名新北市 有褒有貶. Chū-iû Sî-pò. 2009 nî 8 goe̍h chhe 9 (goân-sú lōe-iông tī 2018/12/24 chûn-tóng).
- ↑ http://pc183.hy.ntu.edu.tw/ntpcdrc/characteristics.php
- ↑ 109 nî Sin-pak-chhī Kàu-io̍k Thóng-kè Nî-pò. Sin-pak Chhī-chèng-hú Kàu-io̍k-kio̍k (2020)
- ↑ 110 ha̍k-nî-tō͘ tāi-choan-īⁿ-hāu it-lám-pió Archived 2022-05-21 at the Wayback Machine.