Portal:Kho-ha̍k
Kho-ha̍k Mn̂g-kháu-ia̍h
Kho-ha̍k sī tùi ū thang chhì-giām ê ké-soeh kap ū-chhek chò ū hong-hoat ê gián-kiù. Chêng kó͘-tián kó͘-tāi sî-kî kàu 19 sè-kí, kho-ha̍k chò chi̍t khoán tì-sek lâi kóng, sī pí kin-sè koh khah óa-kīn tiat-ha̍k, tī Se-iûⁿ, "chū-jiân tiat-ha̍k" chi̍t-ê khài-liām pau-koat liáu chē khoán kin-á-ji̍t koan-hē tio̍h kho-ha̍k ê gián-kiù hun-iá, pí-lūn thian-bûn-ha̍k, i-ha̍k, kap bu̍t-lí-ha̍k. Chóng-sī, chi̍t kóa kho-ha̍k hong-hoat ê ki-chhó͘ mā tī Islam N̂g-kim Sî-tāi keng-kòe Ibn al-Haytham ê Kng-ha̍k chi Chheh kiàn-li̍p. Pí-kàu lâi kóng, tī kó͘-tāi Ìn-tō͘ kap Hi-lia̍p kā bu̍t-chit sè-kài hun-lūi chò khì, thô͘, hóe, kap chúi, sī khah tiat-ha̍k-sek--ê; nā tiong-kó͘ Tiong-tang tē-hng sī ēng khah si̍t-ēng-sèng, si̍t-giām-sèng ê koan-chhat teh khu-hun bu̍t-chit.
Ki-á-ji̍t, "kho-ha̍k" chit jī ē-tàng piáu-sī tùi tì-sek ê tui-thó, m̄ nā tan-sûn sī tì-sek pún-sin; mā tiāⁿ hông kap "chū-jiân kap bu̍t-lí kho-ha̍k" chò kâng ì-sù teh ēng, ū-sî chè-hān tī koan-hē bu̍t-chit ú-tiū kap kî-tiong kui-lu̍t ê hiān-siōng ê gián-kiù tang-tiong kok khoán hun-ki.
Kòe-soán ê bûn-chiuⁿ
Kòe-soán ê iáⁿ-siōng
Credit: NASA / Johns Hopkins University Applied Physics Laboratory / Southwest Research InstituteNASA ê New Horizons thài-khong-chûn tī 2015 nî 7 goe̍h 14 ji̍t tùi Mê-ông-chheⁿ hip ê koân kái-siōng-tō͘ sek-chhái ka-kiông siòng-phìⁿ. Pún siōng sī saⁿ-lām liáu MVIC ka-mé-lah hip ê âng-sek, lâm-sek kap âng-gōa-sòaⁿ iáⁿ-siōng sán-seng--ê.
Chiu-liân kì-sū
- 1890 nî 12 goe̍h 6 ji̍t – Nisina Yosio (siōng), Ji̍t-pún bu̍t-lí-ha̍k-ka, tī Okayama-koān ê Satosyô-teng chhut-sì.
Kòe-soán ê jîn-bu̍t
Ronald Aylmer Fisher (1890 nî 2 goe̍h 17 ji̍t - 1962 nî 7 goe̍h 29 ji̍t) sī Eng-lân ê thóng-kè-ha̍k-ka kiam seng-bu̍t-ha̍k-ka, i sī hiān-tāi thóng-kè-ha̍k ê chhòng-kiàn-chiá chi it. Fisher ū koân-tō͘ ê kīn-sī, siàu-liân-sî to̍h hoat-tián chhut bô su-iàu chóa-pit lâi kái-koat sò͘-ha̍k būn-tê ê lêng-le̍k. Tha̍k Cambridge Tāi-ha̍k ê sî, i chin siū Charles Darwin ê lí-lūn kap tng hông têng-sin gián-kiù ê Mendel ûi-thoân-ha̍k éng-hióng. Fisher ti 1927 nî ê thóng-kè-ha̍k tì-chok Gián-kiù Kang-chok-chiá ê Thóng-kè Hong-hoat (Statistical Methods for Research Workers) sī kho-ha̍k gián-kiù hong-hoat le̍k-sú tang-tiong tiōng-iàu ê chok-phín.
Lí kám chai-iáⁿ...
- ... he chúi-sò͘ kiat-ha̍p chit khoán hun-chú kan ê chok-iōng-le̍k, ē-tàng tī hun-chú hām hun-chú chi kan hoat-seng, mā ē-tàng tī hun-chú chū-sin lāi-pō͘ chûn-chāi?
- ... he Ka-ná-tah ê Alberta séng lāi chi̍t ūi khòng-khu tī 2011 nî hoat-kiàn lâu-chūn gōa-khak phôe-hu kò͘-chō, sio̍k Creta-kí sî-tāi ê chi̍t sian khióng-liông hòa-chio̍h (siōng)?
- ... he bu̍t-chit ê chi̍t khoán chōng-thài tang-tiōng ē-tàng hông kun-kù bi̍t-tō͘ téng khoán sèng-chit hun-sek chhut chē chióng bô-kâng ê siòng?
Niù-suh
- 2018 nî 1 goe̍h
- Tek-kok ê bu̍t-lí-ha̍k-chiá niû tio̍h kì-lio̍k siāng kē ê e̍k-thāi chúi un-tō͘: -42.6 °C.
- 18 chéng Archaeidae lūi ê ti-tu hō͘ ha̍k-chiá Hannah Wood kì-su̍t hoat-piáu tī 11 ji̍t ê kho-ha̍k-chì ZooKeys.
- NASA kéng chhut nn̄g hāng sin ê thài-khong jīn-bū: hun-pia̍t beh hiòng Titan chheⁿ kap 67P/Churyumov-Gerasimenko tn̂g-bóe-chheⁿ chò tiâu-cha.
Kòe-soán ê ín-kù
| “ | Kin-á-ji̍t, 6 goe̍h 26, tī 2000 nî, mah-kuh liáu jîn-lūi lâu kì-lio̍k ê 100,000 nî-tang lāi ê chi̍t-ê le̍k-sú tiám. Lán kin-á-ji̍t tī chia soan-pò͘, thâu chi̍t pái lán-ê bu̍t-chéng thang tha̍k ka-tī ûi-thoân-bé ê hòa-ha̍k jī-bó. (Today, June 26, in the year 2000, marks an historic point in the 100,000-year record of humanity. We're announcing today, for the first time our species can read the chemical letters of its genetic code.) |
” |
