Pang-chān:Tâi-oân

臺灣

臺灣是倚太平洋西岸个島嶼，佮中國大陸隔一條烏水溝（澎湖溝；臺灣海峽），伊閣號做Formosa，彼是按葡萄牙語（Ilha）Formosa來个，意思是「美麗（島）」，傳說佇16世紀地理大發現个時陣，葡萄牙儂坐船經過臺灣，看見遐爾美麗个島嶼，擋𣍐牢就講出Formosa。

臺灣个四季無像高緯度个國家遐爾分明，伊个溫度差不多佇攝氏6度到攝氏36度中間，會使講是四季如春，真適合人蹛个所在。有人就共臺灣叫做「寶島」。

臺灣自古是臺灣原住民个，十七世紀了後才有別位个儂走來遮蹛。

地號名

臺灣佇1944年予人空襲時佇澳洲个新聞

Formosa真長時間是西洋對臺灣此所在主要个號名。日本時代開始定用日語个羅馬字Taiwan，毋過到戰後初期西洋个文章原仔閣慣勢用Formosa。

佇生物學名內面，若佇臺灣發見个物種定用「formosanus」抑是「formosana」做種小名。若是「formosa」 (美麗) 做種小名，就無一定是對地號名所號个。

Formosa抑臺灣以外，其他表示臺灣个字詞閣有大員 (Tāi-oân)，高砂 (たかさご)（Takasago）、Taccasanga等等。

臺灣嘛有人稱呼是「寶島」。

範圍

臺灣這字較普通个意思是臺灣島佮附近小島，兼澎湖群島，總是抑有別款定義。

臺灣島佮附屬个小島，兼澎湖群島做伙，是二次大戰進前以來一款臺灣个範圍定義。另外實際予踮佇臺灣个中華民國政府管个金門佮馬祖，有時抑算闊曠意思个「臺灣」範圍.

歷史

史前時代

詳細請看：臺灣史前時代

一般兮看法是佇50,000年以前，臺灣就有儂蹛。毋過，遮兮早期兮住民留落來兮物無真濟，現此時咱講兮臺灣原住民按人類學兮角度是南島語族兮。

荷西時代

詳細請看：荷蘭領Formosa佮西班牙領Hermosa

1624年，荷蘭儂來到大員（今臺南市安平區），占領南部部份地區，共臺灣當做𪜶佮中國、日本兮貿易基地。

1626年，西班牙對三貂角登陸占領北臺灣部份地區，想欲減少荷蘭儂兮威脅，結果無足成功。1637年因為經濟問題減少防守兮軍隊，結果過無幾冬荷蘭儂自按呢 (c h ő a ⁿ)走來攻擊北臺灣，西班牙佇1642年離開臺灣。

鄭氏時代

詳細請看：東寧國

1662年鄭成功為着欲反抗清國走來臺灣，共荷蘭儂趕走，建立第一亇漢人政權，共臺灣號做「東都明京」，首都佇承天府（今臺南市中西區）。隔年鄭成功過身，𪜶囝鄭經繼承，共東都改做「東寧」。

清領時代

詳細請看：清領臺灣

1683年，鄭成功兮孫仔鄭克塽投降清國，鄭氏時代結束。

1885年清法戰爭了後清國意識着臺灣兮重要，成立福建臺灣省。

1895年清國拍輸甲午戰爭，共臺灣割讓予大日本帝國，清領時代結束。

臺灣民主國

詳細請看：臺灣民主國

知影臺灣夆割讓兮臺灣儂無想欲予日本統治，建立臺灣民主國，佮日本發生乙未戰爭。結果日軍登陸了後總統唐景崧旋去廈門，臺北予日軍佔去。1895年10月，劉永福嘛走去廈門，臺灣民主國滅亡，這亇時陣臺灣民主國建國猶未半冬。

日本時代

詳細請看：臺灣日本時代

1895年日本來到臺灣，上早因為抗日行動一堆，日本着派武官統治臺灣。1919年因為國際上「民族自決」兮風氣，殖民政府換文官統治欲同化臺灣儂，開始「內地延長主義時期」，臺灣儂嘛佇這亇時期開始和平抗爭，後來閣爭取着有限兮參政權，毋過後來因為中日戰爭着閣無矣。1937年二戰爆發，「皇民化時期」開始，日本政府加強同化臺灣儂，驚𪜶支持中國。

1945年8月日本投降，放棄臺灣，中華民國代表同盟國接收臺灣。

戰後

經過日本時代50冬个現代化基礎建設了後，臺灣个經濟佮社會自1960年代開始發展起來，創造臺灣奇蹟，成做亞洲四小龍之一。然後猶原佇1990年代正式成做已開發國家个成員；無論是人均所得抑是人類發展指數，攏是先進國家个水準。 臺灣現此時有真豐沛个製造業佮高科技產業，佇半導體，資訊科技, 通訊, 電子精密製造等等方面攏領先全世界。貿易方面，臺灣主要透過高科技產品來趁外匯，另外猶有文化產業佮觀光業个發展。

1987年解嚴以來政治上个自由化佮民主化，以泛藍佮泛綠為首个政黨政治，統一佮獨立議題，以及公民社會个形成，臺灣沓沓仔脫離過住佇戒嚴時代形塑个大中國史觀，發展出以臺灣做中心个多元文化主義，予臺灣文化重現多元並立佮兼容並蓄个面貌。

地理

臺灣个四季無像緯度較懸个國度分明。伊个溫度差不多佇攝氏6度到攝氏36度中間。會使講是四季如春，真適合儂蹛个所在。

自然地理

臺灣島个海岸線長度，照時間佮計算方式有真大个精差，其中一个數字是大約1137公里。臺灣个西爿佮西北是臺灣海峽，本島距離歐亞大陸平均大約200公里，上狹是新竹縣到中國福建平潭島个130公里。臺灣个北爿是東海佮朝鮮半島，東北是琉球群島佮日本列島。西南是中國廣東省，海岸距離大約300公里。東爿是太平洋。南爿是菲律賓群島佮巴士海峽。從地緣政治个角度來觀察，臺灣拄好就是位佇東亞島弧个中間區域，連結東北亞佮東南亞，是亞太經濟貿易个重要運輸佮戰略要地。

• 
  臺灣海峽
• 
  臺灣海峽
• 
  臺灣海峽
• 
  臺灣海峽

地質佮水文

詳細請看：臺灣兮地質

臺灣是由歐亞大陸板塊、Okinawa板塊佮菲律賓海板塊擠壓所隆起个島嶼。臺灣主要是由2个板塊个聚合作用產生，分別歸屬佇歐亞板塊佮菲律賓海板塊。板塊聚合作用分做2个部份，佇菲律賓海板塊西爿，歐亞板塊隱沒到菲律賓海板塊下底，啊菲律賓海板塊个北爿，是菲律賓海板塊隱沒到歐亞板塊下跤。板塊聚合作用致使臺灣沓沓仔隆起，並且佇臺灣東南爿形成菲律賓海溝佮馬尼拉海溝，呂宋海槽佮呂宋島弧，以及佇臺灣東北爿，形成琉球海溝佮琉球島弧，也致使臺灣成做濟斷層个環境。臺灣突出海面了後，形成濟濟山脈。以花東縱谷做分界，縱谷東爿个海岸山脈屬佇菲律賓海板塊，東北爿个宜蘭、龜山島彼搭屬於Okinawa弧後裂開个一部分，西爿个中央山脈、雪山山脈佮玉山山脈是屬於歐亞板塊。玉山山脈形成了後，因為頂層向西滑，形成了阿里山山脈。因為降雨豐沛造就來自高山个大量沉積物，佇山脈西爿面誕生了沖積平埔。到今連紲个板塊運動產生了頻繁个地動。臺灣位佇板塊交界，孕育了逐个斷層个產生。主要斷層有921大地動个車籠埔斷層、予臺北盆地陷落形成康熙臺北湖个山腳斷層、東部上長个池上斷層、以及長85公里个臺灣上長斷層潮州斷層等。

氣候

臺灣个氣候雨濟，但是因為河川流較緊个關係，水分有時陣不足。

相關文章

• 臺灣歷史
• 臺灣歷史年表
• 中華民國
• 臺灣人物列單