Wikipedia:Tong-nî ê kin-á-ji̍t/5 goe̍h

5 goe̍h 1 ji̍t 5 goe̍h 1 ji̍t: 1707 nî: Eng-lân kap So͘-kat-lân cho͘-sêng Tāi Put-lia̍t-tian Ông-kok. 1753 nî: Sūi-tián si̍t-bu̍t-ha̍k-ka Carolus Linnaeus (tô͘) hoat-piáu Species Plantarum, chia chheh tùi kin-á-ji̍t si̍t-bu̍t hō-miâ kòng-hiòng chin toā. 1776 nî: Tek-kok lâng Adam Weishaupt kap Adolph Freiherr Knigge tī Bayern ê Ingolstadt sêng-li̍p pì-bi̍t cho͘-chit Kong-bêng-hoē. 1960 nî: U-2 sū-kiāⁿ: Bí-kok ê U-2 kàn-tia̍p hui-hêng-ki tī So͘-liân hông phah--lo̍h-lâi. 2004 nî: Au-chiu Liân-bêng ke 10 ê sin sêng-oân kok: Pho-lân, Lietuva, Latvia, Estonia, Chesko, Slovakia, Slovenia, Hông-gâ-lī, Malta, kah Ku-pí-lō͘. Tong-nî ê 4 goe̍h 30 ji̍t 5 goe̍h 1 ji̍t 5 goe̍h 2 ji̍t	5 goe̍h 2 ji̍t 5 goe̍h 2 ji̍t: 1611 nî: Eng-lân kok-ông James 1-sè chí-tēng Robert Barker chhut-pán Sèng-keng ê Khim-tēng-pún. 1670 nî: Eng-lân kok-ông Charles 2-sè ún-chún Hudson's Bay Kong-si to̍k-chiàm Pak Bí-chiu Rupert's Land ê bō͘-e̍k te̍k-khoân. 1945 nî: Tē-jī-chhù Sè-kài Tāi-chiàn: Nazi Tek-kok pó-oē Pek-lîm ê chiong-kun Helmuth Weidling hiòng Georgy Zhukov toà-niá ê So͘-liân Âng-kun tâu-hâng, Pek-lîm Chiàn-tò͘ kiat-sok. 1989 nî: Hông-gâ-lī pàng--khui i kap Ò-tē-lī ê pian-kài, "Thih ê thang-á-lî" hō͘ thuah--khui. 2008 nî: Chile ê Chaitén hóe-soaⁿ (siōng) chū 1640 nî āu thâu pái po̍k-hoat. Tong-nî ê 5 goe̍h 1 ji̍t 5 goe̍h 2 ji̍t 5 goe̍h 3 ji̍t
5 goe̍h 3 ji̍t 5 goe̍h 3 ji̍t: 1492 nî: Christopher Columbus hoat-hiān Jamaica. 1791 nî: Pho-lân Lietuva gī-hoē thong-koè 1791 nî 5 goe̍h 3 ji̍t Hiàn-hoat (tô͘), che sī Au-chiu le̍k-sú siōng thâu ê hoat-tián-hoà ê hiàn-hoat. 1868 nî: Ji̍t-pún Edo bō͘-hú ê chiong-kun Tokugawa Yosinobu hiòng chi-chhî Bêng-tī Thian-hông ê pō͘-tūi tâu-hâng, Edo sî-tāi kiat-sok. 1947 nî: Ji̍t-pún khai-sí si-hêng sin ê Ji̍t-pún-kok Hiàn-hoat. Tong-nî ê 5 goe̍h 2 ji̍t 5 goe̍h 3 ji̍t 5 goe̍h 4 ji̍t	5 goe̍h 4 ji̍t 5 goe̍h 4 ji̍t: 1776 nî: Cha̍p-saⁿ Si̍t-bîn-tē chi̍t it ê Rhode Island soan-pò͘ kū-choa̍t hāu-tiong Eng-kok ông-sek, Bí-kok Kek-bēng khai-sí. 1814 nî: Hoat-kok hông-tè Napoléon Bonaparte hō͘ liû-hòng kàu Elba Tó. 1919 nî: Ngó͘-sù Ūn-tōng: Tiong-kok Pak-kiaⁿ hoat-seng hoán-tùi Pa-lí Kóng-hô Hoē-gī kap 21 Tiâu Iau-kiû ê khòng-gī (tô͘). 1979 nî: Margaret Thatcher chiū-jīm Eng-kok siú-siòng, i mā sī Eng-kok le̍k-sú siōng thâu ê cha-bó͘ siú-siòng. Tong-nî ê 5 goe̍h 3 ji̍t 5 goe̍h 4 ji̍t 5 goe̍h 5 ji̍t
5 goe̍h 5 ji̍t 5 goe̍h 5 ji̍t: {{{caption}}} 1835 nî: Au-chiu thâu tiâu thih-lō͘ tī Pe̍k-ní-gī thong-chhia, chia thih-lō͘ chū Brussels thong kàu Mechelen. 1905 nî: Ko-lê Tāi-ha̍k-hāu tī Tiâu-sián ê Seoul sêng-li̍p. 1922 nî: Tiong-kok Kiōng-sán-chú-gī Chheng-liân-thoân tī Kńg-chiu sêng-li̍p. 1950 nî: Thài-kok kok-ông Bhumibol Adulyadej tī Bangkok kú-hêng tài-koan-sek (tô͘). Tong-nî ê 5 goe̍h 4 ji̍t 5 goe̍h 5 ji̍t 5 goe̍h 6 ji̍t	5 goe̍h 6 ji̍t 5 goe̍h 6 ji̍t: 1527 nî: Se-pan-gâ kap Sîn-sèng Lô-má Tè-kok ê pō͘-tūi phah ji̍p Lô-má í-āu, tī Lô-má chhiúⁿ-kiap (tô͘), Í-tāi-lī Bûn-gē ho̍k-heng kiat-sok. 1682 nî: Hoat-kok kok-ông Louis 14-sè chiong ông-kiong chū Pa-lí soá kàu Versailles Kiong. 1782 nî: Siam-lô (Thài-kok) kok-ông Phuttha Yotfa Chulalok bēng-lēng khai-sí khí Bangkok Ông-kiong. 1882 nî: Bí-kok chóng-thóng Chester A. Arthur chhiam-tēng Tiong-kok-lâng Pâi-thek Hoat-àn, kìn-chí Tiong-kok kang-lâng ji̍p kàu Bí-kok. Tong-nî ê 5 goe̍h 5 ji̍t 5 goe̍h 6 ji̍t 5 goe̍h 7 ji̍t
5 goe̍h 7 ji̍t 5 goe̍h 7 ji̍t: 1718 nî: Mississippi Kong-si tī Hoat-kok léng Louisiana ê Mississippi Hô hô-kîⁿ kiàn-li̍p siâⁿ-chhī New Orleans. 1832 nî: Hi-lia̍p chū Osman Tè-kok to̍k-li̍p. 1918 nî: Romania kap Tiong-iong Tông-bêng chhiam Bucharest Tiâu-iok. 1952 nî: Eng-kok tiān-chú kang-thêng-su Geoffrey Dummer thâu hoê thê-chhut chek-thé tiān-lō͘ (tô͘) ê kài-liām. Tong-nî ê 5 goe̍h 6 ji̍t 5 goe̍h 7 ji̍t 5 goe̍h 8 ji̍t	5 goe̍h 8 ji̍t 5 goe̍h 8 ji̍t: 1654 nî: Tek-kok bu̍t-lí-ha̍k-ka Otto von Guericke tī Regensburg chip-hêng Magdeburger Poàn-kiû si̍t-giām, tián-sī khì-ap ê chok-iōng. 1769 nî: Hoat-kok ha̍p-pēng Corsica. 1846 nî: Be̍k-Bí Chiàn-cheng: Bí-kok kap Be̍k-se-ko khí Palo Alto Chiàn-tò͘ (tô͘). 1886 nî: Bí-kok lâng John Stith Pemberton chiong thoàⁿ-sng ím-liāu chò-ûi choan-lī io̍h, tī Georgia ê Atlanta khai-sí bē. Tong-nî ê 5 goe̍h 7 ji̍t 5 goe̍h 8 ji̍t 5 goe̍h 9 ji̍t
5 goe̍h 9 ji̍t 5 goe̍h 9 ji̍t: 1877 nî: Romania chū Osman Tè-kok to̍k-li̍p. 1901 nî: Ò-chiu gī-hoē tī Melbourne chèng-sek sêng-li̍p. 1946 nî: Í-tāi-lī kok-ông Vittorio Emanuele 3-sè thè-ūi, chiong ông-ūi niū hō͘ i ê kiáⁿ Umberto 2-sè. 1994 nî: Nelson Mandela (siōng) tòng-soán Lâm-hui-kok chóng-thóng, i sī chia kok-ka thâu ê o͘-lâng chóng-thóng. Tong-nî ê 5 goe̍h 8 ji̍t 5 goe̍h 9 ji̍t 5 goe̍h 10 ji̍t	5 goe̍h 10 ji̍t 5 goe̍h 10 ji̍t: 1503 nî: Christopher Columbus hoat-hiān Cayman Kûn-tó. 1857 nî: Ìn-tō͘ poān-loān: Ìn-tō͘ Meerut ê Bengal pō͘-tūi hoat-tōng hoán-tùi Eng-kok Tang Ìn-tō͘ Kong-si thóng-tī ê poān-loān (tô͘). 1940 nî: Tē-jī-chhù Sè-kài Tāi-chiàn: Tek-kok kap Hô-lân hoat-seng Maastricht Chiàn-tò͘, Tek-kok sèng-lī. 1941 nî: Nazi Tek-kok ê hù-goân-siú Rudolf Hess chi̍t-ê-lâng khui hui-ki poe khì So͘-kat-lân, hō͘ Eng-kok-lâng lia̍h khí-lâi. Tong-nî ê 5 goe̍h 9 ji̍t 5 goe̍h 10 ji̍t 5 goe̍h 11 ji̍t
5 goe̍h 11 ji̍t 5 goe̍h 11 ji̍t: 330 nî: Lô-má Tè-kok khai-sí khí Constantinopolis (kin-á-ji̍t ê Istanbul). 1858 nî: Minnesota chèng-sek piàn-sêng Bí-kok tē 32 ê chiu. 1891 nî: Ôtu sū-kiāⁿ: Lō͘-se-a thài-chú Nikolai Alexandrovich (í-āu ê hông-tè Nikolai 2-sè) tī Ji̍t-pún hóng-būn ê sî-hāu siū kàu kíng-chhat Tuda Sanzô ê àm-sat, bô sí. 1997 nî: Deep Blue vs. Kasparov: IBM khai-hoat ê chhiau-kip tiān-náu Deep Blue (tô͘) kap sè-kài se-iûⁿ-kî koan-kun Garry Kasparov kiâⁿ se-iûⁿ-kî, kiat-kó Deep Blue iâⁿ. Tong-nî ê 5 goe̍h 10 ji̍t 5 goe̍h 11 ji̍t 5 goe̍h 12 ji̍t	5 goe̍h 12 ji̍t 5 goe̍h 12 ji̍t: 1797 nî: Hoat-kok Kek-bēng Chiàn-cheng: Napoléon Bonaparte toà-niá Hoat-kok pō͘-tūi chiàm-niá Venezia Kiōng-hô-kok. 1870 nî: Manitoba ka-ji̍p Canada. 1949 nî: So͘-liân soan-pò͘ kái-tû tùi Sai Pek-lîm ê hong-só. 2008 nî: Tiong-kok Sù-chhoan hoat-seng 7.9 ML ê tē-tāng (tô͘), sí 7 bān, siū-siong 37 bān, sit-chong 18000 lâng. Tong-nî ê 5 goe̍h 11 ji̍t 5 goe̍h 12 ji̍t 5 goe̍h 13 ji̍t
5 goe̍h 13 ji̍t 5 goe̍h 13 ji̍t: 1630 nî: Mogul Tè-kok hông-tè Shah Jahan bēng-lēng khai-sí tī Delhi khí Âng-sek Siâⁿ-pó (siōng). 1830 nî: Ecuador chū Toā Colombia to̍k-li̍p. 1846 nî: Be̍k-Bí Chiàn-cheng: Bí-kok chèng-sek soan-pò͘ hiòng Be̍k-se-ko khai-chiàn. 1998 nî: Ìn-nî hoat-seng pâi-thek Hoâ-jîn ê po̍k-tōng. Tong-nî ê 5 goe̍h 12 ji̍t 5 goe̍h 13 ji̍t 5 goe̍h 14 ji̍t	5 goe̍h 14 ji̍t 5 goe̍h 14 ji̍t: 1796 nî: Eng-kok i-seng Edward Jenner chiong gû-tāu chèng kàu chi̍t ê 8 hoè gín-á-kiáⁿ sin siōng (tô͘), chèng-bêng gû-tāu ū hoat-tō͘ niū lâng tùi thian-hoa bián-e̍k. 1878 nî: Ji̍t-pún chèng-tī-ka Ôkubo Tosimiti hō͘ lâng àm-sat. 1948 nî: David Ben-Gurion tī Tel Aviv soan-pò͘ Í-sek-lia̍t to̍k-li̍p. 1955 nî: Warszawa Tiâu-iok Cho͘-chit chèng-sek sêng-li̍p. Tong-nî ê 5 goe̍h 13 ji̍t 5 goe̍h 14 ji̍t 5 goe̍h 15 ji̍t
5 goe̍h 15 ji̍t 5 goe̍h 15 ji̍t: 1905 nî: Bí-kok siâⁿ-chhī Las Vegas (tô͘) chèng-sek kiàn-li̍p. 1928 nî: Mickey Mouse kap Minnie Mouse thâu hoê tī Walt Disney Kong-si ê tōng-oē-phìⁿ lāi-bīn chhut-hiān. 1935 nî: So͘-liân ê Bo̍k-su-kho Tē-hā-thih chèng-sek thong-chhia. 1972 nî: Bí-kok chiong Liû-kiû kau hō͘ Ji̍t-pún, Ji̍t-pún tiông-sin siat Okinawa-koān. Tong-nî ê 5 goe̍h 14 ji̍t 5 goe̍h 15 ji̍t 5 goe̍h 16 ji̍t	5 goe̍h 16 ji̍t 5 goe̍h 16 ji̍t: 1527 nî: Medici ka-cho̍k tē jī chhù hō͘ lâng koáⁿ chhut Firenze. 1960 nî: Bí-kok bu̍t-lí-ha̍k-ka Theodore Maiman thâu hoê tī California Malibu ê HRL Si̍t-giām-sek chò chhut lûi-siā (tô͘). 1961 nî: Hân-kok kun-jîn Park Chung-hee hoat-tōng chèng-piàn. 1975 nî: Ìn-tō͘ ha̍k-pēng Sikkim Ông-kok, chiong i kái chò Ìn-tō͘ ê chi̍t ê pang. Tong-nî ê 5 goe̍h 15 ji̍t 5 goe̍h 16 ji̍t 5 goe̍h 17 ji̍t
5 goe̍h 17 ji̍t 5 goe̍h 17 ji̍t: 1792 nî: Bí-kok ê New York Chèng-kǹg Kau-e̍k-só͘ chèng-sek sêng-li̍p (siōng). 1954 nî: Bí-kok Choè-ko Hoat-īⁿ jīm-tēng ha̍k-hāu lāi-bīn ê jîn-chéng hun-lī ûi-hoán hiàn-hoat. 2009 nî: Microsoft kong-khai hoat-pò͘ iû i khai-hoat ê soa-poâⁿ iû-hì Minecraft, chia iû-hì tī 2011 nî chèng-sek hoat-hêng. 2019 nî: Tâi-oân chèng-sek sêng-jīm tông-sèng hun-in. Tong-nî ê 5 goe̍h 16 ji̍t 5 goe̍h 17 ji̍t 5 goe̍h 18 ji̍t	5 goe̍h 18 ji̍t 5 goe̍h 18 ji̍t: 1804 nî: Napoléon Bonaparte chiū-jīm Hoat-kok hông-tè, kiàn-li̍p Hoat-lân-se Tē-it Tè-kok. 1900 nî: Tonga piàn-sêng Eng-kok ê pó-hō͘-kok. 1980 nî: Bí-kok Washington ê St. Helens Hoé-soaⁿ po̍k-hoat (tô͘), sí 57 lâng, sún-sit 11 ek Bí-kim. 1980 nî: Gwangju bîn-chú-hoà ūn-tōng: Hân-kok Gwangju hoat-seng hoán-tùi chóng-thóng Chun Doo-hwan to̍k-chhâi thóng-tī ê khòng-gī sū-kiāⁿ. Tong-nî ê 5 goe̍h 17 ji̍t 5 goe̍h 18 ji̍t 5 goe̍h 19 ji̍t
5 goe̍h 19 ji̍t 5 goe̍h 19 ji̍t: 1649 nî: Hoán-tùi Eng-lân kok-ông Charles 1-sè ê Kha-chhng Gī-hoē (Rump Parliament) thong-koè hùi-tû kun-chú-chè ê hoat-àn, chiong Eng-lân kái-sêng chi̍t ê kiōng-hô-kok. 1743 nî: Hoat-kok bu̍t-lí-ha̍k-ka Jean-Pierre Christin hoat-bêng Lyon un-tō͘-kè, chia mi̍h-kiāⁿ sī thâu ê ū siá Liap-sī un-phiau ê chúi-gîn un-tō͘-kè. 1802 nî: Hoat-kok khai-sí siat Légion d'honneur Hun-chiong (siōng). 1919 nî: Mustafa Kemal Atatürk hoat-tōng hoán-tùi Osman Tè-kok thóng-tī ê Thó͘-ní-kî To̍k-li̍p Chiàn-cheng. Tong-nî ê 5 goe̍h 18 ji̍t 5 goe̍h 19 ji̍t 5 goe̍h 20 ji̍t	5 goe̍h 20 ji̍t 5 goe̍h 20 ji̍t: 325 nî: Ki-tok-kàu ê Tē-it-chhù Nicaea Kong-hoē-gī kí-hêng (tô͘), iû Lô-má Tè-kok hông-tè Constantinus 1-sè chú-chhî. 1570 nî: Hô-lân-lâng Abraham Ortelius pian ê tē-tô͘-chi̍p Theatrum Orbis Terrarum chhut-pán, chia chheh sī sè-kài siōng thâu pō͘ tē-tô͘-chi̍p. 1902 nî: Cuba chū Bí-kok to̍k-li̍p. 1983 nî: Hoat-kok pēⁿ-to̍k-ha̍k-ka Luc Montagnier hoat-hiān HIV pēⁿ-to̍k, tān-sī iáu bē hiáu i kap AIDS ū koan-hē. Tong-nî ê 5 goe̍h 19 ji̍t 5 goe̍h 20 ji̍t 5 goe̍h 21 ji̍t
5 goe̍h 21 ji̍t 5 goe̍h 21 ji̍t: 293 nî: Lô-má Tè-kok hông-tè Diocletianus jīm-bēng Galerius chò hù-hông-tè (Caesar). 1792 nî: Ji̍t-pún Unzen Soaⁿ hoé-soaⁿ po̍k-hoat, ín-khí pang-soaⁿ kap chu-ná-mih. 1863 nî: Sin-kàu kàu-phài An-hioh-ji̍t-hoē (tô͘) tī Bí-kok Michigan ê Battle Creek sêng-li̍p. 1932 nî: Bí-kok hui-hêng-oân Amelia Earhart chū Newfoundland poe kàu Pak Ài-ní-lân, i sī thâu ê chi̍t-ê-lâng poe koè Tāi-se-iûⁿ ê cha-bó͘. Tong-nî ê 5 goe̍h 20 ji̍t 5 goe̍h 21 ji̍t 5 goe̍h 22 ji̍t	5 goe̍h 22 ji̍t 5 goe̍h 22 ji̍t: 192 nî: Hàn ê sêng-siòng Táng Tok (tô͘) hō͘ Lū Pò͘ thâi-sí. 1455 nî: Eng-lân ê York Kong-chiok Richard toà-niá ê pō͘-tūi tī Tē-it-chhù St Albans Chiàn-tò͘ lāi-bīn lia̍h-tio̍h kok-ông Henry 6-sè, Chhiûⁿ-bî Chiàn-cheng po̍k-hoat. 1809 nî: Karl von Österreich-Teschen toà-niá ê Ò-tē-lī pō͘-tūi tī Aspern-Essling phah iâⁿ Napoléon Bonaparte ê Hoat-kok pō͘-tūi. 1900 nî: Associated Press tī Bí-kok New York sêng-li̍p. Tong-nî ê 5 goe̍h 21 ji̍t 5 goe̍h 22 ji̍t 5 goe̍h 23 ji̍t
5 goe̍h 23 ji̍t 5 goe̍h 23 ji̍t: 1430 nî: Pah-nî Chiàn-cheng: Jeanne d'Arc (tô͘) tī Compiègne Pau-ûi-chiàn lāi-bīn hō͘ lia̍h tio̍h. 1949 nî: Tek-ì-chì Liân-pang Kiōng-hô-kok Ki-pún-hoat thong-kòe, Tek-ì-chì Liân-pang Kiōng-hô-kok sêng-li̍p. 1951 nî: Tiong-hôa Jîn-bîn Kiōng-hô-kok hām Se-chōng Ông-kok siang-hong chhiam-tēng Cha̍p-chhit tiâu Hia̍p-gī, chèng-sek khai-sí i tī Se-chōng ê thóng-tī. 1994 nî: Roman Herzog chiâⁿ-chòe iû Liân-pang Hōe-gī soán--chhut-lâi ê tē-it jīm Tek-kok chóng-thóng. 1995 nî: Canada tiān-náu kang-thêng-su James Gosling hoat-bêng thêng-sek gí-giân Java. Tong-nî ê 5 goe̍h 22 ji̍t 5 goe̍h 23 ji̍t 5 goe̍h 24 ji̍t	5 goe̍h 24 ji̍t 5 goe̍h 24 ji̍t: 1626 nî: Hô-lân-lâng chū Bí-chiu goân-chū-bîn hia bé tio̍h Manhattan. 1844 nî: Bí-kok hoat-bêng-ka Samuel Morse hoat-bêng tiān-pò. 1883 nî: Bí-kok New York ê Brooklyn Kiô (siōng) khai-sí ēng, chia kiô sī tong-nî siāng tn̂g ê tiàu-kiô. 1993 nî: Eritrea chū Ethiopia to̍k-li̍p. Tong-nî ê 5 goe̍h 23 ji̍t 5 goe̍h 24 ji̍t 5 goe̍h 25 ji̍t
5 goe̍h 25 ji̍t 5 goe̍h 25 ji̍t: 1644 nî: Bêng-Chheng chiàn-cheng: Bêng-tiâu chiong-kun Gô͘ Sam-kùi tông-ì Chheng-kok pō͘-tūi ji̍p kàu Tn̂g-siâⁿ ê San-hái-koan (siōng) phah Lí Chū-sêng. 1810 nî: Gō͘-goe̍h Kek-bēng: Buenos Aires ê chhī-bîn chiong Río de la Plata hù-ông Baltasar Hidalgo de Cisneros hùi--tiāu, Argentina To̍k-li̍p Chiàn-cheng po̍k-hoat. 1895 nî: Chheng-kok Tâi-oân Sûn-hú Tn̂g Kéng-siông tī Tâi-pak hoat-piáu to̍k-li̍p soan-giân, soan-pò͘ kiàn-li̍p Tâi-oân Bîn-chú-kok. 1977 nî: George Lucas chhòng-chok kiam chí-tō ê Star Wars chiūⁿ-èng, chiâⁿ-chò thong-sè-kài siāng siū hoan-gêng ê tiān-iáⁿ chi-it. Tong-nî ê 5 goe̍h 24 ji̍t 5 goe̍h 25 ji̍t 5 goe̍h 26 ji̍t	5 goe̍h 26 ji̍t 5 goe̍h 26 ji̍t: 1636 nî: Hô-lân Tang Ìn-tō͘ Kong-si tī Siraya-cho̍k ê Sinckan khui chi̍t ê o̍h-tn̂g, che sī Tâi-oân le̍k-sú siōng thâu ê o̍h-tn̂g. 1896 nî: Lō͘-se-a choè-āu chi̍t ê hông-tè Nikolai 2-sè (siōng) kí-hêng tài-koan-sek. 1896 nî: Bí-kok kì-chiá Charles Dow thâu hoê hoat-pò͘ i hoat-bêng ê Dow Jones Kang-gia̍p Pêng-kin Chu-kè. 1966 nî: Guyana chū Eng-kok to̍k-li̍p. Tong-nî ê 5 goe̍h 25 ji̍t 5 goe̍h 26 ji̍t 5 goe̍h 27 ji̍t
5 goe̍h 27 ji̍t 5 goe̍h 27 ji̍t: 1703 nî: Toā Pak-hng Chiàn-cheng: Lō͘-se-a chiàm-niá Sūi-tián ê siâⁿ-chhī Ingria í-āu, sa-hông Pyotr 1-sè bēng-lēng tī chia tē-hng kiàn-li̍p Sèng Pí-tek-pó. 1937 nî: Liân-chiap Bí-kok Kū-kim-soaⁿ kap Marin Kūn ê Golden Gate Tōa-kiô (siōng) khai-sí ēng, chia kiô sī hit-tang-chūn thong-sè-kài siōng-tn̂g ê kiô. 1940 nî: Tē-jī-chhù Sè-kài Tāi-chiàn: Eng-kok, Hoat-kok liân-kun chū Hoat-kok ê Dunkerque thiat-thè kàu Eng-kok. 1942 nî: Nazi Tek-kok jīm-bēng ê Bohemia kap Moravia Pó-hō͘-léng chóng-tok Reinhard Heydrich hō͘ àm-sat, 8 kang í-āu koè-sin. Tong-nî ê 5 goe̍h 26 ji̍t 5 goe̍h 27 ji̍t 5 goe̍h 28 ji̍t	5 goe̍h 28 ji̍t 5 goe̍h 28 ji̍t: 1858 nî: Chheng-kok kap Lō͘-se-a chhiam-tēng Ài-hui Tiâu-iok, Chheng-kok chiong Goā Boán-chiu 60 bān pêng-hong kong-lí léng-thó͘ ê chú-khoân niū hō͘ Lō͘-se-a. 1871 nî: Pa-lí Kong-siā hō͘ Hoat-kok tìn-ap. 1905 nî: Ji̍t-Lō͘ Chiàn-cheng: Tôgô Heihatirô toà-niá Ji̍t-pún hái-kun tī Tusima Hái-kiap phah iâⁿ Lō͘-se-a hái-kun ê Baltic Lām-tūi (tô͘). 1936 nî: Eng-kok sò͘-ha̍k-ka Alan Turing thê-chhut Turing Ki-khì. Tong-nî ê 5 goe̍h 27 ji̍t 5 goe̍h 28 ji̍t 5 goe̍h 29 ji̍t
5 goe̍h 29 ji̍t 5 goe̍h 29 ji̍t: 1453 nî: Osman Tè-kok chiàm-niá Constantinopolis (tô͘), Tang Lô-má Tè-kok bia̍t-bông. 1660 nî: Charles 2-sè tńg kàu Eng-lân, soan-pò͘ khoe-ho̍k kun-chú-chè. 1895 nî: It-bī Chiàn-cheng: Kitasirakawa Yosihisa Chhin-ông toà-niá Ji̍t-pún pō͘-tūi chhim-ji̍p Tâi-oân. 1953 nî: New Zealand lâng Edmund Hillary kap Nepal lâng Tenzing Norgay peh Chomolangma Hong kàu téng, in sī thâu phoe peh chia soaⁿ kàu téng ê lâng. Tong-nî ê 5 goe̍h 28 ji̍t 5 goe̍h 29 ji̍t 5 goe̍h 30 ji̍t	5 goe̍h 30 ji̍t 5 goe̍h 30 ji̍t: 1431 nî: Jeanne d'Arc hō͘ Eng-lân-lâng ēng hoé sio sí. 1626 nî: Bêng-tiâu Pak-kiaⁿ hoat-seng Ông-kiong-chhiúⁿ po̍k-chà, sí 2 bān lâng. 1922 nî: Bí-kok Washington, D.C. ê Lincoln Kì-liām-tn̂g (tô͘) khí hó. 1967 nî: Nigeria Loē-chiàn: Nigeria kun-jîn C. Odumegwu Ojukwu soan-pò͘ Biafra chū Nigeria to̍k-li̍p. Tong-nî ê 5 goe̍h 29 ji̍t 5 goe̍h 30 ji̍t 5 goe̍h 31 ji̍t
5 goe̍h 31 ji̍t 5 goe̍h 31 ji̍t: 1921 nî: Bí-kok Oklahoma ê Tulsa hoat-seng chiam-tùi o͘-lâng ê tô͘-sat (tô͘), "O͘-lâng ê Wall Street" Greenwood hō͘ pe̍h-lâng pàng-hoé sio--tiāu. 1945 nî: Tē-jī-chhù Sè-kài Tāi-chiàn: Bí-kok phài hui-ki chà Tâi-pak. 1982 nî: Falkland Chiàn-cheng: Eng-kok kap Argentina tī Falkland Kûn-tó hū-kīn hoat-seng hái-chiàn. 2012 nî: Kok-chè Sûn-chèng Èng-ēng Hoà-ha̍k Liân-ha̍p (IUPAC) soan-pò͘ chiong Uuq, Uuh chèng-sek khí-miâ kiò choè Flerovium, Livermorium. Tong-nî ê 5 goe̍h 30 ji̍t 5 goe̍h 31 ji̍t 6 goe̍h 1 ji̍t